પ્રિય મિત્રો,
૨૦૧૦ના નવા વર્ષની ભેટ રૂપે વર્ડપ્રેસ તરફથી તાજેતરમાં એક નવો થીમ ઉમેરવામાં આવ્યો છે: ડ્યુઓટોન.
ફોટો બ્લૉગ માટેના જાણીતા થીમ મોનોટોનનું આ નવું સંસ્કરણ છે. પહેલી નજરે મોનોટોન જેવો જ લાગતો આ થીમ ઘણા બધા ઉપયોગી સુધારા-વધારા સાથે આવ્યો છે. મોનોટોનની જેમ આ થીમ પણ પોસ્ટમાં મૂકેલી તસવીરને અનુરૂપ બેકગ્રાઉન્ડ કલર આપમેળે બદલાવી લેવાની પ્રક્રિયા હવે વધારે સારી રીતે કરે છે.
ડ્યુઓટોનમાં પોસ્ટની નીચેની તરફ ત્રણેક તમને ગમતા ‘વિજેટ’ પણ મૂકી શકો છો.
ડ્યુઓટોનનો સૌથી મહત્વની ખાસિયત એ છે કે ફોટાની સાથે ડિજિટલ ફોટામાં સમાવેલી ફોટાને લગતી (EXIF) માહિતી (જેવી કે ફોકલ લેંન્થ, ફિલ્મ સ્પીડ, શટર સ્પીડ, કેમેરા મોડેલ વગેરે…) વાંચીને પોસ્ટની નીચે આપમેળે દર્શાવે છે!
વધુ શું કહું? જાતે જોઈને ખાતરી કરવા માટે અહીં ક્લિક કરો…!
પ્રિય મિત્રો,
ગયા પખવાડિયે આપણે અલગ અલગ થીમનો પરિચય કર્યો અને તાજેતરમાં આપણે આપણો મત આપીને ફનએનગ્યાન.કોમ માટેનો થીમ પસંદ કર્યો. ત્યાં જ ગઈ કાલે સમાચાર આવ્યા કે વર્ડપ્રેસ (પર હોસ્ટ થયેલા) બ્લોગ માટે એક નવો થીમ વર્ડપ્રેસ તરફથી ઉમેરાઈ રહ્યો છે: iNove.
એમજી ૧૨નો આ થીમ બહુ બધા સેલ્ફ હોસ્ટેડ બ્લોગ (ગુજરાતીમાં નિપ્રા બ્લોગ એગ્રીગેટર અને રણકાર બ્લૉગ) વાપરે છે. લોકલાગણીને માન આપીને હવે આ થીમ જેમના બ્લોગ વર્ડપ્રેસ પર હોસ્ટ થયેલા છે તેમના માટે પણ ઉપલબ્ધ છે. ટૂંકમાં હવે આ થીમ સેલ્ફ હોસ્ટેડ અને વર્ડપ્રેસ હોસ્ટેડ બંને ટાઈપના બ્લોગ માટે ઉપલબ્ધ છે.
આ થીમમાં હેડરની નીચે ‘વિભાગો’ અથવા ‘પાનાંઓ’ મૂકવાનો વિકલ્પ છે. આ થીમમાં નોટિસ, બેનર, વિજેટ વગેરેની ખાસ વ્યવસ્થા છે. દરેક પોસ્ટ પર લેખકનું નામ, લેખનો વિભાગ અને લેખના ટેગ્સ મૂકવા કે નહીં તે નક્કી કરી શકાય છે. થીમ સેટિંગ માટેનું એક અલગ પાનું ફાળવવામાં આવ્યું છે.
વધુ શું કહું જાતે જોઈ લો!
પ્રિય મિત્રો,
ફનએનગ્યાન પર કયો થીમ શોભશે? આપના વિકલ્પો હતા…
કે 
કે 
કે
કે 
કે 
?
અને, પરિણામ આપની સામે છે…
આપ સૌના મતને માન આપીને આજથી ફનએનગ્યાન પર પેનોરમા થીમ જોવા મળશે.
