Nov 142011
 

પ્રિય મિત્રો,

દિવાળી અને પછીના દિવસોમાં અત્યંત વ્યસ્તતા અને કામકાજને કારણે થયેલા પ્રવાસને લીધે બ્લૉગ પર પોસ્ટ મૂકી શકાઈ નહોતી. આજે જ સવારે મધ્ય પ્રદેશથી આવ્યો અને સવારનું છાપું જોઈ પોસ્ટ લખવા બેઠો છું.

કોમ્પ્યુટરનું આ વૉલપેપર કોનું? - ગુજરાત સમાચાર Continue reading »

Apr 272011
 

પ્રિય મિત્રો,

ગુજરાત સમાચારની રવિવારની પૂર્તિમાં ભવેનભાઈ કચ્છીની કૉલમ હોરાઇઝનમાં એક સરસ મજાનો લેખ આવ્યો છે:

‘અમે બિલની રકમ ચૂકવી દીધી છે. પછી અમારી મરજી, વાનગી વધારીએ પણ ખરા’ જર્મન અધિકારીએ કડકાઈથી કહ્યું ‘મની ઇઝ યોર્સ બટ રિસોર્સિઝ બિલોંગ ટુ સોસાયટી’ ’જર્મનીમાં ગ્રુપસ્ટડી એકસચેંજ કાર્યક્રમ અંતર્ગત ગયેલા મિત્રએ પ્રવાસ દરમ્યાન તેઓને થયેલ ચોટદાર અનુભવ ઈ-મેઈલ દ્વારા મોકલ્યો છે.

તેઓનું ગ્રુપ હેમ્બર્ગની એક રેસ્ટોરામાં ભોજન લેવા ગયું હતું. અવનવી વાનગીઓનો ઓર્ડર બધા પોતપોતાની રીતે આપવા માંડ્યા, વેઈટર પણ કુતૂહુલતા સાથે ઓર્ડર નોંધતો ગયો. તેના ચહેરા પરથી એ શંકા અને આશ્ચર્યના એવા ભાવાંકનો સ્પષ્ટ જોઈ શકતા હતા કે, ‘આ ગ્રુપ જે રીતે વાનગીઓની યાદી લખાવે છે તે જોતા બે-ચાર દિવસનો ઉપવાસ કરીને આવ્યા લાગે છે. આટલું બઘું હજમ કરી નાંખશે?’

જોતજોતામાં આખું ટેબલ વાનગીઓ ભરેલી પ્લેટોથી ભરાઈ ગયું. આપણા ભારતીય મિત્રોની આ ભોજન જયાફત માંડ ૧૫-૨૦ મિનિટ ચાલી હશે ત્યાં તો બધા ધરાઈ ગયા. રોફભેર બિલ મંગાવ્યું. મેનેજરે આઘાત અનુભવતા કહ્યું કે, ‘તમે આટલું બઘું ભોજન વધાર્યું? હું તમને વિનંતી કરૂં છું કે તમે થોડું વધારે બેસો અને વધેલી વાનગીઓ પુરી કરો. હું જાણું છું કે તમે વિદેશી છો…’ ટેબલ પર આપણા આ ગ્રુપે જે ભોજનનો ઓર્ડર કર્યો હતો તેના ત્રીજા ભાગનું વઘ્યું હતું. પણ આપણા માટે આ રીતે ઓર્ડર આપીને વધારવું કંઈ નવી વાત નહોતી. આપણે ત્યાં તો હોટલના મેનેજરને પણ તેમાં કંઈ અજુગતુ નથી લાગતું હોતું. પણ અહીં હેમ્બર્ગની આ રેસ્ટોરાનો મેનેજર આપણા ગ્રુપને થોડી ચેતવણી અને થોડી કાકલુદી મિશ્રિત ટોનમાં જણાવી રહ્યો હતો કે, ‘ભાઈ સાહેબ, કંઈ બગાડ કર્યા વગર ટેબલ છોડો તો સારું.’

આગળ વાંચવા માટે ગુજરાત સમાચારની વેબસાઈટની મુલાકાત લો.

