જય સોમનાથ - દિવ્ય ભાસ્કર
પ્રિય મિત્રો,
દિવ્ય ભાસ્કર વેબસાઈટ પર જંક કેરેક્ટર્સની જે સમસ્યા છે તે માટે ૨૫ જુનથી સતત અને નિયમિત રીતે ફોન અને ઈમેઈલ વડે દિવ્ય ભાસ્કરને ફરિયાદ કરતો રહું છું. આટલી સરસ સાઈટ પર આવતા સરસ અને માહિતીપ્રદ લેખો આવી નાની પણ મહત્વની ભૂલોને કારણે નકામા થઈ જતા ન જોઈ શક્યો તેથી અને ફરિયાદ કરવાથી ક્યારેક સુધારો થશે એ આશાએ પ્રયત્નો કરતો રહ્યો છું.
જંક કેરેક્ટર્સની સમસ્યામાં સુધારો થવાને બદલે ગયા બુધવારે વિજ્ઞાન અને ટેક્નોલોજી વિભાગમાં મૂકાયેલા હિમાંશુભાઈ કિકાણીના લેખની હાલત જોઇને હું આશાવાદીમાંથી નિરાશાવાદી થઈ ગયો અને પોસ્ટ લખી કાઢી હમ નહીં સુધરેંગે.
પોણા બે મહિનાથી દિવ્ય ભાસ્કરની વેબટીમ એક જ જવાબ આપતી રહી કે નવી વેબસાઈટમાં આ સમસ્યા નહીં હોય, પણ સોમનાથ મહાદેવ વાળો લેખ જોઇને તેમની પોકળતા ખુલ્લી પડી ગઈ (જુઓ નીચેનું ચિત્ર). નવી વેબસાઈટમાં પણ લિન્કની જગ્યાએ ગરબડીયા અક્ષરોની સમસ્યા તેમની તેમ છે. Read the rest of this entry »
રક્ષાબંધનની પૂર્વસંધ્યાએ…
હમ નહીં સુધરેંગે - દિવ્ય ભાસ્કર!
દિવ્ય ભાસ્કર વેબસાઈટ પર જંક અક્ષરોની સમસ્યા તેમની તેમ છે. છેલ્લા દોઢ મહિનાથી ઈમેઈલ, ફોન, મોબાઈલ વડે સતત દિવ્ય ભાસ્કરના નાના માણસથી લઈને મોટા માણસ સુધી આ બાબતમાં ધ્યાન દોરવા છતાં પરિસ્થિતિ તેમની તેમ છે. કંઇ સુધારો નથી થયો. હા, નવા લેખો અપલોડ થવાથી વધારો જરૂર થયો છે!
આ છે આજના દિવ્ય ભાસ્કર વેબસાઈટ પરનો વિજ્ઞાન અને ટેક્નોલોજી વિભાગના એક લેખનો મહત્વનો ભાગ:
છ ફકરામાં રહેલી છ ગંભીર ભૂલોને કારણે ‘ફૂલપ્રૂફ’ પાસવર્ડ કેમ બનાવશો? આખો લેખ નકામો થઈ જતો જોઈ શકો છો!
આમ જોઈએ તો ગરબડીયા અક્ષરોની સમસ્યાવાળા લેખોની સંખ્યા એટલી પણ નથી કે મેન્યુઅલી સુધારો ન કરી શકાય. બીજું જ્યાં સુધી ગરબડીયા અક્ષરો સુધારી લેવાતા નથી ત્યાં સુધી એક નાનકડી નોંધ મૂકીને જાણ કરી શકાય. પણ દિવ્ય ભાસ્કરની વેબ ટીમ દિવ્ય ભાસ્કરનું ઈન્ટરનેટ રેપ્યુટેશન ખરાબ કરવાનો નિશ્ચય કરી બેઠી હોય તો આપણે શું કરી શકીએ?
નવું સાહસ - સર્ફગુજરાતી.કોમ
પ્રિય મિત્રો,
ફન-એન-ગ્યાન ટૂલબારની જ્વલંત સફળતાથી પ્રેરાઈને ટૂંક સમયમાં ગુજરાતી બ્લોગ જગત માટેનું નવલું નજરાણું આવી રહ્યું છે જેનું નામ હશે સર્ફગુજરાતી.કોમ (surfgujarati.com)
પ્રોગ્રામિંગનું કામ પુરજોશમાં ચાલુ છે આવતે અઠવાડિયે ટ્રાયલ વર્જન આપના સમક્ષ હાજર હશે એવી આશા સાથે…
ફન-એન-ગ્યાન ટૂલબાર પછી?