- વિનય ખત્રી
પ્રિય મિત્રો,
ફનએનગ્યાન બ્લૉગ પર આજે જે થીમ શોભી રહ્યું છે તે થીમ પરિચય અઠવાડિયાનો આઠમો અને અંતીમ થીમ છે – ઑફિસ ફોલ્ડર્સ.
સરસ મજાનો આ થીમ બનાવનાર છે થીમોકર્સી નામની સાઈટ.
વાદળી, ગ્રે અને સફેદ રંગોના સંયોજનથી બનતો આ થીમ બે કૉલમનો અને ચોક્કસ પહોળાઈ વાળો છે જેમાં ડાબે લેખ અને જમણે વિજેટ્સ દર્શાવે છે. બ્લોગ પરના અલગ અલગ પાના પર જવા માટે પેજ મેનુ આપેલું છે જેમાં પાનાનો ક્રમ અને કયા પાના નથી દર્શાવવા તે નક્કી કરી શકાય છે. ટ્વિટર પર જવા માટેની લિન્ક, થ્રેડેડ કોમેન્ટ્સ (કોમેન્ટની ઉપર કોમેન્ટ) જેવી આધુનિક સુવિધાઓ પણ ધરાવે છે.
આ થીમના વિકલ્પો પસંદ કરવા માટે એક અલગથી પાનું આપવામાં આવ્યું છે.
મિત્રો, આ સાથે થીમ પરિચય અઠવાડિયું (જે નવ દિવસ ચાલ્યું) પુરું થાય છે. ઈન્ટરનેટ મુકાયેલા અસંખ્ય થીમમાંથી ૯ થીમ સિલેક્ટ કરવાનું કામ અઘરું હતું. મફત, સફેદ, સરળ, સ્વચ્છ અને સુંદર હોય તેવા થીમ લીધા છે. આ બધા થીમ સેલ્ફ હોસ્ટેડ (પોતાના સર્વર પર મુકાયેલા) બ્લોગ માટેના છે. વર્ડપ્રેસ પર જેના બ્લોગ છે તેમના માટે ફરી ક્યારેક થીમ પરિચય અઠવાડિયાનું આયોજન કરીશું. દરેક વાચક/કોમેન્ટરનો આભાર!
પ્રિય મિત્રો,
થીમ પરિચય અઠવાડિયાનો આઠમો થીમ છે – પેનોરમા.
ફનએનગ્યાન બ્લૉગ પર આજે જે થીમ શોભી રહ્યું છે તે છે ‘પેનોરમા ૧.૭’. આ થીમ થીમોકર્સી નામની સાઈટે બનાવ્યો છે.
મસ્ત મજાના આ થીમને આપણી પસંદગી પ્રમાણેના રંગોથી રંગી શકાય છે અને મનગમતું ચિત્ર બ્લોગના મથાળે મૂકી શકાય છે. બે કૉલમનો અને ચોક્કસ પહોળાઈ વાળો આ થીમ ડાબે લેખ અને જમણે વિજેટ્સ દર્શાવે છે. થ્રેડેડ કોમેન્ટ્સ (કોમેન્ટની ઉપર કોમેન્ટ) જેવી આધુનિક સુવિધાઓ પણ ધરાવે છે.
આ થીમના વિકલ્પો પસંદ કરવા માટે એક અલગથી પાનું આપવામાં આવ્યું છે.
પ્રિય મિત્રો,
થીમ પરિચય અઠવાડિયાનો સાતમો થીમ છે – ગ્રે મેટર. ફનએનગ્યાન બ્લૉગ પર આજે જે થીમ શોભ રહ્યું છે તે છે ‘ગ્રે મેટર ૩.૧’ છે. આ થીમ નિકોલાસ માસનીકોવે બનાવ્યો છે.
