Apr 302011
 

પ્રિય મિત્રો,

સમયાંતર વર્ડપ્રેસ પોતાને અપ-ટુ-ડેટ રાખે છે તેને કારણે આપણે નવી નવી સુવિધાઓ વાપરવા મળે છે અને બ્લોગ ‘લખવા’નું કામ (બ્લોગિંગ) દિવસે ને દિવસે સરળ થતું જાય છે.

તાજેતરમાં જે સુવિધા ઉમેરવામાં આવી છે તે છે રાઈટિંગ હેલ્પર

આ સુવિધા પોસ્ટ એડિટરની (જ્યાં આપણે પોસ્ટ લખીએ તેની) નીચે આવેલી છે. (જુઓ ચિત્ર)

આ સુવિધા અંતર્ગત કૉપી અ પોસ્ટ અને રીક્વેસ્ટ ફીડબેક એમ બે સુવિધાઓ છે, ચાલો એક એક કરીને સમજીએ…

સૌપ્રથમ કૉપી-અ-પોસ્ટ: નામ વાંચી ગેરસમજ ન કરતા. ના, આ સુવિધા અન્ય બ્લોગ/વેબસાઈટ પરથી લખાણ તફડાવીને પોતાના બ્લૉગ સમૃદ્ધ કરતા કૉપી-પેસ્ટીયાઓ માટે નથી. આ સુવિધા જે બ્લોગરને પોતાની અગાઉ પ્રસિદ્ધ થયેલી પોસ્ટનું લખાણ કૉપી-પેસ્ટ કરી નવી પોસ્ટ બનાવવી છે તેમના માટે છે. આ સુવિધા વડે પોસ્ટ કૉપી કરીએ તો પોસ્ટના લખાણની સાથે પોસ્ટનું મથાળું, ટેગ્સ (લટકણીયા), વિભાગ (કેટેગરી) વગેરે પણ કૉપી થાય છે જેથી આપણે એટલો સમય બચે છે.

હવે જોઇએ રીક્વેસ્ટ અ ફીડબેક: આ સુવિધા વડે તમે તમારા મિત્ર/માર્ગદર્શક પાસેથી પોસ્ટ પ્રસિદ્ધ કર્યા પહેલા પ્રતિક્રિયા મેળવી શકો છો. તેઓ લખાણમાં રહેલી જોડણી ભૂલો, માહિતી દોષ, વધુ સારી રીતે રજુ કરવાના સૂચન વગેરે આપી શકે છે અને તમે પોસ્ટને વધારે સારી રીતે રજુ કરી શકો છો. રીક્વેસ્ટ અ ફીડબેક ક્લિક કરશો એટલે એક બોક્સ ખુલશે જેમાં તમે તમને મદદ કરે તેવા મિત્રોના ઈમેઈલ એડ્રેસ લખી દો. તેમને એક ખાસ ખાનગી લિન્ક મળશે જેને ક્લિક કરીને તેઓ તમારું લખાણ વાંચી શકશે. તેઓએ આપેલી પ્રતિક્રિયા પોસ્ટ રીક્વેસ્ટ ફીડબેક વિસ્તારમાં દેખાશે જેને અનુસરીને તમે તમારું લખાણ મઠારી શકો છો.

આવતી કાલે ગુજરાત દિવસ છે, સાથે સાથે મહારાષ્ટ્ર દિવસ પણ છે! લેબર ડે પણ ખરો, પણ હોલી ડે (રજા) નથી, કારણ કે રવિવાર છે!

આગોતરી શુભેચ્છાઓ.

  5 Responses to “રાઈટિંગ હેલ્પર: કૉપી અ પોસ્ટ અને રીક્વેસ્ટ ફીડબેક”

  1. Thanks Vinaybhai

  2. સમજાવવા બદલ આભાર.

  3. Vinaybhai thanks..

  4. ‘રીક્વેસ્ટ ફીડબેક’ પ્રુફવાચન માટે ઉપયોગી થશે. સમજણ આપવા બદલ ખુબ ખુબ આભાર…

  5. Are Vah !! useful information… thanks a lot..

Leave a Reply

%d bloggers like this: