Oct 182014
 

પ્રિય મિત્રો,

બેસ્ટ ગુજરાતી બ્લૉગ સર્વેક્ષણ ૨૦૧૪ માટે નોમિનેશન ભરવાનો આજે છેલ્લો દિવસ છે. ગઈકાલે સાંજે ૬ વાગ્યા સુધીમાં સાડા આઠસો મત નોંધાઈ ચૂક્યા હતા. આશા છે કે મતનો આંકડો ૧૦૦૦ને પાર કરી જશે.

નોમિનેશન આજે રાત્રે ૧૨:૦૦ (IST) વાગ્યે બંધ થશે અને આવતીકાલથી મત ગણતરી શરુ થશે.

સર્વેક્ષણના તારણો ધનતેરસ તા. ૨૧ ઑક્ટોબરના સવારે ૭:૦૦વાગ્યે પ્રસિદ્ધ થશે.

– વિનય ખત્રી

Sep 282014
 

પ્રિય મિત્રો,

ગુજરાતી બ્લોગ વિશ્વમાં ફેલાયેલા હજારો બ્લોગમાંથી બેસ્ટ બ્લોગ કયા તે જાણવા માટે એક સરવેક્ષણ હાથ ધર્યું છે: બેસ્ટ ગુજરાતી બ્લૉગ સર્વેક્ષણ ૨૦૧૪ અને તે માટેનાં નોમિનેશન આવવાના શરૂ થઈ ગયા છે.

સર્વેક્ષણના અંતે તારવણી કર્યા પછી જે પરિણામ જાણવા મળશે તે કોઇ એક વ્યક્તિનો કે બે-પાંચ નિર્ણાયકોનો અંગત અભિપ્રાય નહીં પણ સમગ્ર બ્લોગ વિશ્વના બ્લોગરો અને બ્લોગ વાચકોને સહિયારો અભિપ્રાય હશે.

સર્વેક્ષણના વધુ સચોટ તારણો માટે વધુ ને વધુ લોકો સર્વેક્ષણમાં ભાગ લે તે જરૂરી છે. તે માટે હું અહીં કેટલાક ઉપાય સૂચવું છું, તે ઉપરાંત તમે પણ તમારી રીતે સર્વેક્ષણ બાબત તમારા મિત્રોને જાણ કરી શકો છો…

૧) બ્લોગ ધારક પોતાના બ્લોગ પર સર્વેક્ષણનું બેનર મૂકી પોતાના વાચકોને જાણ કરી શકે.

(બ્લોગ પર બેનર મૂકવા માટે બ્લોગની કંટ્રોલ પેનમાં જઈ ‘Appearance’માં ‘Widgets’ પર ક્લિક કરો ‘Widgets’નું પેજ ખુલશે જેમાં ડાબી બાજુએ થી એક Text વિજેટ લઈ જમણી બાજુએ ઉમેરો. અહીં આપેલી ફાઈલમાંથી ટેક્ષ્ટ કોપી કરી ઉમેરેલા ટેક્ષ્ટ વિજેટમાં પેસ્ટ કરી ‘Save’ કરી લો.)

૨) બ્લોગ ધારક સર્વેક્ષણ વિશે એક પોસ્ટ બનાવી પોતાના વાચકોને સર્વેક્ષણમાં ભાગ લેવા વિનંતી કરે.

૩) બલોગ ધારક તેમજ બ્લોગ ન ધરાવતા મિત્રો પણ ઈમેઈલ/ફેસબુક/ટ્વિટર/વ્હોટ્સએપ જેવી સોસિયલ મિડિયા દ્વારા મિત્રોને જણાવો.

(વ્હોટ્સએપ પર મોકલવા માટેનું બેનર)

આવી રીતે આ ઉમદા કાર્યમાં પોતાનું યોગદાન આપી શકો છો.

બીજું, વ્હોટ્સએપની સરળ અને બહુઉપયોગી સેવાના વધતા વ્યાપને લઈને ગુજરાતી બ્લોગ વિશ્વ માટે એક વ્હોટ્સએપ ગ્રુપ* બનાવીએ તો કેમ એવો વિચાર આવ્યો અને જે મિત્ર સાથે શેર કર્યો તેમણે ઉત્સાહ સાથે વધાવી લીધો.

