Oct 312011
 

પ્રિય મિત્રો,

સાલ મુબારક, નૂતન વર્ષાભિનંદન, હેપ્પી ન્યુ યર!

આજે લાભ પાંચમ, વિક્રમ સંવત ૨૦૬૮ના નવા વર્ષના કામકાજનો પહેલો (વર્કિંગ) દિવસ. આજથી વેપાર/ધંધા/રોજગાર ધમધમતા થવાનો દિવસ. આજનો દિવસ કોઈ પણ કાર્ય શરુ કરવા માટે શુભ ગણાય છે અને મુહર્ત પૂછવાની જરૂર રહેતી નથી. આજના દિવસને સૌભાગ્ય પંચમી અથવા શ્રી પંચમી પણ કહેવાય છે. એટલું જ નહીં, આજનો દિવસ જ્ઞાન પંચમી તરીકે પણ ઓળખાય છે. આમ, આજનો દિવસ લક્ષ્મી અને સરસ્વતી બંને દેવીઓનો છે. વેપાર અને વિદ્યા બંને માટે મહત્વનો દિવસ છે.

ગયા પખવાડીયે સર્ફગુજરાતી.કોમ માટે ટૂંકું અને ટચી ગુજરાતી નામ સૂચવવા માટે વિનંતી કરી હતી જેના માટે ઘણાં બધાં સૂચનો આવ્યા છે જેમાંથી એક મિત્રે ઈમેઈલ દ્વારા સૂચવેલું નામ વાહ પસંદ પડ્યું છે. ટૂકું પણ છે (અંગ્રેજીમાં ફક્ત ચાર અક્ષર vaah) તેમજ IN અને ME ડોમેઈન પર ઉપલબ્ધ પણ છે!

સર્ફગુજરાતી.કોમનું પ્રોગ્રામિંગ કાર્ય પુરજોશમાં ચાલુ છે, દિવાળીની રજાઓ જતી કર્યા છતાં ડેડલાઈન સાચવી શકાઈ નથી. નવી ડેડલાઈન નક્કી કર્યા વગર ટૂંક સમયમાં રજુ કરી શકાય તે માટેની તડામાર તૈયારી ચાલુ છે…

Oct 242011
 

પ્રિય મિત્રો,

સર્ફગુજરાતી.કોમ અને અન્ય વ્યસ્તતાને કારણે સરખામણી લેખમાળા થોડી અટવાઈ ગઈ હતી તેને આજે આગળ વધારીએ તે પહેલા આજે ધનતેરસનો શુભ દિવસ છે, બધાને શુભેચ્છાઓ…!

સરખામણી લેખમાળાના છઠ્ઠા લેખમાં આપણે બ્લૉગ અને વેબસાઈટના ગુણાંક દર્શાવતી બે સેવાઓ એલિઝા અને ઈન્ડીરેન્કની વાત કરીશું.

રેન્ક સેવા વિશે લેખ લખવાનું કેવી રીતે સુજ્યું તે જાણવું રસપ્રદ થશે. સર્ફગુજરાતી.કોમમાં ગુજરાતી બ્લૉગ/વેબસાઈટના ગુણાંક દર્શાવવાની વ્યવસ્થા હશે તેની પ્રોગ્રામરો સાથે ચર્ચા કરતાં વાત નીકળી કે સર્ફગુજરાતી.કોમના ગુણાંક દર્શાવતું વિજેટ કેવું હોવું જોઈએ? કેવું ન હોવું જોઈએ? વર્ડપ્રેસ બ્લોગ પર દર્શાવવું હોય તો તેમાં કોઈ પણ જાતની સ્ક્રિપ્ટ (કોડ) ન હોવી જોઈએ… વગેરે ચર્ચા થઈ. સાથે એલિઝા, અમન્ગ.અસ, ઈન્ડીરેન્ક વગેરે ગુણાંક (રેન્ક) અને તેના વિજેટની ચર્ચા થઈ.

એલિઝા (alexa.com)

૧૯૯૬માં સ્થાપાયેલી એમેઝોન.કોમની આ સેવા આંતરરાષ્ટ્રીય વિશ્વાસપાત્ર ઈન્ટરનેટ ટ્રાફિક દર્શાવતી કંપની છે. તમને એલિઝા વિશે ખબર ન હોય એવું બને પણ એલિઝાને તમારી ખબર હશે એટલું જ નહીં તમારા ગુણાંક પણ દર્શાવશે! એલિઝા વિશે વધુ આ લેખમાં જણાવી ચૂક્યો છું.