Jan 172011
 

પ્રિય મિત્રો,

રવિવાર તા. ૧૬/૧/૨૦૧૧ના ગુજરાત સમાચારની ‘નેટવર્ક’ કૉલમમાં ગુણવંત છોટાલાલ શાહએ પોતાના લેખ સાથે ડૉ. કે. આર. મોમિન ‘અશોક’ના નામે સોનેરી સૂત્રો રજુ કર્યા છે જે આ પ્રમાણે છે…

આ સોનેરી સૂત્રો વાંચીને આપને થયું હોય કે ક્યાંક વાંચ્યા છે તો તમારી ધારણા સાચી છે. આ સૂત્રો તમે ‘ચિત્રલેખા’ની ‘મુખવાસ’ કૉલમમાં ડો. દિલિપ મોદીના નામે વાંચ્યા હતા!!!

મૂળ અંગ્રેજી લખાણ ‘ટિપ્સ ટુ લાઈફ’નો આ બંદાએ કરેલો ગુજરાતી અનુવાદ જીવન જીવવાની જડીબુટ્ટી‘ બહુ વંચાયો, ગમ્યો, ફોર્વર્ડ થયો અને કેટલાય નામી-અનામી બ્લૉગ પર મૂકાયો.

ડૉ. દિલીપભાઈ મોદી પછી આ બીજા ડૉક્ટર છે જેમણે કોઈકનું લખેલું લખાણનું કોઈકે કરેલું ભાષાંતરને પોતાના પ્રિસ્ક્રિપશન તરીકે છપાવ્યું છે!

ગુજરાત સમાચારના નેટવર્ક કૉલમના લેખક શ્રી ગુણવંતભાઈ છોટાલાલ શાહનો સંપર્ક કરવાના પ્રયાસ ચાલુ છે…!

Apr 192009
 

પ્રિય મિત્રો,

આજે રવિવારની રજાના મૂડમાં આ પોસ્ટ મૂકી રહ્યો છું. કાર્તિક મિસ્ત્રીએ કૉપી-પેસ્ટ વિશે પોસ્ટ કરી એટલે મારા મનમાં એક સવાલ જાગ્યો છે જેના પરથી આજની આ પોસ્ટ કરવાનો વિચાર આવ્યો.

પ્રશ્ન – ગયા અઠવાડિયાના ચર્ચાસ્પદ કૉપી-પેસ્ટ બ્લોગરે સંદેશ તેમજ દિવ્ય ભાસ્કરની વેબસાઈટ પરથી લખાણ કૉપી-પેસ્ટ કરી પોતાનો બ્લોગ સમૃદ્ધ કર્યો છે પણ ગુજરાત સમાચારની સાઈટ પરથી કેમ કોઇ લખાણ કૉપી-પેસ્ટ નથી કર્યું?

જવાબમાં કેટલાક વિકલ્પ મને સુજ્યા છે તે લખ્યા છે તેમાંથી કોઈ એક વિકલ્પ આપનો જવાબ હોય તો તે લખો અથવા તે ઉપરાંત અન્ય કોઈ વિકલ્પ આપને સુજતો હોય તો તે લખો. પ્રશ્ન ફરી એક વાર – ગુજરાત સમાચારની સાઈટ પરથી કૉપી-પેસ્ટ કેમ નહીં?

A. ગુજરાત સમાચારની સાઈટ પર કૉપી-પેસ્ટ કરવા જેવા લેખ હોતા નથી.

B. ગુજરાત સમાચારની સાઈટ પરનું લખાણ કૉપી કરી શકાતું નથી.

C. ગુજરાત સમાચારની સાઈટ યુનિકોડમાં નથી અથવા યુનિકોડ સાઈટ ક્લિક વગી નથી.

D. ગુજરાત સમાચારની સાઈટનું નેવિગેશન બરાબર નથી. (લેખ સુધી પહોંચીએ ત્યારે કૉપી કરીએ ને?)

E. ગુજરાત સમાચાર કૉપીરાઈટ બાબત સભાન છે અને કડક હાથે કામ લે છે.

એક કરતાં વધુ વિકલ્પ યોગ્ય લાગતા હોય તો તે પણ જણાવી શકો છો…

મારો જવાબ પણ કાર્તિકની જેમ A+C+D છે. ગુ.સ.ની મુખ્ય સાઈટ યુનિકોડમાં નથી, બીજી એક સાઈટ છે જે યુનિકોડમાં છે પણ ઘણાંને તેની ખબર નથી.