Apr 042016
 

પ્રિય મિત્રો,

૯૫/૩૬૬

હું ભુજમાં હતો ત્યારે ગાયનું, ભેંસનું અને બકરીની દૂધ પીધું હતું એટલી ખબર. ઊંટડીના દૂધની ચા સારી બને એ ખબર પણ ક્યારે પીધી નહોતી. ૩૧ વર્ષ પહેલા મુંબઈ આવ્યો તો અહીં લોકોને શીશી (બાટલી)નું દૂધ, કોથળીનું દૂધ અને અમુકને તો ‘ભૈયા’નું દૂધ સુદ્ધાં પીતા જોયા!

ધીમે ધીમે સમજ પડી કે મહારાષ્ટ્ર શાશન તરફથી જે દૂધ વિતરણ કરવામાં આવતું તે કાચની બોટલોમાં કરવામાં આવતું અને એટલે લોકો ‘અમે તો બાટલીનું દૂધ પીએ છીએ’ એમ બોલતા સાંભળ્યા હતા. તેવી રીતે ડેરીમાંથી આવતું ગાય/ભેંસનું દૂધ પ્લાસ્ટિક પાઉચ (કોથળી)માં આવતું. મુંબઈમાં યુપી બિહારથી આવેલા ભૈયાઓ ભેંસોના તબેલા ચલાવે છે એ દૂધ વાપરનારાઓ પોતે ભૈયાનું દૂધ પીએ છે એમ કહેતા જોવા મળે.

આજકાલ ‘અમૂલ દૂધ પીતા હૈ ઈન્ડિયા’ એવી જાહેરખબર ટીવી પર આવે છે.

પુણેથી ૬૫ કિમિ દૂર, મંચર ગામે ‘ગોવર્ધન’ ડેરીવાળાની પેટા કંપની ભાગ્યલક્ષ્મી ડેરીમાં ગાયોની પદ્ધતિસર પાલન પોષણ કરવામાં આવે છે અને તેનું દૂધ હાથ લગાડ્યા વિના મશીનથી દોહીને કોઈ પણ જાતના પ્રિઝરવેટીવ કે પદાર્થ ઉમેર્યા વગર તાજું જ અમુક કલાકની અંદર મુંબઈ/પુણેના ઘરોમાં પ્રાઈડ ઓફ કાઉ બ્રાન્ડ હેઠળ પહોંચાડવામાં આવે છે.

getimage

(ચિત્ર સૌજન્ય – ટાઈમ્સ ઑફ ઈન્ડિયા)

આ ડેરી અને હીના ટૂર્સ એન્ડ ટ્રાવેલ્સ બંને મળી ‘મિલ્ક અને ચીઝ ટૂર‘નું આયોજન કરે છે જેમાં ભાગ્યલક્ષ્મી ડેરીના કાઉ ફાર્મ (ગાયના તબેલા)ની મુકાકાત અને ‘ગો ચીઝ’ પ્લાન્ટની મુલાકાત મુખ્ય આકર્ષણ છે. વધુ માહિતી મુલાકાત લીધા પછી, હાલ આટલું જ.

– વિનય ખત્રી

Leave a Reply

%d bloggers like this: