Jan 172012
 

પ્રિય મિત્રો,

સોશિયલ બુકમાર્ક સેવા ડિલિશિયસ – એક પરિચયના પહેલા ભાગમાં આપણે ડિલિશિયસ પર આપણું ખાતું ખોલાવ્યું, ‘સેવ ઓન ડિલિશિયસ’નું બુકમાર્કલેટ (બટન) બ્રાઉઝરના બુકમાર્ક બાર પર મૂક્યું જેથી નવી સાઈટ/લેખ આપણે ડિલિશિયસ પર ઉમેરી શકીએ. તે પછી આપણે આપણા બ્રાઉઝર પર સેવ કરેલા બુકમાર્ક એક્ષ્પોર્ટ કરી ફાઈલ બનાવી તે ફાઈલને ડિલિશિયસમાં ઈમ્પોર્ટ કેવી રીતે કરવી તે જાણ્યું. તે પછી આપણે આપણને ગમતા કેટલાક બ્લૉગ ડિલિશિયસ પર ઉમેર્યા. પછી મેં નરસિંહ મહેતાની રચનાઓ ઉમેરી. હવે જુઓ મારું ડિલિશિયસ હોમ પેજ આવું દેખાય છે! http://www.delicious.com/funngyan

ડિલિશિયસ /ફનએનગ્યાન - હોમપેજ

તમે પણ જોઈ શકો છો.ઉપરના ચિત્રમાં દર્શાવ્યા પ્રમાણે.. ૧) ‘કૉમ્પેક્ટ વ્યુ’ પસંદ કર્યું છે. ૨) ‘ટેગ્સ’ વિભાગમાં વિષયની યાદી બની રહી છે, રચનાકારોની યાદી બની રહી છે ૩) બુકમાર્ક તારીખ પ્રમાણે ગોઠવાયેલા છે ૪a અને ૪b) જે તે રચનાકારના ‘ટેગ’ પર ક્લિક કરી તે રચનાકારની બધી જ પોસ્ટ (આપણે સેવ કરી હોય તેમાંથી) જોઈ શકાય છે. ૫) બીજા કેટલા લોકોને આ લેખ/પોસ્ટ/સાઈટ ગમી છે અને તેમણે સેવ કરી છે તે જાણી શકાય છે. ફનએનગ્યાનને ૮ વ્યક્તિઓએ સેવ કરી છે તે ચિત્રમાં જોઈ શકાય છે.

આ જે હું અહીં ઑનલાઈન સંગીત પિરસતી મનપસંદ સાઈટની યાદી બનાવી રહ્યો છું. જેમાં હું રાગા, ગાના, ધિંગાણા, ઈન અને સ્મેશહિટ્સ એમ પાંચ સાઈટ ઉમેરી રહ્યો છું. દરેક સાઈટને ‘music’ ટેગ આપ્યું છે, બધી લિન્ક જાહેર (પબ્લિક) છે. હવે આ પાંચ સાઈટ મિત્રો સાથે શેર કરવા માટે મારે ફક્ત એક જ લિન્ક શેર કરવાની રહેશે: http://www.delicious.com/funngyan/music

આવી જ રીતે જેતે વિષય પર ૫ હોય કે ૫૦૦ હોય કે ૫૦૦૦ હોય કે ૫,૦૦,૦૦૦ સાઈટ હોય, ફક્ત એક લિન્ક વડે શેર કરી શકાય છે. તેવી જ કેટલા લોકોએ એ સાઈટને સેવ કરી છે તે જાણી શકાય. દા.ત. રાગા સાઈટ ૧૭૦ વ્યક્તિઓએ શેર કરી છે!

ડિલિશિયસ હોમપેજની લિન્ક બ્લૉગ/વેબસાઈટ પર પણ મૂકી શકાય જેથી મિત્રો તેનો ઉપયોગ કરી શકે.

આ ઉપરાંત તાજેતરમાં ડિલિશિયસ પર એક નવી સેવા ઉમેરવામાં આવી છે = સ્ટેક!

આ સુવિધા પિનટરેસ્ટ જેવી જ છે. ઉદાહરણ માટે આપણે ઘડિયાળનો સંગ્રહ (સ્ટેક) જોઈએ…Unusual Wall Clocks લિન્ક્ની જેમ સ્ટેક સેવ અને શેર કરી શકાય છે ઉપરાંત કોઈએ બનાવેલા સ્ટેકને ફોલો કરી શકાય છે.

આશા છે આ ટિપ્સ આપને ઉપયોગી થઈ હશે/થશે! આપના અનુભવ અહીં જણાવશો…

અન્ય સોશિયલ બુકમાર્ક સાઈટનો પરિચય હવે પછી…

Jan 132012
 

પ્રિય મિત્રો,

આજે આપણે સોસિયલ બુકમાર્ક સેવા ડિલિશિયસનો પરિચય કરીશું.