એલિઝા રેન્ક દર્શાવતું વિજેટ જાવા સ્ક્રિપ્ટ (કોડ) ધરાવે છે તેથી વર્ડપ્રેસ હોસ્ટેડ બ્લૉગ માટે વિજેટ ઉપલબ્ધ નથી તેથી એલિઝા ‘બેઝ’થી કામ ચલાવવું પડે જે બ્લૉગનો ગુણાંક બ્લૉગ પર દર્શાવતું નથી. Continue reading »

Oct 172011
 

પ્રિય મિત્રો,

અમેરિકા અને કેનેડામાં ૧૬મી ઑક્ટોબરે નેશનલ બૉસ ડે ઉજવાય છે. ૧૬મીએ રજા હોય તો તેના આગળના કે પાછળના દિવસે બૉસ ડે ઉજવવામાં આવે છે. (થેંક્યુ બૉસ!) આ વર્ષે ૧૬મીએ રવિવાર હોવાથી ૧૭મીએ એટલે કે આજે રાષ્ટ્રિય બૉસ દિવસ ઉજવવામાં આવી રહ્યો છે.

આપણે ત્યાં ગુરુપૂર્ણિમા, શિક્ષક દિન વગરે દિવસ ઉજવાય છે પણ બૉસ ડે? નોવ્વે! ખરેખર, અમેરિકનો અમુક બાબતોમાં બહુ નિરાળા છે!

મારા બૉસ, અશોકભાઈ, ગુજરાતી છે પણ ગુજરાત બહાર મોટા થયા હોવાથી તેમનું ગુજરાતી વાંચન બહુ ઓછું. એક દિવસ કોઈ ગુજરાતી રચના શોધતાં ફનએનગ્યાન.કોમ પર આવી પહોંચ્યા. એટલું જ નહીં, લગભગ બે કલાક વિતાવ્યા! આ વાત જ્યારે તેમણે મારી સમક્ષ કરી ત્યારે મને લાગ્યું કે આ મારા માટે સૌથી મોટા કૉમ્પ્લીમેન્ટ્સ છે!

ઘણાં સમયથી આ વાત બ્લૉગ પર મૂકવાનું વિચારી રહ્યો હતો પણ આજે એ માટે યોગ્ય મોકો મળી ગયો! સાથે મનમાં કેટલાક પ્રશ્નો ઉદ્‌ભવ્યા, ચાલો જોઈએ… Continue reading »

Oct 102011
 

પ્રિય મિત્રો,

સપ્ટેમ્બર ૨૦૦૮માં એક પોસ્ટ કરી હતી, અશ્લીલ સાહિત્ય વાયા બ્લૉગ્સ. તે પછી આજે આ જ શિર્ષક સાથે પોસ્ટ મૂકવાનું કારણ એક બ્લૉગ છે જે રવિવારે વર્ડપ્રેસના બ્લૉગ ઑફ ધ ડે પાના પર દેખાયો હતો.

તે સમયે (૨૦૦૮માં) ખબર ન હતી કે આવી પોસ્ટનું કરવું શું? પોસ્ટના રીપ્લાયમાં અરવિંદભાઈએ ટૂંકમાં અને કૃણાલભાઈએ વિગતે સમજાવ્યું હતું કે આવા બ્લૉગની જાણ વર્ડપ્રેસને કરવાની રહે છે જેથી તેઓ જોઈતા પગલા લઈ શકે.

વર્ડપ્રેસ બ્લૉગ બનાવવાની મફત સગવડ આપે છે અને વાપરનાર મરજી પડે તે પ્રમાણે વાપરી શકે છે. એક છરી જેમ શાક સમારવા માટે પણ વાપરી શકાય છે તેમ કોઈને ઈજા પહોંચાડવા માટે પણ વાપરી શકાય છે. દુરૂપયોગ થવા માટે છરીને જવાબદાર ન ઠેરવી શકાય.

વર્ડપ્રેસ બ્લૉગ ઑફ ધ ડે કોઈ વિશેષ ફોર્મ્યુલા વડે કોમ્પ્યુટર દ્વારા નક્કી કરવામાં આવે છે. કોમ્પ્યુટરને (કે સોફ્ટવેરને) અક્ક્લ હોતી નથી તેથી તેને મુર્ખ બનાવી શકાય છે. બીજું, દરરોજ ચાર લાખથી વધુ બ્લૉગર દ્વારા રોજની પાંચ લાખથી વધુ પોસ્ટ દેશ-વિદેશની ભાષામાં મૂકાતી હોય ત્યારે વર્ડપ્રેસ દરેક પોસ્ટ વાંચે અને મોડરેટ કરે એવી આશા રાખવી નકામી. તો કરવું શું?

વર્ડપ્રેસ સેવાનો ખોટી રીતે ઉપયોગ થતો હોય તો તે માટેની ફરિયાદ તરત જ વર્ડપ્રેસને કરવી જોઈએ. અહીં એડલ્ટ બ્લૉગ જનરલ કેટેગરીમાં આવી ગયો છે તો તેના માટે Report Matureની ફરિયાદ કરવાની રહેશે, કેવી રીતે? જોઇએ… Continue reading »

Powered By Indic IME