Nov 252014
 

પ્રિય મિત્રો,

હું ઘણાં સમયથી સ્માર્ટ ફોન ધરાવું છું. નવું વસાવ્યું ત્યારે થયું કે એક સ્માર્ટ ફોન આવવાથી કેટલાય અન્ય ઉપકરણો સાથે લેવા પડતા નથી. દા.ત. ઘડિયાળ, (સાયન્ટિફીક) કેલ્ક્યુલેટર, (ડિજિટલ કે સાદી) ટેલિફોન ડાયરી, નોટબુક, ડેટ ડાયરી, કંપાસ, જીપીએસ નેવિગેટર, લેપટોપ કૉમ્પ્યુટર, રમત રમવા માટેનું ઉપકરણ (દા.ત. ગેમબોય, જો કે હું બહુ રમત રમતો નથી), કેમેરા, ડિક્ષનરી, પેનડ્રાઈવ, રેડિયો, નકશા, વૉકમેન કે એમપીથ્રી પ્લેયર, પોર્ટેબલ વિડિયો પ્લેયર, (વોટર) લેવલ, બિલોરી કાચ, ઈલેક્ટોનિક્સ હેન્ડબુક, અલાર્મ, કેસિયો, ટોર્ચ, બારકોડ સ્કેનર, બિઝનેસ કાર્ડ સ્કેનર, પંચાંગ, બેંક પાસબુક, ચેકબુક વગેરે…

શરુઆતમાં તો મજા આવી પણ ધીરે ધીરે સમજાણું કે પહેલા આ બધા ઉપકરણ પોત પોતાની બેટરી વડે ચાલતા હતા જ્યારે સ્માર્ટ ફોન પોતાની એક માત્ર બેટરી વડે ચાલે છે. બેટરી જલ્દીથી ઊતરવા લાગી અને બેટરી ઊતર્યા પછી સ્માર્ટ ફોન બંધ પડી જતો અને હું ‘ડમ્બ’ થઈ જતો, મારે કોઈને એક ફોન કરવો હોય તો તે કરી શકું નહીં. સ્માર્ટ ફોનને કારણે ફોનની ડાયરી સાથે રાખવાનું છુટી ગયું અને ફોનના નંબરો યાદ રાખવાનું તો કેસિયોની ડિઝિટલ ડાયરી વાપરી ત્યારનું છુટી ગયું હતું. અંતે સ્માર્ટ ફોનની સાથે સાથે એક સાદો પણ લાંબી બેટરી આવરદા ધરાવતો ફોન સાથે રાખવા લાગ્યો.

આમ, સ્માર્ટ ફોન આવવાની સાથે ઘણાં બધા ઉપકરણો છુટી ગયા, પણ પાછલા બારણે કેટલાક નવા ઉપકરણો સાથે લઈ ફરવું અનિવાર્ય થઈ ગયું – બેકઅપ ફોન, બેકઅપ બેટરી (પાવર બેંક), ચાર્જર, (વાયરલેસ કે વાયરવાળી) હેન્ડસ ફ્રી, બ્લ્યુટૂથ સ્પિકર.

હજી કેટલા ઉમેરાશે તે અત્યારે કહી ન શકાય. સમય આવ્યે અપડેટ કરતો રહીશ.

આપનો અનુભવ જણાવવા માટે કૉમેન્ટ બોક્ષ ખુલ્લું જ છે!

– વિનય ખત્રી

  2 Responses to “સ્માર્ટ ફોન – ખરેખર કેટલા સ્માર્ટ?”

  1. sachi vaat chhe .haji aaje pan hun badha fon number diary ma lakhu chhu .khabar nahi kem pan mane to mobile pan sathe rakhavo gamto nathi .mari kashe javani koini sathe moklashthi vaat karvani aazadima adchanrup lage chhe .anivary na ho to mobile gher nathi hoto .maro potano sado fon j chhe ..amne aa rite j rahevu game chhe .pan ha gharma smart fon chhe kharo pan maro nahi ..

  2. vinaybhai gujarati ma kahevat chhe bhut mare aane palitt jage

Leave a Reply

%d bloggers like this: