Apr 022015
 

પ્રિય મિત્રો,

આવતીકાલથી ત્રણ દિવસ માટે મહાબળેશ્વરમાં સ્ટ્રોબેરી ફેસ્ટિવલ મનાવવામાં આવી રહ્યો છે..

વધુ વિગતો માટે વાંચો આ લેખ = દેશ-વિદેશના સ્ટ્રોબેરી ફેસ્ટિવલ અને આપણે

પ્રતિભાવ પણ ત્યાં જ આપવા વિનંતી.

Mar 212013
 

ફોટો સૌજન્ય - freegreatpicture.comપ્રિય મિત્રો,

વિદેશમાં જાત-જાતના ઉત્સવોનું આયોજન થતું હોય છે, જેમાંથી આજે આપણે ‘સ્ટ્રોબેરી ઉત્સવ‘ વિશે વાત કરીશું.

‘સ્ટ્રોબેરી’ સુગંધી, રસાળ, લાલ ચટ્ટાક, મીઠું મધુરું વર્ણશંકર (હાયબ્રીડ) ફળ છે જે સૌપ્રથમ ૧૭૫૦માં ફ્રાંસમાં ઊગાડવામાં આવ્યું હતું. (સ્ત્રોત)

અમેરિકાના વિવિધ પ્રાંતમાં ‘સ્ટ્રોબેરી ઉત્સવ’નું ભવ્ય આયોજન થતું હોય છે. ફ્લોરિડામાં હાલ હમણાં જ ફેબ્રુઆરી ૨૮થી માર્ચ ૧૦ના સ્ટ્રોબેરી ફેસ્ટિવલ ઉજવાઈ ગયો. કેલિફોર્નિયામાં ૧૮ અને ૧૯ મે (શનિ-રવિ)ના ઉજવાશે. તેવી જ રીતે લંડનમાં ૨૦થી ૨૨ જુનના આ ઉત્સવનું આયોજન થયું છે.

અમેરિકા અને લંડનના સ્ટ્રોબેરી ફેસ્ટિવલ વિશે મને કંઈજ અનુભવ નથી, ફક્ત વેબસાઈટ પરની માહિતી અહીં રજુ કરી છે પણ ભારતમાં સ્ટ્રોબેરી ફેસ્ટિવલ જ્યાં ભારતનું ૮૫ ટકા ઉત્પાદન થતું હોય એ વિસ્તારમાં જ થાય એ સ્વભાવિક છે. ભારતમાં સ્ટ્રોબેરીનું મબલખ ઉત્પાદન મહારાષ્ટ્રમાં પંચગીની અને મહાબળેશ્વરની વચ્ચે આવેલા ભિલાર અને તેની આજુબાજુના ગામોમાં થાય છે. અહીંની ભેજવાળી અને પહાડના ઢોળાવોવાળી જમીન સ્ટ્રોબેરીને માફક આવે તેવી છે.

મૂળ ગુજરાતના અને વર્ષોથી અહીં મેપ્રો ફુડ્સના નામે વિવિધ ફળોના રસ અને જામનું ઉત્પાદન કરતા મયુરભાઈ વોરા ઓલ ઈન્ડિયા સ્ટ્રોબેરી ગ્રોઅર્સ એસોસિયેશન સાથે મળીને દર વર્ષે ‘સ્ટ્રોબેરી ફેસ્ટિવલ‘નું આયોજન કરે છે. ભિલારમાં આવેલા તેમના મેપ્રો ગાર્ડન રેસ્ટોરાંમાં આ વર્ષે ગુરુવાર તા. ૨૮ માર્ચથી રવિવાર તા. ૩૧ માર્ચ સુધી આ ઉત્સવ યોજાવાનો છે. UPDATE ૨૦૧૪માં આ ફેસ્ટિવલ ૧૮થી ૨૦ એપ્રિલ, શુક્ર/શનિ/રવિના યોજાવાનો છે.

