તફડંચી – FunNgyan.com
Mar 272015
 

પ્રિય મિત્રો,

રસોઈ શો વિશેની પોસ્ટ પછી આ બીજી પોસ્ટ ‘રસોઈ’ વિશે. મથાળું વાંચીને તમને થયું હશે કે આ કેવી રીતે શક્ય છે, રસોડામાં પગ મૂક્યા વગર રેસિપી બુક કેવી રીતે લખી શકાય? નક્કી ગેસનો ચૂલો બેઠક ખંડમાં રાખ્યો હશે, એવો વિચાર આવવો સહજ છે! પણ ના, એવું નથી. ઈન્ટરનેટના જમાનામાં શક્ય છે રસોડામાં પગ મૂક્યા વગર પોતાની રેસિપી બુક છપાવવાનું.

આ વાતની જાણ ત્યારે મને ત્યારે થઈ જ્યારે મારા ઈનબોક્ષમાં ‘ફાફડા’ની રેસિપી આવી અને આદત પ્રમાણે મેં તે રેસિપીના શબ્દો નેટ પર શોધ્યા! આખે આખી રેસિપી, ફોટા સહિત અન્ય એક સાઈટ પરથી તફડાવવામાં આવી હતી. નવાઈ/આશ્ચર્ય તેમજ થોડું લાગી પણ આવ્યું કે આપણાં ગુજરાતી ફાફડાની રેસિપી પંજાબી ગૃહિણી નિશા મધુલિકાની સાઈટ પરથી લેવામાં આવી હતી! અન્ય એક સાઈટ પર ‘મમરા વગરની ભેળ’ની રેસિપી હતી જેના ચિત્રમાં મમરા ચોખ્ખા દેખાતા હતા!

ટૂંકમાં નેટ પર સર્ફ કરો, રેસિપી અને ફોટા ઉપાડી લો ભાષાંતર કે થોડું આમ તેમ કરો અને લો, થઈ ગઈ રેસિપી બુક તૈયાર. બુક/સાઈટ બનાવવાની આ પદ્ધતિ ઘણી જગ્યાએ જોવા મળશે. નકલ જાજો સમય ટકતી નથી. રેસિપી વિશે સવાલ પૂછીએ તો જવાગ મળતા નથી. જો કે ઘણી સાઈટ એવી પણ છે જે ખરેખર પોતાની રેસિપી પોતે બનાવી તેના ફોટા અને વિડિયો સાથે રજુ કરે છે, દા.ત. નિશા મધુલિકા.કોમ

વિશેષ વાંચન
* તરલા દલાલ.કોમ
* ગુજરાતી ભાષામાં લગભગ ૧૦૦૦ વાનગીઓની વિડીયોકલીપ

Jun 182011
 

પ્રિય મિત્રો,

૨૦૦૭માં આવેલી ઈન્દ્રકુમારની સુપર ડુપર કૉમેડી હીટ ફિલ્મ ધમાલની સિક્વલ ડબલ ધમાલ ૨૪મી જુને આવી રહી છે.

આ ફિલ્મનું એક ગીત સાંભળીને તમને ૧૯૮૯માં આવેલી ફિલ્મ ત્રિદેવ યાદ આવી હશે. આ ફિલ્મના બહુ જ ગાજેલા શબ્દો ઓયે ઓયે તમને હજી પણ યાદ હશે. ત્રિદેવના સંગીતકાર કલ્યાણજી-આણંદજી શાહને આ ગીત માટે ફિલ્મફેર એવોર્ડ માટે તે સમયે નોમિનેટ કરવામાં આવ્યા હતા અને બહુ જ પ્રસંશા પામ્યા હતા. ડબલ ધમાલમાં ઓયે ઓયેની ધૂન વાપરવા માટે ત્રિદેવ અને તેના સંગીતકારને ક્રેડિટ પણ આપવામાં આવી છે.

અહીં સુધી બધું બરાબર છે એમ લાગતું હોય તો થોભો.

ઓયે ઓયે શબ્દો અને તેની ધુનના ખરા સર્જન અને ક્રેડિટના હકદાર કલ્યાણજી-આણંદજી નથી એમ અસલી-નકલીની આ પોસ્ટ કહે છે! ઓયે ઓયે આ શબ્દો અને તેની ધુન ૧૯૮૭માં આવેલા એક વિદેશી આલ્બમ રીધમ ઈઝ ગોન્ના ગેટ યુમાંથી લેવામાં આવી હતી!

પોસ્ટમાં ઉલ્લેખ કરેલા ગીતોની વિડિયો ક્લિપ જોવા માટે અહીં ક્લિક કરો:

Jun 142011
 

પ્રિય મિત્રો,

તમે જાણીતી દુકાનો પર આવા પાટિયાં વાંચ્યા હશે કે અમારી બીજી કોઇ શાખા નથી, નકલખોરોથી સાવધાન, ભળતા નામે ભોળવાશો નહીં વગેરે… હવે આપણે પણ આવા પાટિયા ચિતરાવી આપણા બ્લૉગ/વેબસાઈટ પર મૂકવા પડશે. આ મતલબનો એક લેખ માર્ચ ૨૦૦૯માં અહીં મૂક્યો હતો અમારી બીજી કોઈ શાખા નથી આજે ફરી એ જ શિર્ષક સાથે લેખ મૂકી રહ્યો છું. કારણ, તમે જાતે જ જોઈ લો:

Continue reading »

May 282011
 

પ્રિય મિત્રો,

જાણીતા હાસ્ય લેખક વિનોદ ભટ્ટના લેખોમાં જેમ ગીધુકાકાનો ઉલ્લેખ આવે છે તેમ અમારે પણ એક ખીચીકાકા છે. ના, તેઓ કોઈ પણ રીતે ખીચી (-ના પાપડ) સાથે સંકડાયેલા નથી. તેમનું નામ ખીમજીભાઈ ચીમનલાલ છે એટલે ટૂંકમાં ખીચીકાકા તરીકે ઓળખાય છે. તેમની ઉંમર ૯૦ પ્લસ. વર્ષોથી મુંબઈમાં રહે છે. એકાઉન્ટન્ટ તરીકે સેવા આપી હાલ નિવૃત જીવન ગાળે છે. નવરાસના સમયમાં બ્લૉગ વાંચે છે. તેમના દિકરાઓએ મોટી સાઈઝના મોનિટરવાળું કોમ્પ્યુટર વસાવ્યું છે. ટેલી પ્રોમ્ટરમાં હોય એવા મોટા ફોન્ટમાં અક્ષરો વંચાય એવી સેટિંગ કરી રાખી છે.

કૉપી-પેસ્ટ વિશે ઉપરા ઉપરી બે પોસ્ટ કરી તો તેમનો મને ફોન આવ્યો. મને કહ્યું: ‘વિનય, એક પોસ્ટમાં તું નકલકારોને વાનર સાથે સરખાવે છે અને બીજી પોસ્ટમાં તેમને કૉપીકેટ એટલે કે બિલાડી નકલ કહે છે. પણ મને લાગે છે કે તારી આ બંને ઉપમાઓ ખોટી છે.’

‘મને પૂછીશ તો હું તેમને ઘેટાની ઉપમા આપીશ. એન્થની (અમિતાભ) અને ગજની (આમીર) એ બ્લોગ બનાવ્યો એટલે આપણે પણ બ્લોગ બનાવવો. બ્લોગ માટેની આવડત કે મહેનત કરવાની તૈયારી હોય કે ન હોય.’

‘અથવા તો તેમને રખડુ જાનવરની ઉપમા આપી શકાય. જ્યાં કંઈક સારું દેખાયું ત્યાં મોઢું નાખી દેવાનું. પોતાનું કરી લેવાનું. કોઈ વાંધો લે તો કહેવાનું કે ગમતાનો કરીએ ગુલાલ!’ Continue reading »