Archive for the ‘અંગત’ Category
શુભ દિવાળી અને નૂતન વર્ષાભિનંદન
અમર આશા છુપાઈ છે
પ્રિય મિત્રો,
ગયા શુક્રવારે શેરબજારની જે હાલત થઈ છે. સેન્સેક્ષ એ જ દિવસમાં ૧૦૦૦+ નીચે! આવા કપરા સમયે મને મણિલાલ દ્વિવેદીની કવિતા યાદ આવી ગઈ જેની પ્રથમ પંક્તિ ગુજરાતી કહેવતોમાં સ્થાન પામી છે.
કહીં લાખો નિરાશામાં, અમર આશા છુપાઈ છે,
ખફા ખંજર સનમનામાં, રહમ ઊંડી લપાઈ છે.
- મણિલાલ દ્વિવેદી
(સંપુર્ણ રચના લયસ્તરો પર માણો)
એક દિવસમાં લાખો કરોડ રૂપિયા ધોવાઈ ગયા એવા ખરાબ દિવસે પણ ૧૭ જેટલી કંપનીઓએ ૧૦ થી ૨૦ ટકાનો નફો કરાવ્યોઃ
ફન-એન-ગ્યાનના સર્વે વાચકોને દિવાળીની શુભેચ્છાઓ…
એક લાંબા વિરામ બાદ…
પ્રિય મિત્રો,
એક લાંબા વિરામ બાદ આજે બ્લોગ અપડેટ કરવા બેઠો છું ત્યારે આપની સાથે કેટલીક વાતો કરવી છે.
૧. સર્ફગુજરાતી.કોમનું પ્રોગ્રામિંગ સરસ થઈ રહ્યું છે. પહેલી ટ્રાયલ સફળ થઈ. નાની-નાની કેટલીક ભૂલો છે તેમજ અમુક જ્ગ્યાએ યુનિકોડ ફોટ બરાબર દેખાતા નથી. સુધારા વધારા થઈને અઠવાડિયામાં આવી જશે. બધુ સમું પાર પડ્યું તો પહેલે નોરતે અપલોડ કરી દઈશ. પ્રોગ્રામર સાથે સતત ૧૫-૨૦ દિવસ માથાફોડી કરી પણ લાગે છે કે ધાર્યું પરિણામ જોવા મળશે. સર્ફગુજરાતી.કોમ એ ફન-એન-ગ્યાન ટૂલબારની ઓનલાઈન આવૃત્તિ છે જે ટૂલબાર ઉપરાંત બીજા પણ કેટલાક ઉપયોગી સાધનો સાથે આવશે.
૨. મનીષભાઈ મિસ્ત્રીનો ખૂબ ખૂબ આભાર તેમણે સર્ફગુજરાતી.કોમ માટે સરસ મજાની ડિઝાઈન બનાવીને મોકલાવી છે:
૩. આ સમય દરમ્યાન ઘણાં બધા નવા બ્લોગ બન્યા, તેમાંથી આ બે બ્લોગનો ફન-એન-ગ્યાન પર ઉલ્લેખ કરવો જરૂરી છે: અ) જોડણીની જાણકારી અને બ) ઊંઝા જોડણી.
૪. જોડણીના નિયમો વિશેના લેખ જુ.કાકા (જુગલકિશોર વ્યાસ) ના બ્લોગ પર વાંચ્યા હતા, તે પછી આ બ્લોગ પર જોડણી વિશેની માહિતી જાણવા મળી.
૫. બીજા બ્લોગનો અત્રે ઉલ્લેખ કરવો એટલે જરૂરી લાગ્યું કે અજ્ઞાતભાઈ હવે અજ્ઞાત નથી રહ્યા. કોઈ પણ બ્લોગ પર જોડણી વિશયક પોસ્ટ મુકવામાં આવે કે તરત જ તેમની અજ્ઞાત કોમેન્ટ આવી જ જાય! વળી દરેક વખતે તેમણે નવું નામ ધારણ કર્યું હોય! હવે તેમણે પોતાનો બ્લોગ શરુ કર્યો છે તેથી હવે અજ્ઞાત રહીને પણ એક્સેસિબલ બન્યા છે.
૬. બંને બ્લોગની મુલાકાત લેતાં એક વિરોધાભાસ જોવા મળ્યો: લિપિ સુધારણા વિશેના સુચનોનો સર્વ પ્રથમ જાહેર વિરોધ કરનાર એક મહિલા હતી! (અને તેમણે પોતના નામે વિરોધ કર્યો હતો.) જ્યારે આજે મર્દમુછાળાને પણ અજ્ઞાતનામે અને પ્રોક્ષીના બુરખા પહેરીને વિરોધ કરવો પડે છે!
આવતી કાલથી રાબેતા મુજબ ભારતીય સમય પ્રમાણે સવારે સાત વાગ્યે પોસ્ટ મુકવામાં આવશે.
- વિનય ખત્રી ‘અનિમેષ’ના પ્રણામ.
ફન-એન-ગ્યાન ટૂલબાર પછી?
પ્રિય મિત્રો,
ફન-એન-ગ્યાન ટૂલબારની જ્વલંત સફળતાથી પ્રેરાઈને ટૂંક સમયમાં ગુજરાતી બ્લોગ જગત માટેનું નવલું નજરાણું આવી રહ્યું છે…
ફન-એન-ગ્યાન ટૂલબાર ગુજરાતી સાહિત્યના વિશાળ ખજાનાને આંગળીને ટેરવે લાવી મૂકે છે પણ તે માટે તમારા કોમ્પ્યુટરમાં ટૂલબાર ડાઉનલોડ કરી ઈન્સ્ટોલ કરવું પડે તેમજ યુનિકોડ ફોન્ટ ઇન્સ્ટોલ થયેલા હોવા જોઈએ. બીજું ટૂલબાર ઈન્ટરનેટ એક્ષપ્લોરર, ફાયરફોક્સ મોજીલા, ફ્લોક, નેટસ્કેપ નેવીગેટર વગેરે બ્રાઉઝર સાથે ચાલી શકે તે રીતે બનેલું છે.
૫૦૦થી વધુ ટૂલબારના ડાઉનલોડ અને તેથી પણ વધારે ટૂલબારને લગતા પ્રતિભાવ જાણ્યા પછી એટલું જાણી શક્યો કે આટલું સરસ અને સમૃદ્ધ ટૂલબાર પણ કેટલાક લોકો માટે નકામું છે! કોના માટે તે જાણીએ…
૧. જે લોકો વિન્ડોઝ ઓપરેટીંગ (એક્ષપી અને સમકક્ષ) સિવાયની (દા.ત. લિનક્સ) ઓપરેટીંગ સિસ્ટમ વાપરે છે. ઓપરેટીંગ સિસ્ટમની સમસ્યા નથી. હવે ફન-એન-ગ્યાન ટૂલબાર વિન્ડોઝની સાથે સાથે મેક અને લિનક્સ પર પણ ચાલે છે, કેવુંક ચાલે છે તે તો કાર્તિકભાઈ જ કહી શકે. તેઓ મેક વાપરે છે અને લિનક્સના અનુભવી છે.
૨. જે લોકો ઓપેરા અથવા સફારી બ્રાઉઝર વાપરે છે.
૩. જે લોકોનું પોતાનું કોમ્પ્યુટર નથી અને સાયબર કાફે, કોલેજ, ઓફિસ કે અન્ય મિત્ર-સબંધીનું કોમ્પ્યુટર વાપરે છે.
તેમની ફરિયાદને દાદ આપીને ટૂંકસમયમાં ફન-એન-ગ્યાન ટૂલબારની ઓનલાઈન આવૃતિ આવી રહી છે….
જે ટૂલબારનું કામ તો કરશે જ, ઉપરાંત તે કોઇ પણ યુનિકોડ સપોર્ટેડ ઓપરેટીંગ સિસ્ટમ સાથે અને બ્રાઉઝર પર ચાલશે. તેને ડાઉનલોડ કે ઈન્સ્ટોલ કરવાની જરુર નહીં પડે અને કોઇપણ બ્રાઉઝર પર http://????gujarati.com લખીને વાપરી શકાશે. તે ઈન્ટરએક્ટિવ હશે અને તેમાં ટૂલબાર ઉપરાંત બ્લોગ એગ્રીગેટરનો પણ સમાવેશ કરવાનું વિચાર્યું છે.
આ નવા સાહસનું અડધું નામ તો આપી દીધું, બાકીનું અડધું જાણવા આપની કલ્પના શક્તિને કામે લગાડો.
