Dec 062010
 

પ્રિય મિત્રો,

સવારે સમય ન હોવાથી આ લેખ મૂકી ન શક્યો. સવારે ફક્ત થીમ બદલાવીને મૂક્યો હતો જેથી તમે કૉફી-ડેસ્ક થીમનો અનુભવ કરી શકો.

જેવી રીતે સવારે કહ્યું તેમ થીમ પરિચય પખવાડીયાનો પહેલો થીમ છે, કૉફી-ડેસ્ક. ટેમ્પલેટલાઈટ કંપનીએ બનાવેલો આ થીમ અમુક શરતો સાથે મફત છે.

આ એક મજાનો કૉફી ટેબલ થીમ છે. જે બ્લોગરોને બ્લોગ = ડાયરી એવી ગેરસમજ છે કે પછી બ્લોગ = જાહેર ડાયરી! એવી સમજ છે તેમના માટે આ થીમ પહેલી પસંદગી છે. પોસ્ટ બહુ લાંબી ન હોય અને ઓછું લખાણ હોય (દા.ત. કવિતા કે ગઝલ) તો તે આ થીમ સાથે ખરેખર શોભી ઊઠે છે. પણ મોટી પોસ્ટ હોય કે લાંબું લખાણ હોય તો જામતું નથી કારણ, તમે ૪” પહોળી અને ૨૪” લાંબી ડાયરી જોઈ છે?

બે સાઈડબાર અને થીમ પ્રમાણેના ગ્રાફિક્સ (ચિત્રો) સાથેનો આ થીમ જોતાં જ ગમી જાય એવો છે. કૉફી ટેબલ, ટેબલ મેટ, ડાયરી, પેન, કૉફીનો કપ, સાકર ઓગાળવાની કે કોફી ભેળવવાની ચમચી, લેબલ ટેગ, ટાંકણી ભોંકીને ચોંટાડેલી નોટ્સ અને જમણી બાજુએ બે પાંદડા અહા! જમાવટ કરી દે છે.

બે સાઈડબાર અને ગ્રાફિક્સને કારણે લખાણ માટે ઓછી જગ્યા મળે છે તેથી ફોન્ટ મોટા કરી શકાતા નથી અને મોટા ચિત્રો પણ મૂકી શકાતા નથી.

આ થીમ વિણેલામોતી.કોમ સાઈટ પર જોવા મળે છે અને ફક્ત પરિચય માટે મૂકવામાં આવ્યો છે. ફનએનગ્યાન માટેના થીમના વિકલ્પ તરીકે નહીં.

વધુ વિગતો અને આ થીમ ડાઉનલોડ કરવા માટે અહીં ક્લિક કરો.

Dec 062010
 

પ્રિય મિત્રો,

આજથી થીમ પરિચય પખવાડીયું શરૂ થાય છે. આ આયોજન બહુ ઉદ્દેશી છે.

અલગ અલગ થીમનો પરિચય કરવો અને તે પરિચય ફનએનગ્યાનના વાચકોને કરાવવો. જે તે થીમ એક દિવસ માટે બ્લોગ પર મૂકવો જેથી વાચકો પ્રત્યક્ષ અનુભવ કરી શકે. પખવાડીયાને અંતે પરિચય કરાવેલા થીમમાંથી પૉલબાબા (પેલા આઠપગવાળા સ્વર્ગસ્થ! નહીં પૉલડેડીવાળા!)ની મદદથી વાચકોની પસંદગી જાણવી અને બહુમતી વાચકોએ પસંદ કરેલો થીમ ફનએનગ્યાન.કોમ પર મુકવો.

આજનો થીમ છે કૉફી-ડેસ્ક. વધુ વિગતો સાંજે ૭વાગ્યે!

આ પહેલા પણ આ રીતનું આયોજન કર્યું હતું જેની લિન્ક આ રહી! થીમ પરિચય વીક