ગુજરાતી બ્લૉગ વિશ્વ – વ્હોટ્સએપ બ્રોડકાસ્ટ લિસ્ટમાં જોડાવા આ ફોર્મ ભરી ‘Submit’ કરી દો…








આ ગ્રૂપમાં ફક્ત ગુજરાતી બ્લોગ વિશ્વને લગતા સમાચાર, વિગતો, બ્લોગ અપટેટ કર્યાની જાણ વગેરે મૂકી શકાશે. ફોર્વર્ડ મેસેજ અસ્વીકાર્ય રહેશે.

આભાર!

* નોંધઃ ગ્રુપમાં સભ્ય સંખ્યા ૫૦ની લિમિટ હોવાથી ગ્રૂપ બંધ કરી બ્રોડકાસ્ટ લિસ્ટમાં આપનું નામ ઉમેરવામાં આવશે.

Sep 252014
 

પ્રિય મિત્રો,

બહુ જ લાંબા વિરામ બાદ ફરી હાજર થયો છું. વિતેલા સમય દરમ્યાન ઘણાં બધા એવા બનાવો બન્યા જેના વિશે અહીં લખવું જોઈતું હતું પણ સમયને અભાવે લખી શકાયું નહીં. સમય આવ્યે આગળ ઉપર ચોક્ક્સ લખીશ.

આજે પહેલું નોરતું થયું, તેમજ દિવાળી નજીક આવી રહી છે ત્યારે સૌપ્રથમ ગુજરાતી બ્લૉગ વિશ્વ માટે બહુ જ મહત્વનું પણ કડાકૂટ ભર્યું કાર્ય હાથમાં લીધું છે.

ગુજરાતી બ્લૉગ વિશ્વમાં બેસ્ટ કહી શકાય એવા બ્લોગ કેટલા અને કયા?

દોઢ વર્ષ પહેલાં અહીં આ કાર્ય સર્વેક્ષણ રૂપે પાર પાડવામાં આવ્યું હતું. સ્પર્ધા નહીં પણ સર્વેક્ષણ. સ્પર્ધામાં નિર્ણાયક હોય, સર્વેક્ષણમાં વાચકોની પસંદગી જ નિર્ણાયક બને. સર્વેક્ષણમાં દરેક વ્યક્તિ ભાગ લઈ શકે છે. સર્વેક્ષણમાં મતપત્રક હોતું નથી કે જેમાંથી કોઈ એકને ચૂંટવાનો હોય. આ સર્વેક્ષણમાં મતદાતા પોતે જ ઉમેદવાર સૂચવે છે. સરવેક્ષણમાં ભાગ લેનાર એક કરતાં વધુ બ્લૉગ પણ સૂચવી શકે છે. બ્લૉગર પોતે પણ પોતાના બ્લોગને સૂચવી શકે છે.

કરવાનું શું છે?

અહીં નીચે આપેલા ફોર્મમાં તમારું નામ, તમારું ઈમેઈલ આઈડી અને તમને ગમતા બ્લોગનાં સરનામાં યોગ્ય ખાનાંમાં લખવાનાં છે અને છેલ્લે ‘Submit’નું બટન દબાવવાનું છે એટલે આપનું નોમિનેશન નોંધાઈ જશે.

દા.ત.:

નામ: વિનય ખત્રી

ઈમેઈલ: ask2vinay@gmail.com

ગમતા બ્લૉગ:

૧) funngyan.com

૨) saurabh-shah.com

૩) readgujarati.com

[મત ગણતરી આવી રીતે થશે funngyan.com +૧, saurabh-shah.com +૧, readgujarati.com +૧]

એક વ્યક્તિ એક સમયે ગમે તેટલા બ્લોગ સૂચવી શકે છે. અહીં ફોર્મમાં એક સમયે દસ બ્લોગ સૂચવી શકાય છે, ૧૦થી વધુ બ્લોગ સૂચવવા માટે આ જ ફોર્મ ફરીથી ભરવું. એક વ્યક્તિ એક કરતાં વધુ વખત કોઈ એક બ્લોગને મત આપશે તો તે એક જ મત ગણાશે..