આ થીમ સ્વચ્છ અને સરળ છે, સફેદ અને સિલ્વર રંગે રંગાયેલો છે, બે કૉલમનો અને ચોક્કસ પહોળાઈ વાળો છે, ડાબે લેખ અને જમણે વિજેટ્સ દર્શાવે છે. થ્રેડેડ કોમેન્ટ્સ (કોમેન્ટની ઉપર કોમેન્ટ) જેવી આધુનિક સુવિધાઓ પણ ધરાવે છે.
ફોટો બ્લોગ માટે પણ તે વાપરી શકાય.
પ્રિય મિત્રો,
થીમ પરિચય અઠવાડિયાનો છઠ્ઠો થીમ છે – ગોલ્ડ પોટ.
ફનએનગ્યાન પર આજે જે થીમ આજે જોઇ રહ્યા છો તે ‘ગોલ્ડ પોટ ૨.૦’ છે. યામામોટોએ etrecos નામની વેબસાઈટ માટે બનાવ્યો છે.
ગોલ્ડન પીળા અને સફેદ રંગના મિશ્રણથી ચળકતો બે કૉલમનો ચોક્કસ પહોળાઈ વાળો સરળ અને સ્વચ્છ થીમ ડાબી બાજુ વિજેટ્સ અને જમણી બાજુએ લેખ દર્શાવે છે.
ઉપર ડાબે ‘ટ્વિટર’ અને ‘ફેસબુક’ પર જવાની લિન્ક માટેના બટન આ થીમની વિશેષતા છે.
પ્રિય મિત્રો,
થીમ પરિચય અઠવાડિયાનો પહેલો થીમ છે – શૅડ્ઝ ઑફ બ્લ્યુ
ફનએનગ્યાન પર જે થીમ આજે જોઇ રહ્યા છો તે શૅડ્ઝ ઑફ બ્લ્યુ ૧.૦ છે. સ્ટુડિયો પ્રેસ નામની વેબસાઈટે આ થીમ બનાવ્યો છે. (એટલે જ ફનએનગ્યાનના ઓમના આઈકોનની જગ્યાએ “S” દેખાતું હશે તેનું કારણ પણ એ જ. “એસ” = સ્ટુડિયો પ્રેસ.
આ બે કૉલમનો થીમ છે. ડાબી કૉલમમાં લેખ અને જમણી કૉલમમાં વિજેટ્સ દેખાય છે. નામ પ્રમાણે વાદળી રંગે રંગાયેલો છે. આ થીમના રંગ બદલી શકાય છે. વાચક પોતે પણ પોતાને ગમતા રંગ પસંદ કરી શકે એવું વર્જન પણ મળે છે. આ થીમમાં નીચે (ફુટરમાં) પણ વિજેટ મૂકી શકાય છે. આ થીમનું નેવિગેશન ડ્રોપ ડાઉન મેનુ સાથેનું છે. આ થીમ થ્રેડેડ કોમેન્ટ (કોમેન્ટની ઉપર કોમેન્ટ) અને સ્ટિકી પોસ્ટ (નવી પોસ્ટ મુકાતી જાય તો પણ સ્ટિકી પોસ્ટ હંમેશા ઉપર જ રહે) સહિત છે. થીમની એક વધુ વિશેષતા એ છે કે આ થીમમાં લખાણની બે લિટી વચ્ચે થોડી વધારે જગ્યા મૂકવામાં આવી છે.
આ થીમમાં બ્લોગની પહોળાઈ બદલાતી નથી (ફિક્સ વિડ્થ) તેથી જે લોકોના મોનિટરનું રિજોલ્યુશન ૧૦૨૪ x ૭૬૮ હશે તેમને બરાબર દેખાશે. તેથી વધારે હશે તેમને બંને બાજુ વાદળી પટ્ટા દેખાશે અને ઓછું હશે તેમણે ડાબે-જમણે સ્ક્રોલ કરતા રહેવું પડશે.
જાણીતો બ્લોગ/વેબસાઈટ રીડગુજરાતી આ જ થીમ જોઈતા ફેરફારો કરીને વાપરે છે.
Comments (3) 
