Archive for August, 2008
રાજ, મને લાગ્યો કસુંબીનો રંગ!
પ્રિય મિત્રો,
રાષ્ટ્રીય શાયર આદરણીય ઝવેરચંદ મેઘાણીની આજે જન્મ જયંતી છે ત્યારે તેમને યાદ કરીએ.
ખુમારીથી ઝઝુમતી હોય જોવી ગુર્જરી વાણી
કંસુબી રંગનો એક જ કવિ છે માત્ર મેઘાણી.
- સુરેશ દલાલ
- રીડગુજરાતી પર તેમની રચનાઓ વાંચો.
- રણકાર પર તેમની રચનાઓ વાંચો/સાંભળો.
- ગુજરાતી સારસ્વત પરિચય પર તેમનો પરિચય વાંચો.
તસવીર સૌજન્ય ગુર્જરી.નેટ
સાચિ જોડણિ અઘરિ નથિ
પ્રિય મિત્રો,
સાચી જોડણી કરવા માટે પુંજાભાઈ ચખપલબના રવાડે ચડી ગયા હતા પણ હવે સાચી જોડણી ખરેખર અઘરી નથી.
પુંજાભાઈ અને ઊંઝાભાઈ આઘા ખસો, વિશાલભાઈ લાવ્યા છે સર્વ પ્રથમ ઓનલાઈન ગુજરાતી સ્પેલ ચેકર!
વિશાલભાઈ માટે આભાર શબ્દ ન ચાલે તેમના માટે તો આ પાનાં પરનાં બધાં શબ્દો બોલી જઈએ તો પણ ઓછાં પડે! Read the rest of this entry »
ઊંઝા જોડણી - એક નવો વિભાગ
પ્રિય મિત્રો,
આજ-કાલ સર્ફગુજરાતીની ટ્રાયલમાં વ્યસ્ત હોવાથી નિયમિત પોસ્ટ મૂકી શકાતી નથી માટે માફ કરજો.
સર્ફગુજરાતી માટે ઢગલાબંધ બ્લોગની મુલાકાત લેતાં એક વાત મારા ધ્યાનમાં આવી તે છે ઊંઝા જોડણીના બ્લોગની વધતી જતી સંખ્યા! તેથી ફન-એન-ગ્યાન ટૂલબાર પર ઊંઝાજોડણી વાળા બ્લોગ/વેબસાઈટનો અલગ વિભાગ બનાવ્યો છે.
આશા છે આપને મારો આ પ્રયાસ પસંદ પડશે…
સ્પસ્ટતા અને વિનંતી: અંગત રીતે હું ઊંઝા જોડણીનો વિરોધી છું પણ ફન-એન-ગ્યાન ટૂલબાર કોઇનો વિરોધી ન હોઈ શકે, બધાનો મિત્ર હોઈ શકે તેવી ભાવના સાથે આ નવો વિભાગ ઉમેર્યો છે. અહીં કોમેન્ટમાં ઊંઝા જોડણી વિશે ચર્ચા ન કરતાં ટૂલબાર પર આપનો બ્લોગ યોગ્ય રીતે, યોગ્ય વિભાગમાં મૂકાયો છે કે નહીં તે જણાવવા વિનંતી.
જત ઉમેરવાનું કે ઓનલાઈન ગુજરાતી સ્પેલચેક આવી ગયું છે: પ્રમુખ ટાઈપપેડ- વિશાલભાઈ મોણપરા
આપનો કિમતી મત…
પ્રિય મિત્રો,
સર્ફગુજરાતીના પ્રોગ્રામિંગ અને પહેલી ટ્રાયલમાં વ્યસ્ત હોવાથી નિતમિત પોસ્ટ મૂકી શકાઈ નથી માટે દિલગીરી.
‘નોબડી’ વાળા આ પાટિયાનું ગુજરાતી કરવું જરા અઘરું છે પણ પ્રયત્ન કરું છું.
ચૂંટણી વખતે આપેલા વચનો ‘કોઈ નથી’ પાળતું.
તમારી સમસ્યા ‘કોઈ નથી’ સાંભળતું.
ગરીબ અને બેકારની મદદ ‘કોઈ નથી’ કરતું.
તમારી સંભાળ ‘કોઇ નથી’ લેતું.
સત્ય હકિકત ‘કોઇ નથી’ કહેતું.
માટે હે સુજ્ઞવાચક, આ વખતે ચૂંટણીમાં ‘કોઈ નથી’ને મત આપીને વિજયી બનાવો!
જન્મ જયંતિ - ચંદ્રકાન્ત બક્ષી
પ્રિય મિત્રો,
આજે મારા પ્રિય લેખક શ્રી ચંદ્રકાન્ત બક્ષીની જન્મ જયંતિ છે.
ઈન્ટરનેટ પર તેમના લેખવાંચવા અહીં ક્લિક કરો.
તેમનો ગુજરાતી સારસ્વત પરિચય
જય સોમનાથ - દિવ્ય ભાસ્કર
પ્રિય મિત્રો,
દિવ્ય ભાસ્કર વેબસાઈટ પર જંક કેરેક્ટર્સની જે સમસ્યા છે તે માટે ૨૫ જુનથી સતત અને નિયમિત રીતે ફોન અને ઈમેઈલ વડે દિવ્ય ભાસ્કરને ફરિયાદ કરતો રહું છું. આટલી સરસ સાઈટ પર આવતા સરસ અને માહિતીપ્રદ લેખો આવી નાની પણ મહત્વની ભૂલોને કારણે નકામા થઈ જતા ન જોઈ શક્યો તેથી અને ફરિયાદ કરવાથી ક્યારેક સુધારો થશે એ આશાએ પ્રયત્નો કરતો રહ્યો છું.
જંક કેરેક્ટર્સની સમસ્યામાં સુધારો થવાને બદલે ગયા બુધવારે વિજ્ઞાન અને ટેક્નોલોજી વિભાગમાં મૂકાયેલા હિમાંશુભાઈ કિકાણીના લેખની હાલત જોઇને હું આશાવાદીમાંથી નિરાશાવાદી થઈ ગયો અને પોસ્ટ લખી કાઢી હમ નહીં સુધરેંગે.
પોણા બે મહિનાથી દિવ્ય ભાસ્કરની વેબટીમ એક જ જવાબ આપતી રહી કે નવી વેબસાઈટમાં આ સમસ્યા નહીં હોય, પણ સોમનાથ મહાદેવ વાળો લેખ જોઇને તેમની પોકળતા ખુલ્લી પડી ગઈ (જુઓ નીચેનું ચિત્ર). નવી વેબસાઈટમાં પણ લિન્કની જગ્યાએ ગરબડીયા અક્ષરોની સમસ્યા તેમની તેમ છે. Read the rest of this entry »
