Jun 232016
 

પ્રિય મિત્રો,

જેવી રીતે લોકોને ૪૮ ઈંચનું એલઈડી ટીવી મફતમાં મળ્યું હતું, તેવી જ રીતે હવે રીબોકના જૂતાં મફત મળે છે એવો મેસેજ ફરે છે –

reebokfree

લિન્ક પર ક્લિક કરતાં આવું દેખાય છે અને વોહી પુરાની રફતાર – ૧૦ મિત્રો કે ગ્રુપમાં આ મેસેજ મોકલવાનું કહેવામાં આવે છે.

reebok

કેટલા નવરાધૂપ, આળસુ અને મફતનું લેવાની ઈચ્છાવાળા આ મેસેજ પોતાના સગા/મિત્રો/ગ્રુપમાં મોકલીને સ્પામરની મદદ કરી રહ્યા છે. પોતાના સગા/મિત્રોના સંપર્કો સ્પામરને ધરી દેતા લોકોથી સાવધાન અને તમને પણ આવો મેસેજ આવ્યો હોય તો મોકલનારને આ લેખ વાંચવાનું કહેજો અને તમે પણ જો મફતમાં રીબોકના શૂ પહેરવાની ઈચ્છાને દબાવી શક્યા ન હોય તો તમે જેને જેને આ મેસેજ મોકલ્યો છે તેને જાણ કરજો કે આ એક સ્પામરની ચાલ હતી અને હું તેનો ભોગ બન્યો/બની છું.

– વિનય ખત્રી

Mar 212016
 

પ્રિય મિત્રો,

૮૧/૩૬૬

આજકાલ વૉટ્સએપ પર એક મેસેજ આવે છે જેમાં સેમસંગનું ૪૮ ઈંચનું એલઈડી ટીવી મફતમાં મેળવવા માટે એક લિન્ક (48inch-led-sale.ta3.co) પર ક્લિક કરવાનું કહેવામાં આવે છે.

freetv0.

જેને ખબર છે કે ‘મફતમાં કઈ મળતું નથી‘ કે ‘નો લંચ ઈઝ ફ્રી‘ તેઓ આવી લિન્ક ક્લિક કરતા નથી પણ જેને મફતનું જ જોઈએ છે અને મહેનત કરવી નથી તેઓ આ લિન્ક ક્લિક કર્યા બાદ તેમને બીજી સાઈટ પર વાળવામાં આવે છે – http://32inch-led-sale.ga

freetv

જ્યાં તેમને ૧૦ મિત્રોને અને ત્રણ ગ્રુપમાં આ મેસેજ (જે તમે ઉપર પહેલા ચિત્રમાં જોયો) મોકલવાનું કહેવામાં આવે છે. નીચે ટીવી મળ્યાના ફોટા સાથેની ફેસબુક કોમેન્ટ દર્શાવવામાં આવે છે, થોડી વારે નવી કોમેન્ટ આવી એવો ભાષ પણ રચવામાં આવ્યો છે.

તમે આટલું કર્યું એટલે તમને ટીવી મળી જશે. ના. આટલું કર્યા પછી તમને અમુક એપ ઈન્સ્ટોલ કરવાનું કહેવામાં આવે છે જે ગૂગલ પ્લેસ્ટોર પરથી નહીં પણ સીધી ઈન્સ્ટોલ કરવાની રહે છે! http://ta3.co/led-in-cart

freetv2

આગળ કહેવાની જરૂર ખરી કે આ એપ ઈન્સ્ટોલ કર્યા પછી તમે ટીવી મળશે કે બીજું ગાજર આપી દેવામાં આવશે ચાવવા માટે?

આ એપ ગૂગલ પ્લેસ્ટોરને બદલે સીધી ઈન્સ્ટોલ કરવાનું કહેવામાં આવે છે એનો મતલબ આ એપ્સ ગૂગલની સલામતી ટેસ્ટ પાસ થઈ નથી. ટૂંકમાં આપણાં ફોનમાં રહેલી માહિતી, ફોટા, વિડિયો, ક્રેડિટકાર્ડ/બેંક અકાઉન્ટ નંબર પાસવર્ડ અને વગેરે સેરવી લેવાની તજવીજ છે.

તમારો મિત્ર તમને આ મેસેજ મોકલે તો આ વાંચ્યા પછી તમે સમજી જ ગયા હશો કે તે તમારો મિત્ર નથી પણ તે સ્પામરનો ભોગ બન્યો છે અને તમને પણ સ્પામરને ચરણે ધરી દેવા માંગે છે.

– વિનય ખત્રી