ગયા રવિવારે સાંજે ગુજરાતી પોએટ્રી કોર્નરમાંથી મનીષભાઈ ચેવલીની એક ફોર્વર્ડેડ મેઈલ આવી જેમાં ઈરાનના રાષ્ટ્રપતિના જીવનધોરણ વિશેની વાત હતી.
ઈરાનના રાષ્ટ્રપતિ મહેમુદ અહમદીનેજાદ ઓછા ખર્ચે કરકસર કરીને રહે છે અને તેઓ ભ્રષ્ટાચાર વિરુદ્ધ ઝુંબેશ ચલાવે છે.
V/S 
(બંને ફોટા વિકિપિડિયા પરથી લીધા છે)
આ સમાચાર પરથી કોઈ એક બ્લોગરે ઈરાનના રાષ્ટ્રપતિ અને પાકિસ્તાનના રાષ્ટ્રપતિ વચ્ચે સચિત્ર સરખામણી કરી છે તે જોવા જેવી છે. આ સરખામણી જોઈને તરજ ચિત્ર સ્પષ્ટ થયું કે આપણા પ્રધાનો/મંત્રીઓની સાથે ઈરાનના રાષ્ટ્રપતિની સરખામણી કરી હોય તો કેવું ચિત્ર બને.
આપનો આ અદનો દોસ્ત, ‘અનિમેષે’ પણ એક વખત ભ્રષ્ટાચાર નાબુદ કરવા માટેના અફલાતૂન આઈડિયા વિશે એક પોસ્ટ કરી હતી જે આપને યાદ હશે… (જો કે તે પોસ્ટને એકેય કોમેન્ટ નહોતી મળી તે વળી અલગ વાત છે!)
(તસવીર સૌજન્યઃ વિજય ફોર વિક્ટરી)
‘સોફ્ટવેર કરીઅર ગ્રોથ મિટર’ નામની સચિત્ર ઈમેઈલ મોકલવા માટે હિનાબેન પારેખનો ખૂબ ખૂબ આભાર.
પ્રિય મિત્રો,
વિનય એટલે કે…
૧. આભ્યંતર તપનો એક પ્રકાર; પૂજ્ય કે માન આપવા લાયક માણસનો આદર કરવા રૂપ તપ. (પ્રાયશ્ચિત, વિનય, વૈયાવચ્ચ, શાસ્ત્રપઠન, ધ્યાન અને કાયોત્સર્ગ એ છ આભ્યંતર તપ છે. – શ્રીમદ્ રાજચંદ્ર)
૨. ઉપદેશ
૩. (જૈન) ગુરુની આજ્ઞા પ્રમાણે વર્તવું તે.
૪. દંડ; શિક્ષા
૫. નમસ્કાર; પ્રણામ
૬. નમ્રતા, નમ્રપણું
૭. નમ્રતા દેખાડવી તે; વિવેક; સલુકાઈ; મર્યાદશીલતા; નમ્રતાથી જે વિવેક કરવો તે; સભ્યતા; શિષ્ટાચાર. ગાંધીજી લખે છે કેઃ વિનય સત્યાગ્રહનો કઠિનમાં કઠિન અંશ છે. વિનય એટલે માનપૂર્વક વચન ઉચ્ચારણ એટલો જ અર્થ અહીં નથી. વિનય એટલે વિરોધી પ્રત્યે પણ મનમાં આદર, સરળ ભાવ, તેના હિતની ઈચ્છા ને તે પ્રમાણે વર્તન. સત્યના આગ્ર વિનાનો વિનય વિનય નથી પણ ખુશામત છે, દંભ છે, તેથી ખરું જોતાં તે અવિનય છે. Continue reading 'ભગવદ્ગોમંડલ ઓનલાઈન'»
પ્રિય મિત્રો,
સહર્ષ જણાવવાનું કે જે સુવિધાને કારણે આપણે સરળતાથી બ્લોગ ચલાવીએ છીએ તે વર્ડપ્રેસનો નવો અવતાર વર્ડપ્રેસ ૨.૭ આવવાની તૈયારીમાં છે. અત્યારે આપણે બધા વર્ડપ્રેસ ૨.૬ વાપરીએ છીએ. નવા અવતારમાં ઊડીને આંખે વળગે તેવી વાત એ છે કે તેનું નેવિગેશન મેનુ ઉપરની તરફ નહીં પણ ડાબી તરફ હશે. Continue reading 'વર્ડપ્રેસ ૨.૭ આવી રહ્યું છે…'»
પ્રિય મિત્રો,
ફન-એન-ગ્યાન ટૂલબાર પર આજે એક નવો વિભાગ ઉમેરવામાં આવ્યો છે: ઓર્કુટ કોમ્યુનિટી.
