Archive for February 1st, 2008
અલવિદા નેટસ્કેપ નૅવિગેટર!
૧૯૯૦માં જ્યારે ઈન્ટરનેટ એટલે એન્જિનિઅર અને સાયન્ટિસ્ટ માટેની સગવડ એવી માન્યતા બંધાતી હતી તે સમયે ઈન્ટરનેટને લોકભોગ્ય બનાવનાર સર્વ પ્રથમ ઈન્ટરનેટ એક્સપ્લોરર નામે નેટસ્કેપ નૅવિગેટર આ મહિનાના અંતે તેનો સપોર્ટ પાછો ખેંચી રહ્યો છે એવા સમાચાર વાંચીને ઘણું દુઃખ થયું.
૧૯૯૦થી ૧૯૯૫ સુધી એક ચક્રી સામ્રાજ્ય ચલાવીને ખૂબ ઊંચે આવેલી આ કંપની ૧૯૯૫માં માઈક્રોસોફ્ટના આ ક્ષેત્રમાં આવવાથી નબળી પડતી ચાલી અને અંતે એઓએલ સાથે જોડાઈ ગઈ પણ નસીબ આડેનું પાંદડું ખસ્યું નહીં. છેવટે નેટસ્કેપના કેટલાક પ્રોગ્રામર છુટા થઈને ફાયરફોક્સ બનાવ્યું. પછીથી બીજા પણ જોડાઈ ગયા અને આજે ફાયરફોક્સની ચડતી છે અને નેટસ્કેપની પડતી થઈ છે.
તડાફડી ટુલબાર 
ઈન્ટરનેટ એક્સપ્લોરર ઉપરાંત 
નેટસ્કેપ અને 
ફાયરફોક્સ બંનેમાં ચાલે છે તે આપની જાણ ખાતર.
તડાફડી અભી ઔર ભી બાકી હૈ…
પ્રિય મિત્રો,
કેમ છો?
સખત તાવ, મહારાષ્ટ્રના ગામડાઓની ટુર અને મુંબઈના ગોરેગામમાં યોજાયેલા પાંચ દિવસના ઇલેક્રમા પ્રદર્શન પતાવીને ફરી એક વાર આપનો અનિમેષ આપની સમક્ષ હાજર છે.
આપને તડાફડી ટુલબાર કેવું લાગ્યું? આપનો બ્લોગ યોગ્ય વિભાગમાં મૂકાયો છે? કોઇ બ્લોગ રહી ગયો છે? આપના સુચનો મને ચોક્કસ લખી મોકલો…
આજે તડાફડી અને નેટસૅવિ બંને વિભાગમાં એક એક પોસ્ટ મૂકવામાં આવશે.
ચાલો તો લાગી જાઉં કામ પર…
- અનિમેષ અંતાણી
