પ્રિય મિત્રો,
મકર સંક્રાંતિની પૂર્વ સંધ્યાએ લખવાનો મૂડ અને સમય નથી તો ચાલો આજે આપણે એક રમુજી ચિત્ર માણીએ:
(ચિત્ર સૌજન્ય: Giorgio Ghezzi)
પુલ વિશે વિગતવાર માહિતી વિકિપિડિયા અને પુલની વેબસાઈટ પર વાંચી લેજો, વધુ ચિત્રો ગેલેરી વિભાગમાં જોઈ લેજો. હું જાઉં છું મારે કાલની તૈયારી કરવાની છે….
મકર સંક્રાંતિની શુભેચ્છાઓ…!
પ્રિય મિત્રો,
આજે આપણે વાત કરવાના છીએ ગુજરાતી બ્લૉગ વિશ્વની અંદર શ્વસતા ધિક્કાર વિશ્વની. ધિક્કાર એટલે દ્વેષ, અભાવ કે અણગમો. ધિક્કારની લાગણી આમ તો પ્રેમની લાગણી જેવી જ છે અને જ્યાં પ્રેમ હોય ત્યાં જ ધિક્કાર સંભવ છે, અન્યથા નહીં. એમ કહેવાય છે કે Hatred is blind, as well as love. નફરત અને પ્રેમ બેઉ આંધળા હોય છે.
આપણે પહેલા એ જોઈએ કે ધિક્કાર વિશે જાણીતા ચિંતકો શું કહે છે:
ગૂગલ બીફોર યુ ટ્વીટ!
પ્રિય મિત્રો,
હું પ્રાથમિક શાળામાં ભણતો ત્યારે અમારા નોટિસ બોર્ડ એક સુવિચાર અચૂક જોવા મળતું: વગર વિચાર્યું જે કરે પાછળથી પસ્તાય. લગભગ એવા જ અર્થવાળી અંગ્રેજી કહેવત પાછળથી જાણી, થીંક બીફોર યુ સ્પિક!
આજના ઈન્ટરનેટ, બ્લૉગ, ટ્વિટર અને ફેસબુકના જમાનામાં પણ આ કહેવત એટલી જ યથાર્થ છે. તેમાં જો થોડો ફેરફાર કરવામાં આવે તો એમ કહી શકાય કે ગૂગલ બીફોર યુ ટ્વીટ! આ મારો વિચાર નથી, આ મતલબનું લખાણ લખેલું તૈયાર અહીં મળે છે!
મને આ વિચાર બહુ જ ગમે છે અને દરેક વખતે તેનો અમલ પણ કરું છું. કોઈ પણ વિષય પર પોસ્ટ લખતાં પહેલા ગૂગલમાં સર્ચ કરી લઉં છું. આમ કરવાથી મને નવું નવું જાણવા પણ મળે છે અને જો કોઈએ એ જ વિષય પર પહેલા પોસ્ટ મૂકી દીધી હોય તો પોસ્ટ મૂકવાનો મારો સમય પણ બચે છે જે હું બીજી પોસ્ટ માટે ફાળવી શકું છું અને વધારે સારી પોસ્ટ કરી શકું છું.
ગૂગલમાં ખાંખાખોળા કરવા માટે તમારા બ્રાઉઝરમાં જે તે શબ્દને ‘સિલેક્ટ’ કરી ‘રાઈટ ક્લિક’ કરો, તમારું બ્રાઉઝર તમને ગૂગલમાં શોધવાનો વિકલ્પ દેખાડશે, તેના પર ક્લિક કરો અને પરિણામ હાજર!
પ્રિય મિત્રો,
ગયા અઠવાડિયાના ‘અભિયાન’માં વાંચ્યું કે વ્હિલચેરમાં બેસીને લૂટી શકાય?
પ્રિય મિત્રો,
ભાઈઓ અને ભાણેજોને ઈશુના નવા વર્ષની (શની-રવિ) રજા હતી એટલે શનિવારે મહાબળેશ્વર એક દિવસીય પર્યટનનો કાર્યક્રમ બનાવ્યો. પંચગીનીના ‘ટેબલલેન્ડ’ તરફ જતાં રસ્તામાં શેરબાગ થીમ પાર્કની ‘ગુજરાતી’ જાહેરાત જોઈ. કેમેરા હાથવગો હતો જ એટલે ચાલુ ગાડીએ ફોટો પાડી લીધો. ગાડી ઢાળ ચડતી હતી તેથી ઝડપ ઓછી હતી પરિણામે ધાર્યા કરતાં ઘણો સારો ફોટો મળ્યો:
(હવે આવો… પલડવાની પન મજા
at Sherbaug, a theme park, Panchgani
ભારતનો સહુથી ઉચો માનવે બનાવેલો ઉનાળો ઘોઘ)
બીનગુજરાતી વ્યક્તિ જ્યારે ગુજરાતી ભાષામાં પાટિયું ચીતરાવે ત્યારે આવી ભૂલો બહુ જ સામાન્ય છે! ‘ઘ’ અને ‘ધ’ના ફરકની ઘણાંને ખબર પડતી નથી. એમને ‘ઘોઘ’ અને ‘ધોધ’ બંને સરખા લાગે છે! ગુજરાતી ભાષા જીવશે કે કેમ એ તો આપણે ન કહી શકીએ પણ કેવી હાલતમાં જીવશે તેનો અંદાજ આ પાટિયા પરથી લગાડી શકાય?
| Copyright © 2007 - 2012 Vinay Khatri, All rights reserved. | Copy Protection: Chetan Gole | Gujarati Typepad: Vishal Monpara | Suffusion theme by Sayontan Sinha |
આપના પ્રતિભાવ