પ્રિય મિત્રો,
ગઈકાલે મારા ઈનબોક્ષમાં એક મેસેજ દેખાયો, નિંગ ગ્રૂપ મફત સેવા બંધ કરે છે!
નિંગની ગ્રૂપ બનાવવાની મજાની સગવડ વિશે ’તમે પણ બનાવો તમારો નિંગ ગ્રૂપ’ લેખ લખવાની તૈયારીઓ ચાલતી હતી. મહત્વના મુદ્દાઓ લખી ડ્રાફ્ટ પણ તૈયાર હતો. પૂરક માહિતી માટે સૌથી જૂનું ગુજરાતી નિંગ ગ્રૂપ ધરાવતા નિલેશભાઈ અને સૌથી મોટું ગુજરાતી નિંગ ગ્રૂપ ધરાવતા ભરતભાઈને ઈમેલ કરીને વિનંતી કરી ચૂક્યો હતો ત્યાં જ આ સમાચાર જાણવા મળ્યા. આ સમાચારને સારા સમાચાર કહેવા કે ખરાબ તે તો નિંગ તરફથી અપાતી સેવાની કિંમત નક્કી થયા પછી જ કહી શકાય.
ઈન્ટરનેટની લગતી ટેક્નિકલ જાણકારી ન હોય તો પણ સરળતાથી ગમે તેવું નાનું કે મોટું ગ્રૂપ બનાવવા માટે સરસ મજાની સગવડ નિંગ તરફથી મફત મળતી હતી, જેના હવે જુલાઈ મહિનાથી પૈસા ચૂકવવા પડશે. જો કે નિંગે જાહેર કર્યું છે કે મહિને ૩ ડોલર જેવા નજીવા ખર્ચમાં ૧૫૦ સભ્યો વાળા નાના ગ્રૂપ ચલાવી શકાશે.
નિંગ ગ્રુપમાં સોશ્યલ સાઈટની જેમ મિત્રો બનાવી શકાય, ચર્ચા કરી શકાય, બ્લોગ બનાવી શકાય, ફોટો તેમજ વિડિયો અપલોડ કરી શકાય, જે તે વિષયને લગતા ગ્રૂપમાં જોડાઈ શકાય, પોતાનું ગ્રૂપ પણ બનાવી શકાય. મિત્રોને આમંત્રણ આપીને ગ્રૂપમાં જોડાવા વિનંતી કરી શકાય.
ગ્રૂપનું સંચાલન કરવા માટે સાદી અને સરળ સગવડ છે, જે એક વખત નજર નાખવાથી સમજાઈ શકે. જાજી જફામાં પડ્યા વગર ચોક્ક્સ વિચાર ધરાવતા મિત્રોને મળવાનો અડ્ડો એટલે નિંગ ગ્રૂપ.
જોકે નિંગ ગ્રૂપના કેટલાક ભય સ્થાનો પણ છે. એક તો મિત્રોને આમંત્રણ આપવાની જે સગવડ છે તેમાં તમારા ઈમેઈલનો પાસવર્ડ માગે છે જે આપવાથી આપણી એડ્રેસબુક વાંચીને મિત્રોને આમંત્રણ મોકલાવે છે. અહીં આપણાં બધા સંપર્કો ખુલા થઈ જતા હોય છે. બીજું નિંગ ગ્રૂપમાં બેકઅપ લેવાની સગવડ નથી. એટલે જો તમે મહેનત કરી જાતે બધી પોસ્ટ ટાઈપ કરી નિંગ ગ્રૂપમાં મૂકી હોય, અને તેની એક નકલ તમારી પાસે રાખવી હોય તો તે માટે સગવડ નથી. તમારે બધી રચનાઓ કૉપી કરી પેસ્ટ કરવી પડે. હવે જુલાઈમાં મફત સેવા બંધ થશે એટલે કોઈને નિંગ ગ્રૂપમાંનું બ્લોગનું લખાણ વર્ડપ્રેસ કે કોઈ બીજા બ્લોગ સર્વિસમાં લેવું હોય તે માટેની સગવડ નથી! એક એક પોસ્ટ કૉપી કરીને વર્ડપ્રેસમાં પેસ્ટ કરવી પડશે!
સલામતી બાબત સારો એવો ખ્યાલ રાખવામાં આવ્યો છે છતાં સભ્યની ઓળખ જેવી સર્વસ્વિકૄત IP એડ્રેસની જાણ થતી નથી, તેથી કોઈ બીજાના નામે તમને ગાળો આપી જાય તો કંઈ થઈ ન શકે!
વધુ ફરી ક્યારેક…
અપડેટઃ નિંગ તરફથી રજુ કરાયેલા ભાવ આ પ્રમાણે છે: ૧૫૦ સભ્યો સુધીના ‘મિનિ’ ગ્રૂપ માટે ૩ ડોલર મહિને ચૂકવવાના રહેશે. જેમાં ૧જીબી સુધીની સ્ટોરેજ અને ૧૦જીબી બેન્ડવિડથ મળશે. ૧૫૦થી વધારે સભ્યો વાળા ગ્રુપ માટે ‘નિંગ પ્લસ’ અને ‘નિંગ પ્રો’ એવા વિકલ્પ છે, જેનું માસિક ભાડું અનુક્રમે ૨૦ ડોલર અને ૫૦ ડોલર છે. વધુ વિગતો માટે અહીં ક્લિક કરો.
વર્ષના સૌથી શ્રેષ્ઠ સમાચાર
કાર્તિકભાઇ,
બહુ હરખવાની જરૂર નથી.
ભરતભાઇ પહેલેથીજ ચાર્જ ભરી રહ્યા છે.[:D]
ભરતભાઇનો અસીમ જયજયકાર હોજો
http://chorto.wordpress.com/2010/04/18/%E0%AA%AD%E0%AA%B0%E0%AA%A4-%E0%AA%B8%E0%AB%82%E0%AA%9A%E0%AA%95-%E0%AA%A8%E0%AB%8B-%E0%AA%9C%E0%AA%AF-%E0%AA%B9%E0%AB%8B/
સરસ સમાચાર.
હવે નિંગમાં રહેલો બ્લોગનો જથ્થો વડઁપ્રેસ અને બ્લોગસ્પોટ જેવા અન્યો બ્લોગ પર આવશે
તે વાત ચોક્ક્સ.
વિનયભાઈ,
૩ સ્તરમાં ભાવ નક્કી થઇ ગયા છે. એ ઇમેલમાં આપ્યા છે. મને પણ એ ઇમેલ મળ્યો છે. મારા ખ્યાલથી આવી વ્યવસ્થા અન્યત્ર નથી. અન્ય સોશ્યલ સાઈટો પર જે ગંદવાડ છે તેવું નીંગ પરની સાઈટો પર નથી. આપણે સારી વ્યવસ્થા ગુમાવી રહ્યા છીએ. નીંગ દ્વારા નક્કી થએલા ભાવ ઘણા ઊંચા છે. નાના કે વ્યક્તિગત બ્લોગને તે પરવડશે નહિ.
રામ ઠક્કર. ભુજ.
good Idea
Alternative to ning is here: http://blog.grouply.com/ning/