પ્રિય મિત્રો,
બ્લૉગ જગતમાં આજકાલ જે કંઈ થઈ રહ્યું છે તે વિશે જાણીતા કવિ શ્રી પંચમભાઈ શુક્લએ લંડનથી એક મસ્ત મજાની હઝલ લખી મોકલાવી છે. હઝલની શરૂઆતમાં પ્રસ્તાવના રૂપે તેઓ લખે છે, “બ્લોગજગતના સાંપ્રત ડહોળાયેલા વાતવરણની અસર રૂપે જન્મેલી આ હઝલ તમને રવાના કરું છું. આશા છે માણવી ગમશે. શક્ય છે આ હઝલના અમુક અશઆર ચોક્ક્સ પ્રકારના બ્લોગ/બ્લોગર જૂથોને લાગુ પડતા હોય એમ બનવાનો પૂરો સંભવ છે આથી સહુને બંધબેસતી પાઘડી પહેરવાની છૂટ છે.”
બ્લૉગજગતને તીરે (નાળે) તીરે (નાળે) – પંચમ શુક્લ
આ જોડણી, આ કોષને પૂંઠે દબાવી દઉં,
વાચાળ-ને-ખામોશને પૂંઠે દબાવી દઉં.
અકરાંતિયા માફક મળે તે ઝટ ગટર ઓરું,
હર સ્વાદના સંતોષને પૂંઠે દબાવી દઉં.
આ બોલનારા એમ ભસનારા કરડનારા,
નપુસંક સહુના રોષને પૂંઠે દબાવી દઉં.
મણમણની સોફાવ્યાં છતાં હૈયે નથી ટાઢક,
દિવેલ દઈ આક્રોશને પૂંઠે દબાવી દઉં.
આનંદથી, થઈ બેફિકર, ગમતું ઘસે રાખું,
આ સાર્થ-ઊંઝા દોષને પૂંઠે દબાવી દઉં.
આ શબ્દની બેઠક ઊપર બેઠા પછી હરરેક-
મસૃણને ને ઠોસને પૂંઠે દબાવી દઉં.
હું એમ સમલૈંગિક ચુંબનની ઘડી ઉજવું,
મુજ ઓષ્ઠ પરના ગ્લૉસને પૂંઠે દબાવી દઉં.
એ પાર્વતીનું શવ લઈ તાંડવ રચે પહેલા,
નટરાજ આસુતોષને પૂંઠે દબાવી દઉં.
૨૦-૪-૨૦૧૦
(શબ્દાર્થ: મસૃણ = કોમળ, સુંવાળું, મુલાયમ)
પ્રિય મિત્રો,
લેખની શરૂઆત કરતાં પહેલા મારા પ્રિય લેખક અને જાણીતા તત્વચિંતક શ્રી ગુણવંત શાહના વિચારો જાણીએ:
પ્રભુએ મનુષ્યને બે બાબતની છૂટ આપી રાખી છે. માણસ સડવા માટે અને પડવા માટે બિલકુલ સ્વતંત્ર છે. માણસના વિનિપાતની નિશાની કઈ? એ જ્યારે પોતાની જાતને છેતરવામાં ઉસ્તાદ બની જાય ત્યારે પોતાની ભૂલ પણ એને વાજબી લાગવા માંડે છે. ભૂલના લૂલા બચાવ માટે એ સામેવાળા સાથે એવી રીતે બાખડે છે કે બીજા લોકો જોતા જ રહી જાય! કલર બ્લાઈન્ડ લોકોને રંગની પરખ નથી હોતી. એ જ રીતે કેટલાક લોકો ‘મિસ્ટેક બ્લાઈન્ડ’ બની જાય ત્યારે પોતાની ભૂલ નથી જોઈ શકતા. ભૂલ કર્યા પછી નફ્ફટ બનીને એનો જોરદાર બચાવ કરવાનો પણ એક નશો હોય છે. આવો માણસ સડવાનું અને પડવાનું સ્વરાજ ભોગવે છે.
-ગુણવંત શાહ, ‘જાતને છેતરવાની જીદ’, ‘કાર્ડિયોગ્રામ’, ‘ચિત્રલેખા’, ૨૯/૩/૨૦૧૦
બ્લોગ જગતમાં નકલખોરી કરતા બ્લોગ મારી જાણમાં આવે એટલે તરત જ હું તેમને કૉમેન્ટ અને/અથવા ઈમેઈલ વડે જાણ કરું. સામન્ય રીતે બ્લોગર મારી મેઈલ વાંચીને યોગ્ય સુધારો કરી લેતા હોય છે પણ કેટલાક અણસમજુ, જીદ્દી, ઉદ્ધત અને તોછડા સ્વભાવના બ્લોગર વાત સમજવા જ તૈયાર હોતા નથી અને સામી મને સલાહો આપતા હોય છે કે તમારે કૉપી-પેસ્ટનો વિરોધ કરવાની શું જરૂર?
આવા જ એક બ્લોગર છે રૂપેન પટેલ (જ્ઞાનનું ઝરણું) તેમણે ‘દિવ્ય ભાસ્કર’, ‘ગુજરાત સમાચાર’, ‘સંદેશ’, વિકિપિડિયા, ગુર્જરી.નેટ, વેબ દુનિયા, ઈકોનોમિક્સ ટાઈમ્સ જેવી વેબસાઈટ અને બ્લોગ જગતના કેટલાય સમૃદ્ધ બ્લોગ પરથી લખાણ કૉપી કરીને પોતાનો બ્લોગ સજાવ્યો હતો. આ બાબતની જાણ કરતાં તેમણે મને તોછડો અને ઉદ્ધત જવાબ આપ્યો. આ બાબત ગુજબ્લોગમાં ચર્ચાઈ ગઈ છે તેથી અહીં પુનરાવર્તન કરતો નથી.
૧૨મી માર્ચે ગુજબ્લોગમાં જાણ કરી કે રૂપેન પટેલ દિવ્ય ભાસ્કરમાંથી જોડણી ભૂલો સહિતની વાર્તા વાંચ્યા વગર જ પોતાના બ્લોગ પર પ્રસિદ્ધ કરી દીધી છે. આ જાહેરાતના બીજા દિવસે એક નવો ભૂતિયો બ્લોગ તરતો મૂકાયો, નામ છે, ‘ચોતરો’ અને તેની કેચલાઈન છે, આવો વાતોનાં વડા કરીએ! બ્લોગરનું નામ wbtacker320 છે. પહેલી પોસ્ટમાં રજૂ કરેલા મુખ્ય મુદ્દા જોઈએ… Continue reading 'જાતને છેતરવાની જીદ, ‘ચોતરો’ અને ડફોળ!'»
જિંદગીના છેલ્લા ત્રીસ દિવસ બાકી હોય તો તમે શું કરો
આ જીવન તો રૈનબસેરા છે, એક રાતનો મુકામ છે અને આજે આવ્યા છીએ તો કાલે જવાનું જ છે એવી ફિલસૂફીઓ બહુ થઈ.
વિચાર કરો કે તમારા મોતની તારીખ નિશ્ચિત કરી નાખવાની હોય તો બાકીની આવરદામાં તમે શું કરો? હજુ કેટલાં વર્ષ જીવવું પસંદ કરો? દીકરી એસ.એસ.સી. થઈ જાય ત્યાં સુધી? દીકરો પરણી જાય ત્યાં સુધી? દીકરાને ત્યાં પારણું બંધાય ત્યાં સુધી? દીકરાને ભણવા માટે અમેરિકા મોકલવાનું સપનું હતું. ના જામ્યું. દીકરાનો દીકરો પ્રિન્સટન યુનિવર્સિટીમાં ભણીને ડિગ્રી લે ત્યારે એના કોન્વોકેશન ફંકશનમાં જવું છે.
ભગવાન ત્રાસી જાય ત્યાં સુધી તમે મૃત્યુને મુલતવી રાખવા માગો છો. એટલે હવે નક્કી એવું થયું છે કે જીવવા માટે તમારી પાસે પૂરા ત્રીસ દિવસ, રોકડા સાતસો વીસ કલાક બાકી છે. ત્રીસ દિવસ પછી છાપામાં તમારી છબી સાથે ફૂલ ગયું ફોરમ રહી ગઈવાળી જાહેરખબર આપવાનું તમારા ભાગ્યમાં લખાઈ ગયું છે. તો હવે આ ત્રીસ દિવસમાં તમે શું શું કરો?
જિંદગીના અંતિમ દિવસોમાં તમને કોને કોને મળી લેવાનું મન થાય? કોના કોનાથી છૂટા પડી જવાનું મન થાય? કયા દોસ્તો સાથે મેહાગની લાઉન્જના સોફામાં બેસીને એન્ટિક્વિટીના ચાર કડક પેગ પીવાનું પસંદ કરો? કોની જોડે ગંગોત્રી-યમુનોત્રીની યાત્રાએ જાવાનું મન થાય?
કયાં ત્રણ પુસ્તકો ફરીથી વાંચી લેવાનું મન થાય? જિંદગીમાં ક્યારેય ન વાંચ્યાં હોય પણ વાંચવાની વારંવાર ઈચ્છા થઈ હોય એવાં કયાં ત્રણ પુસ્તકો વાંચી લેવાનું મન થાય? જિંદગીની છેલ્લી કઈ ચાર ફિલ્મો જોઈ લેવાની લાલચ થાય? છેલ્લા મહિનામાં કેટલી વાર બાબુલનાથની પાણીપૂરી ખાવા જાઓ? પાણીપૂરીવાળાને તમારું ખાતું બંધ કરવાનું કહીને બાકી નીકળતી રકમ રોકડી ચૂકવી દેતાં મનમાં સહેજ ચુભન થાય? પાણીપૂરીવાળો તમારી પાસે ખાતું બંધ કરવાનું કારણ પૂછે તો તમે શું કારણ આપો? સાચેસાચું કહી દો? મરતાં પહેલાં કિસી રાહ મેં કિસી મોડ પર કહીં ચલ ના દેના તૂ છોડકર અને વો ભૂલી દાસ્તાં લો ફીર આ ગઈ કેટલી વખત સાંભળી લો? લાકડાથી બળવું છે કે વિદ્યુત ભઠ્ઠીમાં એનો વિકલ્પ નક્કી કર્યા પછી ભૂંજેલી બદામનો આઈસક્રીમ ખાઓ કે અંજીરનો? Continue reading 'પ્રિય જિંદગી – સૌરભ શાહ'»
પ્રિય મિત્રો,
આજે મારા પ્રિય લેખક અને મિત્ર એવા સૌરભભાઈ શાહનો જન્મદિવસ છે. તેમને જન્મદિવસની વધામણી સાથે તેમનો આ લેખ (તેમની પરવાનગી સાથે) અહીં મૂકું છું. આ લેખ તેમના પુસ્તક ‘એકત્રીસ સુવર્ણમુદ્રાઓ‘માંથી લીધો છે.
બીજો લેખ સાંજે સાત વાગે પ્રસિદ્ધ થશે.
ઓવર ટુ, સૌરભ શાહ…
-વિનય ખત્રી
ઍન્થની અને અમૂલખચંદનાં નામ વચ્ચે શું સામ્ય છે?
ચુનીભાઈ પટેલ અમેરિકા જઈને પોતાનું નામ ચાર્લી રાખી લે કે જીવાભાઈ જોર્જ બની જાય ત્યારે ભારતમાં વસતા તેમના ભાઈઓને મજા પડે છે. દેશી ભાઈઓને ખબર નથી હોતી કે ચાર્લી, જોર્જ, રૉબર્ટ અને રીટા જેવાં નામોમાં પણ ઢંગ હોય છે, ધડો હોય છે અને ખૂબસૂરત અર્થ પણ હોય છે.
કીર્તિભાઈ, અમૂલખચંદ, શાંતિલાલ અને હસમુખભાઈએ અમેરિકા જઈને નામ બદલી નાખવાં હોય તો ક્યાં નામ રાખી શકે? કીર્તિભાઈનું નામ રૉબર્ટ હોય તો ચાલે. ટ્યુટોનિક ભાષાના આ રૉબર્ટ શબ્દનો અર્થ થાય છે – પ્રસિદ્ધિથી પ્રકાશિત થનાર. અમૂલખચંદ ઍન્થની બની શકે. લૅટિન ભાષામાં અમૂલ્ય એટલે ઍન્થની. હિબ્રુ શબ્દ સોલોમનનો અર્થ થાય છે શાંત અને હિબ્રુનો જ એક બીજો શબ્દ છે આઇઝેક જેને ન્યુટન અટકવાળા વિજ્ઞાનીએ જગવિખ્યાત બનાવી દીધો. આ આઇઝેક નો મતલબ છે હાસ્ય.
અમેરિકી અને યુરોપીય પ્રજાઓમાં મોટા ભાગનાં નામ હિબ્રુ, લૅટિન, ગ્રીક, ટ્યુટોનિક, ઍન્ગ્લો-સેકસન અને કૅલ્ટિક જેવી લાંબો ઈતિહાસ ધરાવતી ભાષાઓમાંથી આવે છે. આ વ્યક્તિવાચક નામના અર્થ પણ આપણી ભાષામાં પ્રચલિત એવા સંસ્કૃતમાંથી ઊતરી આવેલાં નામ જેટલા જ રસિક છે. આપણા પ્રીતમલાલ તે હિબ્રુના ડેવિડભાઈ. ડેવિડ એટલે પ્રિય. નાનાલાલ એટલે લૅટિનમાં પૉલ અર્થાત નાનું. કાલિદાસ એટલે? લૅટિનમાં મૉરિસનો અર્થ થાય છે ઘેરા રંગનું. આપણા નામ સાથેની સરખામણી છોડી દઈએ તોય વિદેશી નામના અર્થ મઝા આવે એવા છે. ચાર્લી નામ જેના પરથી આવ્યું તે ચાર્લ્સ એટલે મજબૂત અથવા પુરુષાતનભર્યો. જિઓ (Geo) એટલે જમીન જેના પરથી આવેલા નામ જોર્જનો ગ્રીક ભાષામાં મતલબ થાય જમીનદાર. Continue reading 'શેક્સપિયર ખરેખર શું કહી ગયો?'»
પ્રિય મિત્રો,
‘ચીઝ’ શબ્દ વાંચીને તમને ચીઝ સેન્ડવિચ, ગ્રીલ સેન્ડવિચ, પીત્જા અને ચીઝ દાબેલી (હા, પુણેમાં ચીઝ દાબેલી પણ મળે છે!) વગેરે વાનગીઓ યાદ આવી હશે. પણ આ વાનગી વિભાગ નથી, આ અદ્ભુત કળાનો વિભાગ છે અને અહીં આપણે એવી કળાઓ વિશે જાણીએ છીએ કે જેને જોઈને મોઢામાંથી એક જ શબ્દ નીકળે, અદ્ભુત!
સૌ પ્રથમ આપણે કેટલીક રચનાઓ જોઈએ…
Continue reading 'સે ચીઝ! (અદ્ભુત કળા)'»
સોમવારે ચીજ વિશે લખવું છે તો તેની પૂર્વભૂમિકા રૂપે આજે માણો અમુલ બટરની જાહેરખબરો:
અમુલ બટરની બધી જ જાહેરખબરો જોવા માટે અહીં ક્લિક કરો.
પ્રિય મિત્રો,
ગુજરાતી બ્લૉગવિશ્વ (ગુજરાતી બ્લોગ એગ્રીગેટર) સરસ રીતે ચાલી રહ્યું છે. એકાદ અપવાદને બાદ કરતાં દરેક જાતનાં વર્ડપ્રેસ હોસ્ટેડ, સેક્ફ હોસ્ટેડ, બ્લોગસ્પોટ હોસ્ટેડ) બ્લોગ સફળતાથી ઉમેરી શકાયા છે. આજની સંખ્યા ૨૦૦ છે, હજી ઘણાં બ્લોગ ઉમેરવાના બાકી છે…. કામ ચાલુ છે.
બ્લોગ એગ્રીગેટર બહુ જ ઉપયોગી ટૂલ છે. બ્લોગ વાચકોને એક જ જગ્યાએ બધા બ્લોગ પરની તાજેતરમાં પોસ્ટ થયેલી રચનાની લિન્ક મળી જાય છે. વાચક પોતાને ગમતા બ્લોગ ઉમેરાવની કે અણગમતા બાદ કરવાની વિનંતી કરી શકે છે.
આ સેવા માટે ફીડ ક્લસ્ટરનો આભાર માનીએ તેટલો ઓછો છે, આટલી સુંદર વ્યવસ્થા તેમણે મફત ઉપલબ્ધ કરી આપી!
તમે પણ આ સુવિધાનો ઉપયોગ કરીને તમને ગમતા ચોક્કસ વિષયોના બ્લોગ એગ્રીગેટર બનાવી શકો છો. દા.ત. જૈન બ્લોગ એગ્રીગેટર.
કોઈ સારી અને મફત સેવા હોય તેનો સદ્ઉપયોગ કરનારાઓ હોય તેમ દૂરોપયોગ કરનારાઓ પણ હોય. દુઃખ સાથે કહેવાનું કે કેટલાક જન્મજાત નકલખોર કે જેઓ નકલ કરવા સિવાય કંઈ શીખ્યા ન હોય તેઓ ગુજરાતી બ્લૉગવિશ્વનો ક્લોન એગ્રીગેટર બનાવવામાં સમય વેડફી રહ્યા છે! ભગવાન તેમને સદબુદ્ધિ આપે!
ખેર! તમે તમારો બ્લોગ ‘ગુજરાતી બ્લૉગવિશ્વ‘માં ઉમેર્યો કે નહીં? ન ઉમેર્યો હોય તો અત્યારે જ ઉમેરી દો! તમારા બ્લોગ પર ‘વિજેટ’ મૂક્યું કે નહીં? ન મૂક્યું હોય તો અત્યારે જ મૂકી દો!
અને હા, ગુજરાતી બ્લૉગવિશ્વ ફીડ ક્લસ્ટર પર જેટલા બ્લોગ એગ્રીગેટર છે તેની યાદીમાં ટોપ ટેનમાં ક્યારનું આવી ગયું છે! ગઈકાલે સાંજે ૮વાગે ૭મોનંબર હતો, ઉપરથી!
-વિનય ખત્રી
હું ગુજ્બ્લોગ ગુજરાતી બ્લોગ એગ્રીગેટરમાં બ્લોગ ઉમેરવામાં વ્યસ્ત છું ત્યાં સુધી તમે માણો….
મોટર સાઈકલના ભાવમાં ફેરારીનો ઠાઠ? આ જુઓ…
અંતે સમગ્ર ગુજરાતી બ્લૉગવિશ્વની RSS ફીડ બનાવવામાં સફળતા મળશે એવું લાગે છે. જેની ઘણાં સમયથી રાહ જોતો હતો એવી RSS ફીડ સર્વિસ ફીડ ક્લસ્ટરની મદદથી બની શકે એમ લાગે છે.
ગુજરાતી બ્લૉગવિશ્વની RSS ફીડ માટે અહીં ક્લિક કરો. તમારો બ્લોગ તેમાં ઉમેરવા માટે ‘Add my blog’ પર ક્લિક કરો.
ઉપરની લિન્ક પર ક્લિક કરીને ગુજરાતી બ્લોગ જગતમાં પોસ્ટ થતા લેખ/કવિતાઓ વાંચો!
આ પ્રયોગ હાલ ટ્રાયલ ઉપર છે.
Comments (31) 
અંગત, બ્લોગ જગત
| 
પંચમ શુક્લ, હઝલ, હાસ્ય ગઝલ 