ઓર્કુટ પર અમુક સારી સારી કોમ્યુનિટી સારું કામ કરે છે અને ખાસી પ્રચલિત થઈ છે. ફન-એન-ગ્યાનના વાચક મંથન ભાવસાર (ધબકાર ગ્રુપ)ના સૂચનને માન આપીને ગુજરાત/ગુજરાતીને લગતી કેટલીક કોમ્યુનિટી ફન-એન-ગ્યાન ટૂલબાર પર મુકી છે. આપને બીજી કોઈ ધ્યાનમાં હોય તો (તેમજ કોઈ ખોટી કોમ્યુનિટી મુકાઈ ગઈ હોય તો પણ) મને જણાવશો.
આવતીકાલે ગુગલ/યાહુના ગ્રુપ (સમુહ)નો વિભાગ બનાવીશ.
આશા છે આપને મારો આ પ્રયાસ પસંદ પડશે તેમજ ઉપયોગી થશે.
- વિનય ખત્રી ‘અનિમેષ’ના પ્રણામ
પ્રિય મિત્રો,
એક લાંબા વિરામ બાદ આજે બ્લોગ અપડેટ કરવા બેઠો છું ત્યારે આપની સાથે કેટલીક વાતો કરવી છે.
૧. સર્ફગુજરાતી.કોમનું પ્રોગ્રામિંગ સરસ થઈ રહ્યું છે. પહેલી ટ્રાયલ સફળ થઈ. નાની-નાની કેટલીક ભૂલો છે તેમજ અમુક જ્ગ્યાએ યુનિકોડ ફોટ બરાબર દેખાતા નથી. સુધારા વધારા થઈને અઠવાડિયામાં આવી જશે. બધુ સમું પાર પડ્યું તો પહેલે નોરતે અપલોડ કરી દઈશ. પ્રોગ્રામર સાથે સતત ૧૫-૨૦ દિવસ માથાફોડી કરી પણ લાગે છે કે ધાર્યું પરિણામ જોવા મળશે. સર્ફગુજરાતી.કોમ એ ફન-એન-ગ્યાન ટૂલબારની ઓનલાઈન આવૃત્તિ છે જે ટૂલબાર ઉપરાંત બીજા પણ કેટલાક ઉપયોગી સાધનો સાથે આવશે.
૨. મનીષભાઈ મિસ્ત્રીનો ખૂબ ખૂબ આભાર તેમણે સર્ફગુજરાતી.કોમ માટે સરસ મજાની ડિઝાઈન બનાવીને મોકલાવી છે:
૩. આ સમય દરમ્યાન ઘણાં બધા નવા બ્લોગ બન્યા, તેમાંથી આ બે બ્લોગનો ફન-એન-ગ્યાન પર ઉલ્લેખ કરવો જરૂરી છે: અ) જોડણીની જાણકારી અને બ) ઊંઝા જોડણી.
૪. જોડણીના નિયમો વિશેના લેખ જુ.કાકા (જુગલકિશોર વ્યાસ) ના બ્લોગ પર વાંચ્યા હતા, તે પછી આ બ્લોગ પર જોડણી વિશેની માહિતી જાણવા મળી.
૫. બીજા બ્લોગનો અત્રે ઉલ્લેખ કરવો એટલે જરૂરી લાગ્યું કે અજ્ઞાતભાઈ હવે અજ્ઞાત નથી રહ્યા. કોઈ પણ બ્લોગ પર જોડણી વિશયક પોસ્ટ મુકવામાં આવે કે તરત જ તેમની અજ્ઞાત કોમેન્ટ આવી જ જાય! વળી દરેક વખતે તેમણે નવું નામ ધારણ કર્યું હોય! હવે તેમણે પોતાનો બ્લોગ શરુ કર્યો છે તેથી હવે અજ્ઞાત રહીને પણ એક્સેસિબલ બન્યા છે.
૬. બંને બ્લોગની મુલાકાત લેતાં એક વિરોધાભાસ જોવા મળ્યો: લિપિ સુધારણા વિશેના સુચનોનો સર્વ પ્રથમ જાહેર વિરોધ કરનાર એક મહિલા હતી! (અને તેમણે પોતના નામે વિરોધ કર્યો હતો.) જ્યારે આજે મર્દમુછાળાને પણ અજ્ઞાતનામે અને પ્રોક્ષીના બુરખા પહેરીને વિરોધ કરવો પડે છે!
આવતી કાલથી રાબેતા મુજબ ભારતીય સમય પ્રમાણે સવારે સાત વાગ્યે પોસ્ટ મુકવામાં આવશે.
- વિનય ખત્રી ‘અનિમેષ’ના પ્રણામ.
પ્રિય મિત્રો,
ગયા વર્ષે એપ્રિલમાં દિવ્યભાસ્કરે ગુજરાતી બ્લોગ જગત વિશે એક લેખ લખ્યો હતો ગુજરાતી સાહિત્ય વાયા બ્લોગ્સ! આજે મારે આ લેખનું મથાળું આપવું પડ્યું છે અશ્લીલ સાહિત્ય વાયા બ્લોગ્સ!
વર્ડપ્રેસ બ્લોગ્સના ગુજરાતી વિભાગમાં ગઈકાલથી એક બ્લોગ દેખાવા લાગ્યું છે જે અશ્લીલ સાહિત્યની ગુજરાતી વેબસાઈટ પર લઈ જાય છે (દેખીતા કારણોસર અહીં બ્લોગની લિન્ક નથી મૂકી).
અત્યાર સુધી અશ્લીલ બ્લોગ સ્પામમાં ફિલ્ટર થઈ જતા હતા પણ આ બ્લોગ ગુજરાતીમાં લખાયો હોવાથી સ્પામ ફિલ્ટરમાંથી બચી જવા પામ્યો છે. ગયા માર્ચ મહિનામાં ગુજરાતી ભાષાંતર કરી શકે અને ફોટોશોપમાં અંગ્રેજી લખાણની જગ્યાએ ગુજરાતી ભાષાંતર મૂકી શકે તેવા યુવાનો જોઈએ છે એવી જાહેરાત કરીને યુવાનોને અંગ્રેજી અશ્લીલ કાર્ટુનના ગુજરાતી કરણ કરવા માટે જોતરી દેવાયા છે.
આ એક અત્યંત ગંભીર વિષય છે અને ગુજરાતી બ્લોગ જગત માટે કલંક બની શકે તેમ છે તેથી આ બાબતમાં શું કરી શકાય તે માટે આપના મંતવ્ય જણાવો.
વિનંતી: અહીં કોમેન્ટમાં તે બ્લોગનું યુઆરએલ ન લખવા વિનંતી.
પ્રિય મિત્રો, આજે ગણેશ ચતુર્થી છે. દરેક શુભકાર્યની શરુઆત ગણેશજીથી થાય છે. અહીં પુણેમાં મેળાઓનો માહોલ છે ત્યારે આપણે વાત કરવાના છીએ ગુગલ ક્રોમ વિશે.
ગુગલ ભક્તો માટે આનંદના સમાચાર છે કે ગુગલનું ઓપનસોર્સ બ્રાઉઝર ક્રોમનું આજે વિમોચન થયું. કાર્તિક મિસ્ત્રીના બ્લોગ પરથી ક્રોમ વિશે વાંચ્યું અને તરત જ ડાઉનલોડ કરવા માટે ખાંખાખોળા કર્યા ત્યારે ખબર પડી કે હજી આવ્યું નથી પણ આવવાનું છે! ગુગલ અલર્ટ પર ડાઉનલોડ માટેની લિન્ક મુકી અને અત્યારે ડાઉનલોડ કરીને જોઇ લીધું કે આપણા ગુજરાતી બ્લોગ્સ બરાબર ચાલે છે કે નહીં. Continue reading 'ગણેશ ચતુર્થી અને ગુગલ ક્રોમ'»
Comments (2) 
