Jun 212016
 

પ્રિય મિત્રો,

ગઈકાલે વૉટ્સએપ પર એક મેસેજ આવ્યો, જેમાં ૪ વર્ષની બાળકીનો ફોટો હતો અને લખ્યું હતું – ‘અમદાવાદના કાળુપુર રેલ્વે સ્ટેશન પર આ બાળકી મળી છે. તમારી પાસે જેટલા પણ ગ્રુપ હોય તેમાં શેર કરો જેથી આ બાળકી તેના માતા-પિતા સુધી પહોંચી શકે. આપની એક સેક્ન્ડ કોઈને ઘરે પહોંચાડી શકે છે.’

girl4y

સોસિયલ મિડિયામાં આપણી કોઈને મદદ કરવાની ભાવના સાથે રમત કરતા ઘણાં મેસેજ ફરે છે. એટલે સ્વાભાવિક શંકા ગઈ અને ઈન્ટરનેટને ખૂણેખાંચરે ખાંખાખોળા કરતાં જાણવા મળ્યું કે આ બાળકી તો કલકત્તામાં હાવડા સ્ટેશને મળી છે!

મારી શકાં વધુ બળવતર બની અને વધુ ખાંખાખોળા કરતાં જાણવા મળ્યું કે આ બાળકી ખરેખર નાગપુર સ્ટેશન મળી હતી. બાળકીનું નામ અવની જૈન છે. અવનીનો ફોટો સોસિયલ મિડિયામાં વાયરલ થયો અને તેણી તેની મમ્મી સુનયના જૈન પાસે ૨૦ મિનિટમાં પહોંચી ગઈ! આ ફોટોમાં @RailMinIndia અને સુરેશ પ્રભુને ‘ટેગ’વામાં આવ્યા હતા.

માહિતી અને ચિત્ર સૌજન્ય – ઈન્ડિયન એક્સપ્રેસ અને ટ્વીટર

કોઈએ સોસિયલ મિડિયાનો સાચો ઉપયોગ કરી ૪ વર્ષની બાળકીને તેની માતા પાસે ૨૦ મિનિટમાં પહોંચાડી, તો કોઈ એ જ બાળકીના ફોટાનો અને સોસિયલ મિડિયાનો ઉપયોગ કરી ખોટી માહિતી ફેલાવીને લોકોની બીજાને મદદ કરવાની ભાવના સાથે રમત રમે છે અને અલગ અલગ શહેરના નામે મેસેજ ફેરવીને પોતાનું સોસિયલ સ્ટેટ્સ ઉપર લાવવા આવા દાવપેચ અજમાવે છે!

– વિનય ખત્રી