આખું નામ અને અન્ય ઉપયોગીતાઓ વિશે સોમવારે…
આપના અમૂલ્ય અભિપ્રાય/પ્રતિભાવ/સુચનોની અપેક્ષા સહ…
- વિનય ખત્રીના પ્રણામ.
આંતરરાષ્ટ્રીય મિત્રતા દિવસ
ફન-એન-ગ્યાનના તમામ વાચક મિત્રોને દર વર્ષે ઓગસ્ટ મહિનાના પહેલા રવિવારે ઉજવાતા આંતરરાષ્ટ્રીય મિત્રતા દિવસ નિમિત્તે શુભેચ્છાઓ અને હેપ્પી ફ્રેન્ડશીપ ડે!
- વિનય ખત્રી ‘અનિમેષ’
કચ્છી નયે વરેજી વધાઈયું
પ્રિય મિત્રો,
આજે અષાઢ મહિનાનો બીજો દિવસ એટલે કે અષાઢી બીજ. આજથી શરૂ થતા કચ્છી નવા વર્ષના વધામણા.
અષાઢ મહિનો એટલે…
- મહાન વિદ્વાન સંસ્કૃત સાહિત્યના કવિવર કાલિદાસની યાદ કરાવતો મહિનો.
- વર્ષારાણીના આગમનનો મહિનો.
- અષાઢી બીજ તેમજ ગુરૃર્પૂણિમા જેવા તહેવારોનો મહિનો.
- સાંસ્કૃતિક મૂલ્યોનાં જીવંત સ્વરૂપ ભવ્ય રથયાત્રાનો મહિનો.
- ચાતુર્માસનાં આરંભનો મહિનો.
- સ્વામિનારાયણ મંદિરોમાં હિંડોળાનો મહિનો.
- જેના પરથી ભુજ નામ પડ્યું છે તે ભુજિયાના મેળાનો મહિનો.
અંગત રીતે કહું તો અષાઢ મહિનો એટલે…
- મુંબઇમાં ધોધમાર વરસાદનો મહિનો.
- વરસાદમાં માળશેજ ઘાટના ઝરણાંમાં નહાવા જવાનો મહિનો…
- ૨૦૦૦માં ગુણવંત શાહ સાથે ગુફતગુ કર્યાની યાદનો મહિનો.
નવા વર્ષની સુપ્રભાતે વિનય ખત્રીના પ્રણામ.
નવું ક્યાંથી/કેવી રીતે શોધો છો?
ગઇકાલની પોસ્ટ અનિમેષ અંતાણી નામ શા માટે?નું અનુસંધાન…
નવું નવું ક્યાંથી અને કેવી રીતે શોધી લાવો છો?
મારા વ્યવસાયમાં મારું કામ છે રિચર્ચ અને ડેવલપમેન્ટ (R&D)નું. તે માટે મારે નેટ પર બહુ બધું સર્ચ કરવાનું હોય છે અને અનુભવે ફાવટ આવી ગઇ છે કે શું શોધવાથી શું મળશે. આપને ખબર હશે જ કે જવાબ કેવો મળવાનો છે તેનો આધાર પ્રશ્ન કેવી રીતે પૂછાયો છે તેના પર હોય છે.
નવા લેખ માટેનો વિષય શોધવા માટે ૧. ઇન્ટરનેટ સર્ફીંગ, ૨. મિત્રોએ મોકલાવેલી ફોર્વર્ડેડ મેઇલ્સ, ૩. ફનલોક જેવા ફન ગ્રુપ અને ૪. ગુગલ અલર્ટ નામનું ટૂલ વાપરું છું. (ગુગલ અલર્ટ વિશે વિગતે જાણવા માટે વાંચો આજની નેટસૅવિ.)
કોઇ એક રસપ્રદ વિષય મળ્યો પછી તેના વિશે ખાંખાખોળા શરુ થાય છે. મુખ્યત્વે ગુગલ અને યાહુ સર્ચ એન્જિન વાપરું છું. અલગ અલગ રીતે શોધ આદરીને વસ્તુના મૂળ સુધી પહોંચું છું પછી મને આવડતી ગુજરાતીમાં તેનું ભાષાંતર કરીને પોસ્ટમાં મૂકું છું. Read the rest of this entry »