દા.ત.:

નામ: વિનય ખત્રી

ઈમેઈલ: ask2vinay@gmail.com

ગમતા બ્લૉગ:

૧) funngyan.com

૨) funngyan.com

૩) funngyan.com

[મત ગણતરી આવી રીતે થશે funngyan.com +૧]

સર્વેક્ષણમાં ભાગ લેવા માટે ઈમેઈલ આઈડી સાચું એટલે કે ચાલતું હોવું ફરજીયાત છે, ખોટા/અધૂરા આઈડી રદબાતલ ગણવામાં આવશે.

સર્વેક્ષણમાં ભાગ લેવાની છેલ્લી તારીખ છે ૧૮ ઑક્ટોબર રાત્રે ૧૨ વાગ્યા સુધી. એક વ્યક્તિ ગમે તેટલી વખત સર્વેક્ષણમાં ભાગ લઈ શકે છે.

દા.ત. કોઇએ આજે બે બ્લોગ સૂચવ્યા, કાલે એક સૂચવ્યો એવી રીતે કરતાં ને ૧૪ દિવસમાં ધારોકે ૨૫ બ્લોગ સૂચવશે તો તે પણ ચાલશે.

એક વ્યક્તિ પોતાને ગમે તેટલા બ્લોગ સૂચવી શકે છે. તેણે સૂચવેલા બ્લોગ તેણે વાંચેલા અને ગમતા હોવા જોઇએ.

આ સર્વેક્ષણ વિશે બધાને જાણ થાય, ખાસ કરીને આપના બ્લૉગના વાચકોને જાણ થાય અને તેઓ આપના બ્લૉગને વોટ કરી શકે તે માટે આપના બ્લૉગ પર એક બેનર મૂકી શકો છો. બેનર પર ક્લિક કરી આપના બ્લોગનો વાચક મતદાન કરી શકે. વિજેટ માટે અહીં આપેલી ટેક્ષ્ટ ફાઈલ ડાઉનલોડ કરી તેમાં રહેલું લખાણ કૉપી કરી તમારા બ્લોગ પર એક ‘ટેક્ષ્ટ વિજેટ’ ઉમેરી તેમાં પેસ્ટ કરી દેશો એટલે પત્યું. તેવી જ રીતે તમે તમારા બ્લોગ પર એક પોસ્ટ કરી આ સર્વેક્ષણ વિશે જાણ કરી શકાય.

આ સર્વેક્ષણનાં લેખાં-જોખાં ધનતેરસ ૨૧ ઓક્ટોબરના અહીં પ્રસિદ્ધ થશે.

મતગણતરી ચાલુ છે…. તારણો આવતીકાલે, ધનતેરસ, ૨૧ ઑક્ટોબરના અહીં પ્રસિદ્ધા થશે

નોંધ – ફોર્મ ભર્યા પછી છેલ્લે ‘Submit’નું બટન દબાવવાનું ભૂલતા નહીં.

આ સિવાય કંઈ પૂછવું હોય તો કૉમેન્ટ બોક્ષ ખુલ્લું છે. મતદાન અહીં નીચે ફોર્મમાં કરવાનું છે.

નોંધ અને ટિપ: આ બ્લૉગ પર રાઈટ ક્લિક ડિસેબલ કર્યું છે પણ તમને ગમતા બ્લોગનું સરનામું તમે એડ્રેસબારમાંથી કૉપી કરી અહીં ફોર્મમાં પેસ્ટ કરી શકો છો. અહીં પેસ્ટ કરવા માટે કંટ્રોલ(ctrl)ની કી દબાવી રાખી V પ્રેસ કરો.

Mar 012013
 

પ્રિય મિત્રો,

ગુજરાતી બ્લૉગ વિશ્વ માટે બે કાર્ય બહુ જ મહત્વના, જરૂરી પણ કડાકૂટ ભર્યા છે. સમય, ચોક્સાઈ, ચીવટ ભારોભાર ઠાલવ્યા છતાં ક્યાંક કચાશ રહી જવાની શક્યતાઓ. આવાં કાર્ય હાથમાં લેતાં પહેલાં હજાર વખત વિચાર કરવો પડે. તેમ છતાં કોઈ કે તો આ કાર્ય કરવું જ જોઈએ અને આ વખતે આ કાર્ય કરવાનો અમે નિર્ધાર કર્યો છે.

કયા છે એ બે કાર્ય?:

૧) ગુજરાતી બ્લૉગ વિશ્વમાં કેટલા બ્લૉગ છે તેની યાદી તૈયાર કરવાનું કાર્ય.

શરૂઆતમાં જ્યારે બ્લોગની સંખ્યા ઓછી હતી ત્યારે આ કાર્ય પ્રમાણમાં સરળ હતું પછી બ્લોગની સંખ્યા વધતી ચાલી. છેલ્લે નેટજગત પર ૯૫૦ જેટલા બ્લોગની યાદી મૂકવામાં આવી હતી એ વાતને પણ ઘણો સમય વહી ગયો અને તે પછી કેટલાય નવા બ્લોગ બન્યા, કેટલાક ડિલિટ થયા અને કેટલાકનાં સરનામાં બદલાયાં. એક નવી અપડેટેડ યાદીની તાતી જરૂરિયાત છે જેમાં બ્લોગના સરનામાં પ્રમાણે, બ્લૉગના નામ પ્રમાણે, બ્લૉગરના નામ પ્રમાણે, એલિઝા રેન્ક પ્રમાણે અને વાચકોની પસંદ પ્રમાણેના (નીચેના સર્વેક્ષણ આધારે) બ્લૉગની યાદીનો સમાવેશ હોય. આપ સૌના સાથ સહકારથી અને એક સોફ્ટવેરની મદદથી આ કાર્ય બહુ જ સારી રીતે અને ઓછા સમયમાં થઈ શકશે. ટૂંક સમયમાં ગુજરાતી બ્લૉગ વિશ્વની અપડેટેડ યાદીની PDF આપના નામ સાથેની ‘પર્સનલ કૉપી’ આપના ‘ઈનબોક્ષ’માં હશે.

૨) ગુજરાતી બ્લૉગ વિશ્વમાં બેસ્ટ કહી શકાય એવા બ્લોગ કેટલા? અને કયા?

એક-દોઢ વર્ષ પહેલા આ કાર્ય નેટજગત ટીમ દ્વારા બહુ સરસ રીતે ‘સ્પર્ધા’ રૂપે પાર પાડવામાં આવ્યું હતું. આ વખતે અહીં ઘણાં ફેરફાર કર્યા છે. સૌપ્રથમ, સ્પર્ધા નહીં પણ સર્વેક્ષણ. સ્પર્ધામાં નિર્ણાયકો હોય. સર્વેક્ષણમાં તો મતદાતા પોતે જ નિર્ણાયક. આ એવું મતદાન છે જેમાં દરેક વ્યક્તિ ભાગ લઈ શકે છે. આ મતદાનમાં કોઈ મતપત્રક હોતું નથી. મતદાતા પોતે જ ઉમેદવાર સૂચવે છે તેને મત આપીને. મતદાતા એક કરતાં વધુ બ્લૉગ પણ સૂચવી શકે છે. બ્લૉગર પોતે પણ પોતાના બ્લોગને મત આપી શકે છે.

કરવાનું શું છે?

અહીં નીચે આપેલા ફોર્મમાં તમારું નામ, તમારું ઈમેઈલ આઈડી અને તમને ગમતા બ્લોગનાં સરનામાં યોગ્ય ખાનાંમાં લખવાનાં છે અને છેલ્લે ‘Submit’નું બટન દબાવવાનું છે એટલે આપનો મત નોંધાઈ જશે.

દા.ત.:
નામ: વિનય ખત્રી
ઈમેઈલ: ask2vinay@gmail.com
ગમતા બ્લૉગ:
૧) funngyan.com
૨) saurabh-shah.com
૩) readgujarati.com

[મત ગણતરી આવી રીતે થશે funngyan.com +૧, saurabh-shah.com +૧, readgujarati.com +૧]

એક વ્યક્તિ એક સમયે ગમે તેટલા બ્લોગ સૂચવી શકે છે. અહીં ફોર્મમાં એક સમયે દસ બ્લોગ સૂચવી શકાય છે, ૧૦થી વધુ બ્લોગ સૂચવવા માટે આ જ ફોર્મ ફરીથી ભરવું. એક વ્યક્તિ એક કરતાં વધુ વખત કોઈ એક બ્લોગને મત આપશે તો તે એક જ મત ગણાશે..

