Feb 202015
 

પ્રિય મિત્રો,

આજે ફરી હાજર થયો છું કેટલાંક ચબરાકિયાં અને કેટલીક નવી કહેવતો લઈને…

* બીજા કરે તે પક્ષપલ્ટો, આપણે કરીએ તો હ્રદય પરિવર્તન.
* લાઈનમાં ઊભા રહો તો કેરોસિન પણ મળે (મન હોય તો માળવે જવાય).
* લાગવગની નોકરીમાં ઈન્ટરવ્યુની શું જરૂર?
* દિવસો ગયા, પૈસા ગયા, પાસે રહ્યા અનુભવો.
* પાંચ ઈંચનું ડિસ્પ્લે, છ ઈંચનો એસએમએસ (બાર હાથનું ચીભડું, તેર હાથનું બી).
* જે ગામમાં ‘બાર’ તે ગામમાં હવાલદાર.
* નબળા વિચારને સોસિયલ મિડિયાનો આધાર.
* નેતાના સંતાન અને હોટલનું રસોડું, જોવાનાં ન હોય.
* ઘરની ઉપર નળીયાં નહીં હોય પણ ડીશ એન્ટેના હશે!
* ટૂંકા કપડાને ફેશનનો આધાર.
* પત્નીની દોડ પિયર સુધી (મુલ્લાની દોડ મસ્જીદ સુધી).
* વિચાર એક ચિત્રપટ (ફિલ્મ) અનેક!
* કામ ઓછું, ફાઈલો ઘણી.
* બાળક કરે ચેનલ સર્ફ, મા-બાપ હોમવર્ક!
* ખિસ્સામાં નથી ડોનેશન, લેવા ચાલ્યા એડમિશન!
* સાસુ ક્લબમાં, વહુ પબમાં!
* રહેવા નથી ઘર, લગ્ન કર!
* નેતા નાનો, કટઆઉટ મોટો (ચકલી નાની ફૈડકો મોટો).
* ખોવાયેલું બાળક સાયબર કાફેમાંથી મળે!
* નોકરીયાત ક્ન્યાની માગણીઓ ઘણી.
* ઓફિસમાં પટાવાળો શાણો.
* રાત થોડી, મચ્છર જાજા (રાત થોડી, વેશ જાજા)!
* સર સલામત તો રોજ હજામત (સર સલામતતો પઘડિયાં બહોત).

– સંકલિત