FunNgyan.com

મેનેજમેન્ટના વિદ્યાર્થીઓને તાલિમ દરમ્યાન એક થાંભલાની ઊંચાઈ માપવાનું કહેવામાં આવ્યું.

નિસરણી અને માપપટ્ટી લઈને તેઓ મંડી પડ્યા થાંભલાની ઊંચાઈ માપવા. ક્યારેક માપપટ્ટી પડી જાય તો ક્યારેક નિસરણી હટી જાય!

એક એન્જિનિયર આ ખેલ જોતો હતો તે આવ્યો અને તેણે થાંભલાને આડો પાડી, જમીન પર સુવડાવીને માપપટ્ટીથી માપ લીધું અને ફરી થાંભલાને તેની જગ્યાએ ગોઠવીને મેનેજમેન્ટના વિદ્યાર્થીઓને કહ્યુ “જુઓ આમ થાય!” અને પોતાને કામે લાગી ગયો.

એન્જિનિયરના ગયા પછી એક મેનેજમેન્ટનો વિદ્યાર્થી બીજા ને કહે છે “જોયું, આવ્યો મોટો એન્જિનિયર!” જોર જોરથી હસતાં હસ્તાં..
“ડફોળને એટલી ખબર પડતી નથી કે અહીં ઊંચાઈ માપવાની હતી અને તેણે લંબાઈ માપી!”

બોધ: એન્જિનિયર ગમે તેટલું સારું કામ કરશે, મેનેજર તેમાંથી ભૂલો જ કાઢશે!

લગ્નગાળો પુરજોશમાં ચાલે છે ત્યારે ઈન્ટરનેટ પર ફરતી એક જોક અને બિલ ગેટ્સની દિકરીનો ફોટો:

પપ્પા: “મારી ઇચ્છા છે કે હું કહું તે છોકરી સાથે તું લગ્ન કર.”

પપ્પુ: “પણ પપ્પા, હું તો મારી પસંદગીની છોકરી સાથે લગ્ન કરીશ.”

પપ્પા: “પણ દિકરા, હું જે છોકરીની વાત કરું છું તે બિલ ગેટ્સની દિકરી છે.”

પપ્પુ: “પપ્પા, યુ આર ગ્રેટ, હું ક્યાં કોઈદી આપની આજ્ઞા અવગણું છું!”

પપ્પા બિલ ગેટ્સને મળવા જાય છે…

પપ્પા: “હું તમારી દિકરી માટે માંગું લઈને આવ્યો છું.”

બિલ ગેટ્સ: “પણ મારી દિકરીને પરણાવાની હજી ઘણી વાર છે.”

પપ્પા: “પણ આ મુરતિયો વિશ્વ બેંકનો વાઈસ પ્રેસિડન્ટ છે!”

બિલ ગેટ્સ: “ઓહ! એમ વાત છે તો કરો કંકુના..”

છેવટે પપ્પા વિશ્વ બેંકના પ્રેસિડન્ટને મળવા જાય છે….

પપ્પા: “વાઈસ પ્રેસિડન્ટની પોસ્ટ માટે એક યુવાનની ભલામણ લઈને આવ્યો છું.”

પ્રેસિડન્ટ: “પણ મારી પાસે જરુરત કરતાં વધારે વાઈસ પ્રેસિડન્ટ છે…”

પપ્પા: “પણ આ યુવાન બિલ ગેટ્સનો જમાઈ છે.”

પ્રેસિડન્ટ: “તમારે આ વાત પહેલે કરવી જોઈતી’તી!”

મોરલ ઑફ ધ સ્ટોરી: તમારી પાસે કંઇ ન હોય તો પણ તમે તમને જે જોઈએ તે મેળવી શકો છો, તમારો અભિગમ હકારાત્મક હોવો જોઈએ!