દા.ત.:
નામ: વિનય ખત્રી
ઈમેઈલ: ask2vinay@gmail.com
ગમતા બ્લૉગ:
૧) funngyan.com
૨) funngyan.com
૩) funngyan.com

[મત ગણતરી આવી રીતે થશે funngyan.com +૧]

મતદાન કરનારનું ઈમેઈલ આઈડી સાચું એટલે કે ચાલતું હોવું ફરજીયાત છે, ખોટા/અધૂરા/ડમી આઈડી વડે કરેલા મત રદબાતલ કરવામાં આવશે.

મતદાન કરવાની છેલ્લી તારીખ છે ૧૬ માર્ચ રાત્રે ૧૨ વાગ્યા સુધી. એક વ્યક્તિ ગમે તેટલી વખત મતદાન કરી શકે છે.

દા.ત. કોઇએ આજે બે બ્લોગ સૂચવ્યા, કાલે એક સૂચવ્યો એવી રીતે કરતાં ને ૧૪ દિવસમાં ધારોકે ૨૫ બ્લોગ સૂચવશે તો તે પણ ચાલશે.

એક વ્યક્તિ પોતાને ગમે તેટલા બ્લોગ સૂચવી શકે છે. તેણે સૂચવેલા બ્લોગ તેણે વાંચેલા અને ગમતા હોવા જોઇએ.

અહીં બ્લૉગ તેમજ વેબસાઈટ પણ સૂચવી શકાશે. જે બ્લોગ/વેબસાઈટ સંસ્થા (કે કંપની) દ્વારા ચલાવવામાં આવતા હશે તેને ‘બેસ્ટ ગુજરાતી બ્લૉગ સર્વેક્ષણ’માંથી બાદ રાખવામાં આવશે પણ તે સાઈટનું નામ યાદીમાં સમાવી લેવામાં આવશે. દા.ત. bombaysamachar.com (મુંબઈ સમાચાર)

આ સર્વેક્ષણ વિશે બધાને જાણ થાય, ખાસ કરીને આપના બ્લૉગના વાચકોને જાણ થાય અને તેઓ આપના બ્લૉગને વોટ કરી શકે તે માટે આપના બ્લૉગ પર એક બેનર મૂકી શકો છો. બેનર પર ક્લિક કરી આપના બ્લોગનો વાચક મતદાન કરી શકે. વિજેટ માટે અહીં આપેલી ટેક્ષ્ટ ફાઈલ ડાઉનલોડ કરી તેમાં રહેલું લખાણ કૉપી કરી તમારા બ્લોગ પર એક ‘ટેક્ષ્ટ વિજેટ’ ઉમેરી તેમાં પેસ્ટ કરી દેશો એટલે પત્યું.

આ સર્વેક્ષણનાં લેખાં-જોખાં ૧૭ માર્ચના અહીં પ્રસિદ્ધ થશે તેમજ ગુજરાતી બ્લૉગ વિશ્વની અપડેટેડ યાદીમાં તેનો સમાવેશ કરવામાં આવશે.

નોંધ – ફોર્મ ભર્યા પછી છેલ્લે ‘Submit’નું બટન દબાવવાનું ભૂલતા નહીં.

આ સિવાય કંઈ પૂછવું હોય તો કૉમેન્ટ બોક્ષ ખુલ્લું છે. મતદાન અહીં નીચે ફોર્મમાં કરવાનું છે.

નોંધ અને ટિપ: આ બ્લૉગ પર રાઈટ ક્લિક ડિસેબલ કર્યું છે પણ તમને ગમતા બ્લોગનું સરનામું તમે એડ્રેસબારમાંથી કૉપી કરી અહીં ફોર્મમાં પેસ્ટ કરી શકો છો. અહીં પેસ્ટ કરવા માટે કંટ્રોલ(ctrl)ની કી દબાવી રાખી V પ્રેસ કરો.

અપડેટ: મુંબઈ સમાચારના વાચકો માટે ખાસ એક દિવસ વધારવામાં આવ્યો છે. હવે મતદાનની ડેડલાઈન ૧૬ માર્ચ રાત્રે ૧૨ સુધી (IST) છે. સર્વેક્ષણના લેખાં-જોખાં ૧૭ માર્ચના પ્રસિદ્ધ થશે.