પ્રિય મિત્રો,
ફન-એન-ગ્યાન ટૂલબારની જ્વલંત સફળતાથી પ્રેરાઈને ટૂંક સમયમાં ગુજરાતી બ્લોગ જગત માટેનું નવલું નજરાણું આવી રહ્યું છે…
ફન-એન-ગ્યાન ટૂલબાર ગુજરાતી સાહિત્યના વિશાળ ખજાનાને આંગળીને ટેરવે લાવી મૂકે છે પણ તે માટે તમારા કોમ્પ્યુટરમાં ટૂલબાર ડાઉનલોડ કરી ઈન્સ્ટોલ કરવું પડે તેમજ યુનિકોડ ફોન્ટ ઇન્સ્ટોલ થયેલા હોવા જોઈએ. બીજું ટૂલબાર ઈન્ટરનેટ એક્ષપ્લોરર, ફાયરફોક્સ મોજીલા, ફ્લોક, નેટસ્કેપ નેવીગેટર વગેરે બ્રાઉઝર સાથે ચાલી શકે તે રીતે બનેલું છે.
૫૦૦થી વધુ ટૂલબારના ડાઉનલોડ અને તેથી પણ વધારે ટૂલબારને લગતા પ્રતિભાવ જાણ્યા પછી એટલું જાણી શક્યો કે આટલું સરસ અને સમૃદ્ધ ટૂલબાર પણ કેટલાક લોકો માટે નકામું છે! કોના માટે તે જાણીએ…
૧. જે લોકો વિન્ડોઝ ઓપરેટીંગ (એક્ષપી અને સમકક્ષ) સિવાયની (દા.ત. લિનક્સ) ઓપરેટીંગ સિસ્ટમ વાપરે છે. ઓપરેટીંગ સિસ્ટમની સમસ્યા નથી. હવે ફન-એન-ગ્યાન ટૂલબાર વિન્ડોઝની સાથે સાથે મેક અને લિનક્સ પર પણ ચાલે છે, કેવુંક ચાલે છે તે તો કાર્તિકભાઈ જ કહી શકે. તેઓ મેક વાપરે છે અને લિનક્સના અનુભવી છે.
૨. જે લોકો ઓપેરા અથવા સફારી બ્રાઉઝર વાપરે છે.
૩. જે લોકોનું પોતાનું કોમ્પ્યુટર નથી અને સાયબર કાફે, કોલેજ, ઓફિસ કે અન્ય મિત્ર-સબંધીનું કોમ્પ્યુટર વાપરે છે.
તેમની ફરિયાદને દાદ આપીને ટૂંકસમયમાં ફન-એન-ગ્યાન ટૂલબારની ઓનલાઈન આવૃતિ આવી રહી છે….
જે ટૂલબારનું કામ તો કરશે જ, ઉપરાંત તે કોઇ પણ યુનિકોડ સપોર્ટેડ ઓપરેટીંગ સિસ્ટમ સાથે અને બ્રાઉઝર પર ચાલશે. તેને ડાઉનલોડ કે ઈન્સ્ટોલ કરવાની જરુર નહીં પડે અને કોઇપણ બ્રાઉઝર પર http://????gujarati.com લખીને વાપરી શકાશે. તે ઈન્ટરએક્ટિવ હશે અને તેમાં ટૂલબાર ઉપરાંત બ્લોગ એગ્રીગેટરનો પણ સમાવેશ કરવાનું વિચાર્યું છે.
આ નવા સાહસનું અડધું નામ તો આપી દીધું, બાકીનું અડધું જાણવા આપની કલ્પના શક્તિને કામે લગાડો.
આખું નામ અને અન્ય ઉપયોગીતાઓ વિશે સોમવારે…
આપના અમૂલ્ય અભિપ્રાય/પ્રતિભાવ/સુચનોની અપેક્ષા સહ…
- વિનય ખત્રીના પ્રણામ.
ખાદ્ય પદાર્થ અને અદભૂત શિલ્પકળા
અદભૂત કળાના આ વિભાગમાં આપણે આજે જોઇશું રોજ-બરોજ વપરાતા ખાદ્ય પદાર્થમાં કોતરણી કરીને બનાવેલા મનુષ્ય આકાર:
વધુ રચનાઓ જોવા માટે આ રશિયન બ્લોગની મુલાકાત લો. બ્લોગ રશિયન ભાષામાં હોવાથી વધુ વિગતો જાણી શકાઈ નથી.
અને હા, રશિયન બ્લોગની મુલાકાત લો ત્યારે પાણી માટે પોકારતો માણસ (તરબૂચ), બ્રેડમાંથી નીકળતો હાથ, નારંગીની છાલમાંથી બનેલો માણસ, સફરજનનું બનેલું પતંગિયું, કેળાની ડોલ્ફીન, કોબી-ફ્લાવરની છોકરી, તરબૂચમાં તરતો તરવૈયો, નારંગી ઉચકીને લઈ જતો માણસ (છાલ), ચપ્પુને ખાઈ જતી બ્રેડ વગેરે રચનાઓ જોવાનું ભૂલતા નહીં.
દિવાસળી વડે અદભૂત કળા
ગઈકાલે આપણે પૂઠા વડે અદભૂત શિલ્પકળાની વાત કરી, આજે વાત કરવાના છીએ દિવાસળી વડે અદભૂત કળાની. ગઈકાલે આપણે જોઈ પૂઠાની સાયકલ, આજે જોઇશું દિવાસળીઓ વડે બનેલી ફોર્મ્યુલા વન રેસર કાર!
