@Mumbai
Elecrama Exhibition
Jan 192012
પ્રિય મિત્રો,
ઘણાં સમય પહેલાં એટલે કે એપ્રિલ ૨૦૦૯માં અહીં એક રમુજી ચિત્ર મુક્યું હતું, જૂનું ટીવી + ટાઈપરાઈટર + ઈસ્ત્રી = કોમ્પ્યુટર? આજે ફરી એવું જ એક ચિત્ર મુકું છું. જેમાં સામાન્ય દેખાતી વસ્તુઓ વડે અસામાન્ય દેખાવ ઊભો કરવામાં આવ્યો હોય. હકિકતમાં વસ્તુઓ અલગ હોય અને માહોલ કોઈ જુદો જ રચાતો હોય…
(ફોટો સૌજન્ય)
ઉપરના ચિત્રમાં વાહનનું પૈડું અને ઈલેક્ટ્રિક સેન્ડ મશિન દ્વારા અલગ જ માહોલ ઊભો કરવામાં આવ્યો છે…!
પ્રિય મિત્રો,
સોશિયલ બુકમાર્ક સેવા ડિલિશિયસ – એક પરિચયના પહેલા ભાગમાં આપણે ડિલિશિયસ પર આપણું ખાતું ખોલાવ્યું, ‘સેવ ઓન ડિલિશિયસ’નું બુકમાર્કલેટ (બટન) બ્રાઉઝરના બુકમાર્ક બાર પર મૂક્યું જેથી નવી સાઈટ/લેખ આપણે ડિલિશિયસ પર ઉમેરી શકીએ. તે પછી આપણે આપણા બ્રાઉઝર પર સેવ કરેલા બુકમાર્ક એક્ષ્પોર્ટ કરી ફાઈલ બનાવી તે ફાઈલને ડિલિશિયસમાં ઈમ્પોર્ટ કેવી રીતે કરવી તે જાણ્યું. તે પછી આપણે આપણને ગમતા કેટલાક બ્લૉગ ડિલિશિયસ પર ઉમેર્યા. પછી મેં નરસિંહ મહેતાની રચનાઓ ઉમેરી. હવે જુઓ મારું ડિલિશિયસ હોમ પેજ આવું દેખાય છે! http://www.delicious.com/funngyan
તમે પણ જોઈ શકો છો.ઉપરના ચિત્રમાં દર્શાવ્યા પ્રમાણે.. ૧) ‘કૉમ્પેક્ટ વ્યુ’ પસંદ કર્યું છે. ૨) ‘ટેગ્સ’ વિભાગમાં વિષયની યાદી બની રહી છે, રચનાકારોની યાદી બની રહી છે ૩) બુકમાર્ક તારીખ પ્રમાણે ગોઠવાયેલા છે ૪a અને ૪b) જે તે રચનાકારના ‘ટેગ’ પર ક્લિક કરી તે રચનાકારની બધી જ પોસ્ટ (આપણે સેવ કરી હોય તેમાંથી) જોઈ શકાય છે. ૫) બીજા કેટલા લોકોને આ લેખ/પોસ્ટ/સાઈટ ગમી છે અને તેમણે સેવ કરી છે તે જાણી શકાય છે. ફનએનગ્યાનને ૮ વ્યક્તિઓએ સેવ કરી છે તે ચિત્રમાં જોઈ શકાય છે.
આ જે હું અહીં ઑનલાઈન સંગીત પિરસતી મનપસંદ સાઈટની યાદી બનાવી રહ્યો છું. જેમાં હું રાગા, ગાના, ધિંગાણા, ઈન અને સ્મેશહિટ્સ એમ પાંચ સાઈટ ઉમેરી રહ્યો છું. દરેક સાઈટને ‘music’ ટેગ આપ્યું છે, બધી લિન્ક જાહેર (પબ્લિક) છે. હવે આ પાંચ સાઈટ મિત્રો સાથે શેર કરવા માટે મારે ફક્ત એક જ લિન્ક શેર કરવાની રહેશે: http://www.delicious.com/funngyan/music
આવી જ રીતે જેતે વિષય પર ૫ હોય કે ૫૦૦ હોય કે ૫૦૦૦ હોય કે ૫,૦૦,૦૦૦ સાઈટ હોય, ફક્ત એક લિન્ક વડે શેર કરી શકાય છે. તેવી જ કેટલા લોકોએ એ સાઈટને સેવ કરી છે તે જાણી શકાય. દા.ત. રાગા સાઈટ ૧૭૦ વ્યક્તિઓએ શેર કરી છે!
ડિલિશિયસ હોમપેજની લિન્ક બ્લૉગ/વેબસાઈટ પર પણ મૂકી શકાય જેથી મિત્રો તેનો ઉપયોગ કરી શકે.
આ ઉપરાંત તાજેતરમાં ડિલિશિયસ પર એક નવી સેવા ઉમેરવામાં આવી છે = સ્ટેક!
આ સુવિધા પિનટરેસ્ટ જેવી જ છે. ઉદાહરણ માટે આપણે ઘડિયાળનો સંગ્રહ (સ્ટેક) જોઈએ…Unusual Wall Clocks લિન્ક્ની જેમ સ્ટેક સેવ અને શેર કરી શકાય છે ઉપરાંત કોઈએ બનાવેલા સ્ટેકને ફોલો કરી શકાય છે.
આશા છે આ ટિપ્સ આપને ઉપયોગી થઈ હશે/થશે! આપના અનુભવ અહીં જણાવશો…
અન્ય સોશિયલ બુકમાર્ક સાઈટનો પરિચય હવે પછી…
પ્રિય મિત્રો,
ગયા અઠવાડિયે દિવ્ય ભાસ્કરમાં એક લેખ હતો, આ મોબાઇલ ફોનની બેટરી ૧૫ વર્ષ ચાલશે!
મથાળું વાંચીને બહુ જ આશ્ચર્ય થયું. અંદર વાંચતા, પહેલું જ વાક્ય, ‘માનો કે ના માનો, આ તદન સાચી વાત છે’ જોઈને આશ્ચર્ય બેવડાયું, ‘સ્પેયર વનની બેટરી કમ સે કમ 15 વર્ષ લાઇફ વાળી છે, તેવો કંપનીનો દાવો છે. તેને તમે ચાર્જ ન પણ કરો તો પણ આ આટલા વર્ષ સુધી ચાલી શકે છે. આજે જ્યારે કેટલીય શાનદાર મોબાઇલ ફોનની બેટરીઓ અંદાજે બે દિવસમાં ખત્મ થઇ જાય છે, એવામાં આ બેટરી ધમાલ મચાવી દેશે.’
પંદર વર્ષ ચાલે તેવી બેટરી મોબાઈલમાં લગાડી ચાલતાં ચાલતાં વાતો કરવી હોય તો પાછળ હાથગાડીમાં બેટરીને લઈને ફરવું પડે! દાવો જરા વધારે પડતો લાગ્યો એટલે તરત જ સ્પેરવન કંપનીની સાઈટની મુલાકાત લઈ ખાતરી કરવાનું નક્કી કર્યું. કિટલી કરતાં ચાય ઠંડી હોય એ નિયમ પ્રમાણે સ્પેરવનની સાઈટ પર આ દાવા સાથે (હંમેશ પ્રમાણે) ફુલ્લીઓ જોવા મળી! બીજું સ્પેરવન કંપની બેટરીની સેલ્ફ લાઈફ પંદર વર્ષની કહે છે. સેલ્ફ લાઈફ એટલે એક વખત બેટરી ચાર્જ કર્યા પછી એમ ને એમ પડી રહે (મોબાઈલમાં નહીં) તો ૧૫ વર્ષ સુધી તેમાં ચાર્જ જળવાઈ રહે. ચોક્ક્સ કંપનીની ચોક્કસ મોડલની બેટરી વાપરો તો જ આ પરિણામ મળે! ટૉક ટાઈમ તો ૧૦ કલાકનો જ મળવાનો છે.
આમ કરતાંને મોબાઈલના એક નવા મોડલની ઓળખ થઈ જે પેન્સિલ સેલ વડે ચાલે છે. આ એક બહુ જ ઉપયોગી સુવિધા છે જ્યારે તમે ભારતના ગામડાઓમાં પ્રવાસ કરી રહ્યા હો અને તમારા મોબાઈલની બેટરી ઊતરી ગઈ હોય અને રીચાર્જ કરવા માટે તમારી પાસે ચાર્જર હોય પણ લાઈટ ન હોય! પેન્સિલ સેલ બધે (ગામડામાં પણ) મળી રહે અને વાતચિત ચાલતી રહે!
પ્રિય મિત્રો,
દિવાળી પતે એટલે જાત-જાતના મેળાઓની સિઝન શરુ થઈ જાય. આ મેળા એટલે સાતમ-આઠમના મેળાની વાત નથી. આ છે પ્રદર્શન મેળાની. પ્રદર્શન કમ સેલ (જ્યાદા) વાળા મેળાઓની. આ મેળાઓમાં ફન સાથે જ્ઞાન મળતું હોય છે એટલે તેનો અહીં ઉલ્લેખ ન કરું તો કેમ ચાલે?
દર વર્ષે હું ફોટોગ્રાફી (ફોટોફેર, મુંબઈ), ઈલેક્ટ્રોનિક્સ (ઈલેક્રમા, મુંબઈ) અને કોમ્પ્યુટર (આઈટી એક્ષ્પો, પુણે) પ્રદર્શન મેળાની મુલાકાત એકલો અથવા મિત્ર સાથે અને ફ્લાવર તેમજ કન્ઝ્યુમર પ્રદર્શન મેળાની મુલાકાત પત્ની સાથે અચૂક લેતો હોઉં છું.
આપણાં ધંધાના કે રસના કે શોખના વિષયના કયા પ્રદર્શન મેળા દેશ-વિદેશમાં ક્યાં ચાલી રહ્યા છે તેનો ચિતાર આપતી વેબસાઈટ છે http://expoua.com/Exhibition/lang/en/
ઉપરાંત ગૂગલ સર્ચમાં પણ આપણા શહેરનું નામ લખી Exhibition લખી સર્ચ કરી શકાય. આ માહિતી આપને કેવી લાગી? આ ઉપરાંત કોઈ સાઈટ આપના ધ્યાનમાં હોય તો કોમેન્ટ બોક્ષમાં જણાવી શકો છો…!
આપના પ્રતિભાવ