UPDATE ૨૦૧૫માં આ ફેસ્ટિવલ ૩થી ૫ એપ્રિલ, શુક્ર/શનિ/રવિના યોજાવાનો છે.

heena_enjoying_strawberry_at_mapro

સ્ટ્રોબેરીને ધારી ધારી જોઈ, પેટભરી માણી રહેલાં શ્રીમતીજી! (ફોટો – વિનય ખત્રી)

દેશ-વિદેશથી આવીને લોકો આ ઉત્સવનો આનંદ લે છે. અહીં સ્થાનિક લોકો દ્વારા વિવિધ પ્રકારના સાંસ્કૃતિક અને પરંપરાગત કાર્યક્રમો યોજવામાં આવે છે. લેઝિમ નૃત્ય, પાલખી, માર્શલ આર્ટ્સ, તલવાર બાજી, યુદ્ધની અને સ્વબચાવની પરંપરાગત તરકીબનું હેરત અંગેજ પ્રદર્શન મુખ્ય આકષણ છે.

આ ઉત્સવ દરમ્યાન સ્ટ્રોબેરીના બગીચામાં જઈને સ્ટ્રોબેરી વિશે ફર્સ્ટ હેન્ડ માહિતી (જાત અનુભવ) મેળવી શકાય છે. સ્ટ્રોબેરીના છોડ (જી, હાં! સ્ટ્રોબેરી છોડ પર થાય છે આ વાતની અહીં આવ્યા પછી જાણ થઈ!) પરથી જાતે તોડીને સ્ટ્રોબેરી ખાવાનો લુફ્ત ઉઠાવી શકાય છે. મેપ્રો ગાર્ડના રેસ્ટોરાંમાં ઉત્સવના ચાર દિવસ દરમ્યાન દરેકે ટેબલ પર સ્ટ્રોબેરી ભરેલી એક ટોકરી રાખેલી હોય છે. એક ટોકરી ખાલી થાય ન થાય ત્યાં વેઈટર આવીને બીજી ટોકરી મૂકી જાય છે. પેટભરીને મફત સ્ટ્રોબેરી આરોગવા મળે છે. હા, ઘરે લઈ જવા માટે મેપ્રોના સ્ટોલ પરથી કે બહાર ફેરીયા પાસેથી ખરીદીને લઈ જઈ શકાય.

સ્ટ્રોબેરીના શોખિનો માટે ન ચૂકવા જેવો અવસર. હોળી/ધૂળેટીની રજાઓ સાથે માણવા જેવો અવસર. શક્ય હશે તો હું પણ રવિવારે આ ઉત્સવમાં મહાલતો જોવા મળું એવું બની શકે.

વિશેષ વાંચન:

બેસ્ટ ગુજરાતી બ્લૉગ સર્વેક્ષણની મતગણતરી હવે થવા આવી છે અને આ સર્વેક્ષણનાં તારણો/લેખાં-જોખાં આવતીકાલે અહીં રજુ થશે.

Jan 032011
 

પ્રિય મિત્રો,

ભાઈઓ અને ભાણેજોને ઈશુના નવા વર્ષની (શની-રવિ) રજા હતી એટલે શનિવારે મહાબળેશ્વર એક દિવસીય પર્યટનનો કાર્યક્રમ બનાવ્યો. પંચગીનીના ‘ટેબલલેન્ડ’ તરફ જતાં રસ્તામાં શેરબાગ થીમ પાર્કની ‘ગુજરાતી’ જાહેરાત જોઈ. કેમેરા હાથવગો હતો જ એટલે ચાલુ ગાડીએ ફોટો પાડી લીધો. ગાડી ઢાળ ચડતી હતી તેથી ઝડપ ઓછી હતી પરિણામે ધાર્યા કરતાં ઘણો સારો ફોટો મળ્યો:

(હવે આવો… પલવાની પ મજા
at Sherbaug, a theme park, Panchgani
ભારતનો સહુથી ચો માનવે બનાવેલો ઉનાળો ઘોઘ)

બીનગુજરાતી વ્યક્તિ જ્યારે ગુજરાતી ભાષામાં પાટિયું ચીતરાવે ત્યારે આવી ભૂલો બહુ જ સામાન્ય છે! ‘ઘ’ અને ‘ધ’ના ફરકની ઘણાંને ખબર પડતી નથી. એમને ‘ઘોઘ’ અને ‘ધોધ’ બંને સરખા લાગે છે! ગુજરાતી ભાષા જીવશે કે કેમ એ તો આપણે ન કહી શકીએ પણ કેવી હાલતમાં જીવશે તેનો અંદાજ આ પાટિયા પરથી લગાડી શકાય?