Jul 062016
 

પ્રિય મિત્રો,

આજે અષાઢી બીજ – કચ્છી નવું વર્ષ. નયે વરે જી લખ લખ વધાઈયું.

– વિનય ખત્રી

Jan 012012
 

પ્રિય મિત્રો,

સૌજન્ય dreamstime.com

ફનએનગ્યાન.કોમ પર છેલ્લે પોસ્ટ મૂકી હતી તેને એક મહિના ઉપર થઈ ગયું. કામકાજને કારણે અત્યંત વ્યસ્તતા તેમજ સારા-માઠા પ્રસંગોને લઈને બ્લૉગ થોડા સમય માટે બાજુએ મૂકાઈ ગયો હતો. આજે, ઈશુના નવા વર્ષના સપરમા દિવસે અપડેટ કરવા બેઠો છું.

વહી ગયેલા સમય દરમ્યાન વર્ડપ્રેસ તરફથી ઘણી બધી સુવિધાઓ ઉમેરવામાં આવી. જેમાંથી ઉલ્લેખનીય સેવાઓનો આપણે આગળ ઉપર પરિચય કરીશું. આ બ્લૉગ વર્ડપ્રેસના તદ્દન નવા સંસ્કરણ (૩.૩) પર ચાલી રહ્યું છે. મોબાઈલ ફોનમાં પણ વર્ડપ્રેસનું એન્ડ્રોઈડ માટેનું બીજું સંસ્કરણ આવી ગયું છે, પણ એન્ડ્રોઈડ પર ગુજરાતી ફોન્ટની સમસ્યા યથાવત છે!

૨૦૧૨માં જૂના-નવા વિષયો લઈને નિયમિત લેખ મૂકવાનો નિર્ધાર કરી અને આપને નવા વર્ષની શુભેચ્છાઓ સાથે વિરમું છું.

ફરી મળીશું આવતી કાલે, ભારતિય સમય પ્રમાણે, સાંજે ૭ વાગ્યે!

Dec 302010
 

મને નવા વર્ષની શુભેચ્છાઓ આજ-કાલમાં આપતા નહીં. હું કચ્છી છું અને મારું નવું વર્ષ અષાઢી બીજના શરૂ થાય છે!

Jan 012010
 

પ્રિય મિત્રો,

સૌપ્રથમ નવા વરસના સાલ મુબારક.

છેલ્લા ત્રણેક મહિનાથી બ્લૉગ અપડૅટ કરી શક્યો નથી. આજે નવા વર્ષના સંકલ્પ સાથે આ પોસ્ટ મૂકી રહ્યો છું.

૧. નિયમિત બ્લૉગ લેખન કરવું.

૨. ગોવા જવું. પુણે-ગોવા-પુણે આશરે ૧૦૦૦ કિમી. ટુ-વ્હિલર પર મુસાફરી કરવી.

૩. પાસપોર્ટ તૈયાર કરાવવો.

૪. પોતાનું ઘર લેવું.

૫. ડેટાલોગર બનાવવું.

૬. પાંચે પાંચ સંકલ્પ ૨૦૧૦માં પરિપૂર્ણ કરવા.

તો મળીએ આવતી કાલે સવારે ૭ વાગ્યે (IST) એક નવી પોસ્ટ સાથે…

વિનય ખત્રી