સૌપ્રથમ ડિલિશિયસમાં તમારું યુઝરનેમ અને પાસવર્ડ વડે લોગઈન થાવ. તમે હજી સુધી તમારું ખાતું ખોલાવ્યું ન હોય તો અત્યારે જ ખોલાવી લો (કહેવાની જરૂર ખરી કે મફત છે!):, તે માટે અહીં ક્લિક કરો. તમારી પાસે તમારું જુનું ખાતું હોય અને તેનો પાસવર્ડ ભૂલી ગયા હો તો અહીં ક્લિક કરો.

તમે નવા રજીસ્ટર થયા હશો તો રજીસ્ટર થયા પછી આ પ્રમાણેના ત્રણ ‘બટન’ દેખાશે, જેમાંથી પહેલું બટન બુકમાર્કલેટ છે (જુઓ તીર):

ડિલિશિયસ -બુકમાર્કલેટ

અને જો તમે પહેલેથી ખાતું ધરાવતા હશો તો લોગઈન થયા પછી અહીં ક્લિક કરશો એટલે ‘Save on delicious’નું બુકમાર્કલેટ દેખાશે. આ ડિલિશિયસ બુકમાર્કલેટને ખેંચી (ડ્રેગ કરી) તમારા બ્રાઉઝરના બુકમાર્ક બાર પર લઈ જાઓ.

હવે આવું દેખાશે. દા.ત. ગૂગલ ક્રોમ:
ડિલિશિયસ - ગૂગલ ક્રોમ પર

દા.ત. ફાયરફોક્સ:
ડિલિશિયસ - ફાયરફોક્સ પર

આટલું કર્યું એટલે નવી લિન્ક ડિલિશિયસ પર શેર કરવા માટેની પૂર્વ તૈયારી થઈ ગઈ. જૂના લેખ/બ્લૉગ/વેબસાઈટ વગેરેની લિન્ક (બુકમાર્ક કે ફેવરીટ્સ) ડિલિશિયસમાં લાવવા માટે ‘Import’નું બટ્ન કામ લાગશે. અથવા અહીં ક્લિક કરો. તમારા બ્રાઉઝર પર તમે સેવ કરેલા તમારી ફેવરીટ સાઈટની લિન્ક્સ (બુકમાર્ક)ને એક્ષપોર્ટ કરી એક ફાઈલ બનાવવાની રહેશે, પછી તે ફાઈલ ડિલિશિયસમાં ઈમ્પોર્ટ કરવાની રહેશે! યાદ રાખો ઈમ્પોર્ટ થયેલા બધા બુકમાર્ક ખાનગી રાખવાના (ફક્ત તમને દેખાય) છે કે જાહેર કરવાના (બધાને દેખાય) છે તે પહેલેથી જણાવવું જરૂરી છે. (બ્રાઉઝર પર સેવ કરેલા બુકમાર્ક ડિલિશિયસમાં હમણાં ઈમ્પોર્ટ ન કરવા હોય તો વાંધો નહીં, ગમે ત્યારે કરી શકાય)

હવે તમને ગમતા બ્લૉગ પર જાઓ દા.ત. funngyan.com અને ફનએનગ્યાનનું પાનું ખુલી જાય એટલે તમારા બ્રાઉઝરના બુકમાર્ક બાર પર ‘Save to Delicious’નું બટન (બુકમાર્કલેટ) ખેચીને મૂક્યું હતું તેના પર ક્લિક કરો! હવે એક બોક્સ ખુલશે જે આવું દેખાશે:

ફનએનગ્યાન બ્લૉગને ઉમેરો

જેમાં તમે ૧) બ્લૉગનું નામ (બદલી શકાય, દા.ત. ગુજરાતીમાં પણ લખી શકાય) ૨) તે સાઈટ વિશે વર્ણન (લખવું હોય તો) ૩) તેને લગતા ટેગ્સ. બહુ જ ઉપયોગી. દા.ત. ગુજરાતી બ્લૉગ્સ, ૪) છેલ્લે ‘Save’નું બટન દબાવવાનું ભૂલતા નહીં.

તેવી જ રીતે લેખક રાઘવજી માધડ તમારા મનપસંદ લેખક છે તો તેમની વાર્તાઓ ગૂગલ પર શોધીને તે બધી વાર્તાઓને ‘રાઘવજી માધડ’ કે ‘raghavajimadhad’ ટેગ આપી સેવ કરો. આટલું કરશો એટલે આપના મનપસંદ લેખોની યાદી તૈયાર થશે. આ જુઓ…

ડિલિશિયસ યાદી

યાદી જોવા માટે ડિલિશિયસની સાઈટ પર જઈને પ્રોફાઈલ પર ક્લિક કરી, માય લિન્ક્સ પર ક્લિક કરો. અથવા ડિલિશિયસ પાછળ તમારું યુઝરનેમ લખો દા.ત. http://www.delicious.com/funngyan આ લિન્ક બધા સાથે શેર કરી શકાય. ચોક્ક્સ લેખ શેર કરવા માટે દા.ત. રાઘવજી માધડના લેખ શેર કરવા માટે http://delicious.com/funngyan/raghavjimadhad ટેગનો ઉપયોગ કરી શકાય.

આજે બસ આટલું જ આગળ ૧૭ જાન્યુઆરીએ

Jan 122012
 

પ્રિય મિત્રો,

ગઈકાલે પિનટરેસ્ટ વિશે પોસ્ટ બનાવી હતી તે વાંચીને મુંબઈથી ખીચીકાકાનું સૂચન આવ્યું કે વિનય, આ પ્રકારની સેવા આપતી બીજી પણ સાઈટ્સ હશે જેનો બ્લૉગ પર પરિચય કરાવ…

ખીચીકાકાને આપ ઓળખતા જ હશો, જેમણે કૉપી-પેસ્ટિયાઓ માટે સોફ્ટવેર બનાવવાની વાત કરી હતી!

આ સૂચન પાછળ ખીચીકાકાનું કહેવું એમ હતું કે કૉપી-પેસ્ટિયાઓ નક્કામી વાનર નકલ કરીને ગધેડાની જેમ કૉપી-પેસ્ટ કરવાની મજુરી કરે છે. ગમતા લેખ મિત્રો સાથે શેર કરવા માટે સોસિયલ બુકમાર્ક સેવા જેવા સ્માર્ટ વિકલ્પ છે જ!

તો ચાલો, ખીચીકાકાના સૂચનને માન આપીને, આજે આપણે જોઈએ કે આ સોસિયલ બુકમાર્ક સેવા શું છે, કેવી રીતે કામ આવે અને આ સેવા આપતી પ્રચલિત અને પ્રમુખ સાઈટ કઈ છે?

સૌપ્રથમ સોસિયલ બુકમાર્ક સેવાની ઉપયોગીતા સમજીએ.

ધારો કે, ઈન્ટરનેટ સર્ફ કરતાં તમને એક સરસ મજાની વેબસાઈટ કે બ્લૉગ કે લેખ હાથ લાગી ગયો તો તેને ફરી વાંચી શકય તે માટે શું કરશો? તે લેખ મિત્રોને વંચાવી શકાય તે માટે શું કરો?

ફરી વાંચવા માટે તમે તેને તમારા બ્રાઉઝર પર ‘ફેવરીટ’ કે ‘બુકમાર્ક’ કરી શકો. મિત્રોને વંચાવવા માટે?

કદાચ આ પ્રશ્નનો સ્માર્ટ જવાબ કેટલાક લોકો પાસે નથી હોતો એટલે તેઓ લેખક/પ્રકાશકના કૉપીરાઈટની ‘ઐસી કી તૈસી’ કરી તરત જ કીબોર્ડ પર કંટ્રોલ એ (સિલેકટ ઑલ) અને કંટ્રોલ સી (કૉપી) કરી પોતાના બ્લૉગ પર નવી પોસ્ટ બનાવી તેમાં કંટ્રોલ વી (પેસ્ટ) કરી દેતા હશે!

બીજું બ્રાઉઝરમાં સેવ કર્યા હોય તે ફેવરીટ્સ કે બુકમાર્ક્સ ફક્ત આપણા કૉમ્પ્યુટર પર આપણે હોઈએ ત્યારે કામ આવે, પણ આપણે જ્યારે મિત્ર કે ઑફિસ કે સાયબર કેફેના કૉમ્પ્યુટર પર હોઈએ ત્યારે નકામા!

આ બધી સમસ્યાઓનું સમાધાન એટલે સોસિયલ બુકમાર્ક સેવા. નીચે દર્શાવેલી સાઈટ્સ જાણીતી સાઈટ છે જે આ સેવા બહુ જ સારી રીતે આપે છે:

૧) ડિલિશિયસ

આ સેવાનો પરિચય આગળ ઉપર આપણે કરી ગયા છીએ. આ સાઈટ પર તમે તમારું ખાતું ખોલાવ્યું ન હોય તો આજે ખોલાવી લો, કાલે આપણે આ સાઈટનો (અપડેટેડ) પરિચય કરીશું અને પ્રેક્ટિશ કરીશું…

૨) મીબો

૩) ડિગ

૪) રેડ્ડીટ

૫) સ્ટંબલ અપોન

આજે બસ આટલું, વિગતવાર પરિચય આવતી કાલે…

Jan 092012
 

પ્રિય મિત્રો,

‘નિલ નદીને કાંઠે’ વસતા એક ‘નેટ વેપારી’એ સોસિયલ સાઈટને ‘નૃત્ય’ સાથે સાંકળી લીધી છે ત્યારે આજથી લગભગ એક વર્ષ પહેલા Jonas Klit Nielsen (જોયું, આમાં ય ‘નિલ’!) નામના ‘વેપારી’એ સોશિયલ સાઈટ્સને મૂત્ર વિસર્જનની ક્રીયા સાથે કેવી રીતે સાંકળી હતી તે જુઓ!

સોસિયલ સાઈટ્સ અને મૂત્ર વિસર્જન!