Feb 272016
 

પ્રિય મિત્રો,

૫૮/૩૬૬

નેટ પર જાતજાતનાં ઓવરલોડેડ વાહનોનાં ફોટા ફરતા હોય છે, તેમાંથી આ શિરમોર છે…

overload

ચિત્ર સ્ત્રોત

– વિનય ખત્રી

Dec 072014
 

પ્રિય મિત્રો,

વર્ષો પહેલા, એટલે કે, ડિસેમ્બર ૨૦૦૭માં, ઇરાનની એક બેંક એ.ટી.એમ.નું ચિત્ર મૂક્યું હતું અને તેનું મથાડું બાંધ્યું હતું, “આતો તાડજેવડાઓ માટે છે” ત્યારે લોકોને તે બહુ જ પસંદ પડ્યું હતું અને આ પોસ્ટને મળેલા પ્રતિભાવે આ બ્લોગનું બાળ મરણ થતું અટકાવ્યું હતું.

આજે સાત વર્ષ પછી તેનાથી ઉલટ ઠીંગણા લોકો માટેનું એટીએમ ઈન્ટરનેટના ખૂણેખાંચરે ખાંખાખોળા કરી શોધી લાવ્યો છું.

એટીએમ

એટીએમ

ગમ્મ થઈ ગઈ, હવે થોડું જ્ઞાન પણ મેળવી લઈએ:

આ એટીએમ યુનાઈટેડ કિંગ્ડમમાં Nottinghamમાં આવેલું છે. જમીનથી ફક્ત સવા દોઢ ફૂટ ઊંચું આ એટીએમ કોઈ રમૂજ માટે નહીં પણ વ્હીલચેર પર આવતા ડિસેબલ્ડ લોકો માટે છે. હેટ્સઓફ! વિશ્વ અપંગ દિવસ તાજેતરમાં જ ઉજવાઈ ગયો.

વ્હોટ્સએપના જમાનામાં જ્યારે ઢગલાબંધ રમૂજી ચિત્રો કોઈ પણ માહિતી વિના મોબાઈલમાં ઠલવાતા હોય ત્યારે આ ચિત્ર અને તેની માહિતી આપને પસંદ પડશે તેવી આશા સાથે,

-વિનય ખત્રી

ફોટો/માહિતી સ્ત્રોત બીબીસી.કોમ

Nov 212014
 

પ્રિય મિત્રો,

વાહ.કો માટે પ્રોગ્રામર સાથે મસલત ચાલુ છે અને થોડા સમયમાં બ્લોગની યાદી મૂકવા માટેના મોડ્યુલ્સ પ્રોગ્રામ કરીને મળી જશે એવી આશાઓ ફરીથી જાગી છે.

હું પ્રોગ્રામર સાથે વ્યસ્ત રહું તે તો બરાબર, પણ તમે ફન કે જ્ઞાનથી વંચીત ન રહો તે માટે આજે ફરી એક વાર રમૂજી ચિત્ર અને કટાક્ષ:

સમય સાથે બદલાતા ટીવીસેટ મથાળા સાથે એક પોસ્ટ બહુ સમય પહેલા મૂકી હતી:

સમય સાથે બદલાતા ટીવીસેટ

જેમાં વહેતા સમયની સાથે બદલાતા ટીવી સેટની વાત હતી, આજે ટીવી વધારે બદલાઈને સપાટ સ્ક્રિનમાંથી હવે કર્વડ (વળાંક વાળા) ટીવીસેટ બજારમાં (અને આપણાં ઘરોમાં પણ) આવવા લાગ્યા છે ત્યારે આ વાત સહેજ સુધારીને ફરી લખવી પડે તેમ છે.

અંતર્ગોળ (કર્વડ) સ્ક્રિન ધરાવતા ટીવી સેટ

પહેલા બહીર્ગોળ કાચ ધરાવતા ટીવી આવતા હતા, પછી સપાટ સ્ક્રિન ધરાવતા ટીવી આવ્યા અને હવે (કર્વડ) અંતર્ગોળ સ્ક્રિન ધરાવતા ટીવી સેટ આવી ગયા છે. જ્યારે આપણાં શરીરના આકારનો બદલાવ ટીવીના આકાર કરતાં ઉલટો છે. સમયની સાથે સાથે આપણું શરીર અંતર્ગોળ (દબાયેલું પેટ) માંથી બહીર્ગોળ (ફૂલેલું પેટ) તરફ જઈ રહ્યું છે.

અંતર્ગોળ(દબાયેલા પેટ)માંથી બહીર્ગોળ (ફૂલેકા પેટ) તરફ

આ જ વાત આ પોસ્ટમાં કારકિર્દી સાથે સાંકળીને કરી હતી – કારકિર્દી અને પ્રગતિ