Oct 282008
Oct 272008
પ્રિય મિત્રો,
ગયા શુક્રવારે શેરબજારની જે હાલત થઈ છે. સેન્સેક્ષ એ જ દિવસમાં ૧૦૦૦+ નીચે! આવા કપરા સમયે મને મણિલાલ દ્વિવેદીની કવિતા યાદ આવી ગઈ જેની પ્રથમ પંક્તિ ગુજરાતી કહેવતોમાં સ્થાન પામી છે.
કહીં લાખો નિરાશામાં, અમર આશા છુપાઈ છે,
ખફા ખંજર સનમનામાં, રહમ ઊંડી લપાઈ છે.
- મણિલાલ દ્વિવેદી
(સંપુર્ણ રચના લયસ્તરો પર માણો) Continue reading »
Oct 132008
એક છોકરી બીજી છોકરીને કેમ છો? પૂછે છે ત્યારે તેનું મન બીજા પણ ઘણાં સવાલો કરતું હોય છે.
છોકરી-છોકરી અને છોકરા-છોકરા વચ્ચે થતી વણકહી વાતચિત વિશે ગઈકાલના ડીએનએમાં એક સરસ કાર્ટુન આવ્યું હતું, લો માણો…
એક છોકરી, બીજી છોકરીને: કેમ છો? Continue reading »
Oct 082008
ગઈકાલે સમાચારોમાંથી જાણ્યું કે ટાટાની ટચુકડી કાર ‘નેનો’નો પ્લાન્ટ હવે સિંગુરથી સાણંદ આવશે.
સાણંદ ક્યાં આવ્યું વિચારતાં યાદ આવ્યું કે ભુજ જતાં અમદાવાદ પછી, વિરમગામ પહેલા સાણંદ ગામ આવે છે. સાણંદ સાથેની સ્મૃતિઓ વિશે વિચારતાં યાદ આવ્યું કે નળ સરોવરમાં પક્ષીઓની ફોટોગ્રાફી કરવા ગયા હતા ત્યારે સાણંદ સ્ટેશને ઉતર્યા’તા!
થોડા સમય પહેલાં સમાચારોમાં વાંચ્યું હતું કે ૨૦૨૦માં નળસરોવર શહેરમાં હશે પણ હવે ગઈકાલના સમાચાર વાંચીને મને નથી લાગતું કે હવે ૨૦૨૦ સુધી રાહ જોવી પડે!
દૂર દૂરથી આવતા વિદેશી પક્ષીઓ હવે ક્યાં ઉતરશે? અને આપણે પક્ષીઓની ફોટોગ્રાફી કરવા ક્યાં જશું?
Oct 022008
પ્રિય મિત્રો,
આપણાં રાસ-ગરબા અને યુરોપમાં ધૂમ મચાવી રહેલા બાયોડાન્સ (બાયોડાન્ઝા)માં ગજબનું સામ્ય છે એવો એક લેખ આવ્યો છે આજના ગુજરાત સમાચારની ‘શતદલ’ પૂર્તિમાં લેખક છે – અજિત પોપટ.
બાયોડાન્ઝાના શોધક ગણાય છે સ્પેનના જગમશહૂર મનોચિકિત્સક રોલાન્ડો ટોરો આરાનેડા.
બાયોડાન્સ અને ગરબાની સામ્યતા વિશે આપને કશું કહેવું હોય તો કોમેન્ટ બોક્ષ હાથવગું છે જ.