પ્રિય મિત્રો,
ગુડ મોર્નિંગ!
અત્યંત વ્યસ્તતાને કારણે આજકાલ બ્લૉગિંગ અનિયમિત થઈ ગયું છે. આજે પોસ્ટ મુકવાનું ખાસ કારણ આ બ્લૉગની પહેલી પોસ્ટ માર્ચ ૧૭ના લખવામાં આવી હતી તેથી માર્ચ મહિનાનું વિશેષ મહત્વ રહ્યું છે.
અમારી ઑફિસ પુણે શહેરમાંથી ખસેડાઈને પુણે શહેરથી ૧૫ કિમી દૂર વાઘોલી ગામે સિફ્ટ થઈ છે. વાઘોલીનું ધૂળીયું વાતાવરણ માફક આવતાં સમય લાગશે. બીજું દરરોજ ટ્રાવેલિંગમાં એકથી દોઢ કલાક અને ક્યારેક ટ્રાફિક જામ હોય તો બે-અઢી કલાકનો વધારો થઈ ગયો છે!
વાઘોલીમાં પીવાના પાણીની સમસ્યા છે. તેમ છતાં આ ગામ પુણેના પરા તરીકે બહુ વિકાસ પામી રહ્યું છે. (બોરવેલનું પાણી પીવાના ઉપયોગ માટે યોગ્ય નથી.)
નવી ઑફિસમાં એરટેલનું નેટવર્ક પકડાતું નથી, તેથી બધાના સંપર્ક બહાર થઈ ગયો છું. નેટવર્ક બાબત ફરિયાદ નોંધાવી દીધી છે, ઉપરાંત બૅકઅપ તરીકે એક બીજો નંબર પણ લીધો છે, તમારી પાસે મારો જુનો નંબર હોય અને લાગતો ન હોય તો જૂના નંબરમાંથી 1,820,921,994 બાદ કરશો તો નવો નંબર મળશે!
બીજું, એક ઉપયોગી સૂચના અને વિનંતી:
ફનએનગ્યાન પર ૧૭મી માર્ચના એક લેખ મૂકવાનો છે જેમાં ગુજરાતી પુસ્તકો વિશે લખવાનો વિચાર છે, તે માટે આપને ગમતા પાંચેક પુસ્તકોના નામ અને તેમના લેખકના નામ સાથે (અથવા આપને ગમતા પુસ્તક વિશેની પોસ્ટ કરી હોય તો તેની લિન્ક) અહીં કૉમેન્ટ બોક્ષમાં રજુ કરવા વિનંતી છે.
આપના આ સહકારથી એક યાદી તૈયાર થશે જે મારા સહિત બધાને ઉપયોગી થશે.
મળતા રહીશું…
સૌ: ગુ.સ.
