Jul 072011
 

પ્રિય મિત્રો,

ગયા પખવાડિયે આપણે તીન બત્તી ચાર રસ્તા એટલે કે ટ્રાફિક સિગ્નલ વિશે અવલોકન કર્યું. કૉમેન્ટ બોક્ષમાં ચિરાગભાઈ ઠક્કરે લંડનના બાળકો અને કિશોરોને સિગ્નલની સમજ કેવી રીતે આપવામાં આવે છે તે જણાવ્યું:

Red = Stop
Yellow = Slow Down
Green = Look & Go

આ વાત વાંચતાં જ મને લાગ્યું કે બરાબર છે. આમ જ હોવું જોઈએ. ગયા વખતના અવલોકનમાં આપણે જોયું કે લોકો પીળી બત્તી જોઈને ગાડીને ધીમી પાડવાને બદલે વધુ ઝડપથી દોડાવે છે અને તેથી જ લીલી બત્તીવાળાઓને જોઈને ચાલવું પડે.

બીજું, અહીં પુણેમાં જોયું કે મોટાભાગનાં વાહન ચાલકો સિગ્નલ સિસ્ટમ પ્રમાણે ચાલે છે પણ અમુક લોકો એક તરફનું સિગ્નલ લાલ થઈ ગયું હોય અને બીજી તરફનું સિગ્નલ હજી લીલું થવાનું હોય તેની વચ્ચેના સમય દરમ્યાન (‘રેસ્ટ’ પિરિયડમાં) પોતાનું વાહન સિગ્નલ તોડીને ચલાવી લેતા હોય છે. ટૂંકમાં કેટલાક ‘રેસ્ટલેસ’ લોકો ‘રેસ્ટ પિરિયડ’નો ફાયદો લઈને એ સમયમાં સિગ્નલ તોડી પોતાનો સમય બચાવી લેતા હોય છે… અને એટલે જ, લીલી બત્તી થયા પછી પણ ડાબે જમણે જોઈને પછી જ વાહન હંકારવામાં સલામતી રહેલી છે!

  2 Responses to “તીનબત્તી અવલોકન-૨: રેસ્ટ પિરિયડ અને રેસ્ટલેસ લોકો”

  1. વિનયભાઇ,

    આ રેસ્ટલેસ લોકોની ઉતાવળનું કેટલુ ભયંકર પરિણામ આવે તે જાતે અનુભવ્યુ છે. અમેરિકામાં પણ આપે જણાવ્યુ એમ જ રેડ-ગ્રીન- યલો સિગ્નલ વિષે સમજ આપવામાં આવે છે પણ ક્યારેક એવુ બને કે યલો સિગ્નલ જોઇને દૂરથી આવનાર વાહન ચાલકને એમ લાગે કે ગાડી સ્પીડમાં છે તો રેડ સિગ્નલ થશે એ પહેલા નિકળી જવાશે .આવી માનસિકતા ધરાવતા લોકો વધુ સ્પીડ પકડે ત્યારે રેડ લાઇટ થયેલી મીસ થાય અને બીજી બાજુ ગ્રીન લાઇટ થવાથી એ બાજુનો ટ્રાફીક ચાલુ થયો હોય ત્યારે જે ભયંકર હોનારત સર્જાય તે કલ્પના બહારની જ હોય કારણ અમેરિકાની સ્પીડ. આવા યલો સિગ્નલમાં નિકળવાનુ જોખમ લેનારના લીધે મેં મારી ગાડી ગુમાવી છે. અમે બચી ગયા એ ઇશ્વરની જ કૃપા.

  2. સિગ્નલ જ નહિ, કોઈને રસ્તો ઓળંગતાં જોઈને પણ ઘણાને ઝડપ વધારવાનું શૂરાતન ચડે છે.

Leave a Reply

%d bloggers like this: